खाङ्‌मुमा 2:19 - बान्‍तावा राई

¹⁹ खानानिन त़मुम्‌योम्‍च़म्‌ओ अ़तुक्‌वाचि झारा सिन्‍तुङ्‌योङ्‌च़ङ। आम्‍नुओ सोमातुक्‍माचि, आम्‍नुओ साकोङ्‌छ़ङ्‌चि, आम्‍नुओ सेवाचि खोन्‍कि आम्‍नुओ आङ्‌माय़ङ्‌चि अ़ङ्‌का सिन्‍तुङ्‌योङ्‌च़ङ। आदेङ्‌ओ आम्‍नुओ काचिचि बुयाओदाङ्‌का च़लोक म़मुयाङ निकिना अ़ङ्‌का सिन्‍तुङ्‌योङ।

खाङ्‌मुमा 2:19 ပူးပေါင်းရင်းမြစ်များ

लुका 1:23

यरुसलेम्‌दा जकरियाओ ब़क्‍मा काचिओ अ़फान चिआकि खोक्‍को अ़खिम खारा।

युहन्‍ना 15:2

अ़ङ्‌काएदा कायाक झारा सिवा मान्‍सिकादा खेक्‌चि खोक्‍कोसाआ म़खोक्‍तुखाइसुचि खोन्‍कि सिवाकासि झारा खेक्‌चि च़लोक सिवा म़सिने निकिना खोक्‍कोसाआ मान्‍सिकादाचि म़क़प्‍तुचि।

कलस्‍सि 3:14

ओ झारादाङ्‌का च़लोक सोम्‍तुक्‍मा लोआनुम, मोसाआ खानानिन झारा अ़क्‌तात लिमादा अ़क्‍नि म़छुम।

१ थेसलोनिकि 3:6

मेन तिमोथि खानानिन्‌एदाङ्‌का आन्‍कान्‍काएदा लासाबानायुङ्‌सा, खोन्‍कि आम्‍नुओ साकोङ्‌छ़ङ खोन्‍कि आम्‍नुओ सोमातुक्‍माओ अ़तुक्‌वादा नुय़ङ्‌खान आन्‍कान्‍काएदा बात्‍तुयुङ्‌सु। खानानिन्‌आ आन्‍कान्‍का अ़धुन सोमातुक्‌याङ्‌सा त़मित्‍निङ्‌निओ खोन्‍कि खानानिन आन्‍कान्‍का खाङ्‌मा स़न्‌येन्‍कावात्‍निङा खानानिन्‌छाङ आन्‍कान्‍का खाङ्‌मा त़स़न्‌येन्‌ओ य़ङ आन्‍कान्‍का खाअ़एत्‍तिन युङ्‌सिन्‍का,।

२ थेसलोनिकि 1:3

ब़ब़, नाना खोन्‍कि निछाचि ओ, आम्‍नुओ निकिना अ़धुन आन्‍कान्‍का निनाम्‍हाङ आलाङ प़माङादोत, देकिनालो आम्‍नुओ सोम्‍कुवा च़लोक पोन्‌याङ, खोन्‍कि अ़क्‍छा निएदा झारासोओ आम्‍नुओ सोम्‍तुक्‍मा पोन्‌याङ।

१ तिमोथि 1:5

अ़ङ्‌को ओ लोमाय़ङ्‌ओ मित्‍चिऩङ ओवाको ओ: सेङ्‌याङ्‌ओ साकोङ्‌वा, अ़नुवाक छेन्‍खाताया खोन्‍कि अ़नुछ्‍याओ साकोङ्‌छ़ङ्‌लाम्‍पा ताओ सोमातुक्‍माआ म़भेप्‍तुचिने।

१ पत्रुस 4:8

झारादाङ्‌का बुया आम्‍नुओ रादा अ़क्‍छा निएदा साकोङ्‌वादाङ्‌का सोम्‍तुक्‍मुवानिन। देकिनालो सोम्‍तुक्‍माआङा खिप्‍मा अ़ऱन्‍मिन्‌ओ हेवाचि दिप्‍तुचि।

२ पत्रुस 1:7

साम्‌योक्‍मिदा साकोङ्‌छ़ङ कामुचि सोम्‌योक्‍मा, साकोङ्‌छ़ङ कामुचि सोम्‌योक्‍मादा सोम्‍तुक्‍मा तेप्‍तानुम।

२ पत्रुस 3:18

मेन आन्‍हाङ्‌पा खोन्‍कि कालेन्‍पा येसु ख्रिस्‍तओ अ़चुताया खोन्‍कि अ़चुसोम्‍तुक्‍मादा पोन्‌याङ्‌सा खारानिन। ओन्‍ग़रि खोन्‍कि अ़धुन हाङ्‌पाओ अ़चुऩङ्‌लोङ्‌ने। मोवात्‍निङा लिने!

खाङ्‌मुमा 2:13

खानानिन खादा त़युङिन्‌येन, अ़ङ्‌का सिन्‍तुङ्‌योङ। मोदा सैतानाओ अ़हाङ्‌युङ्‌खा युङ्‌याङ। खोन्‍नुछाङ अ़ङ्‌ऩङ्‌दा खानानिन नुलोक त़युङिन। सोम्‍कुवा मुमा खान्‍तुओ अ़ङ्‌सालुम्‍स़ङ काप़पा एन्‍तिपास्‌ओ अ़ग़रिदाछाङ अ़ङ्‌काएदा साकोङ्‌छ़ङ मुमा मान्‍छित्‍त़दोम, खो सैतानाओ अ़युङ्‌खादा आम्‍नुओ रादा सेरायुङ्‌सा।

खाङ्‌मुमा 2:9

अ़ङ्‌का आम्‍दुखाचि खोन्‍कि आम्‍मान्‍तोक्‍दामाचि सिन्‍तुङ्‌योङ्‌च़ङ। मेन खाना कातोक त़मुयाङ! साङ आप्‍पि यहुदिनि म़लोनानान्‍चिन, मोचिआ खानानिन ऩसुङ्‌तिन्‌येन्‌ओ अ़ङ्‌का सिन्‍तुङ्‌योङ। मोचि यहुदिचि माआङ, मेन सैतानाओ अ़रुहुप्‌चि ओ।