खाङ्‌मुमा 19:20 - बान्‍तावा राई

²⁰ खोन्‍कि मो साक्‍स़ङ खोन्‍कि मोसोओ अ़बुदा म़दोम्‍दाओ काचि कामु सोज्‍जेओ निनाम्‍हाङ्‌य़ङ खाकालु ह़वाङ्‌माङ लाप्‍खावा चाचि। ओ म़दोम्‍दाओ काचिचिलाम्‍पा मो सोज्‍जेओ निनाम्‍हाङ्‌य़ङ खालुवा मो साक्‍स़ङ्‌ओ अ़सेप्‍मा कापाक खोन्‍कि मोसोओ अ़सेम्‍पोक काब़क्‌चि म़प्‍तुचि। मोचि ह्‍वातात्‍माङ लेराङाओ गन्‍दक्‌ओ मिराक्‌दा अ़ह़ङ्‌ङा म़वेइसुदिसुचि।

खाङ्‌मुमा 19:20 ပူးပေါင်းရင်းမြစ်များ

मत्‍ति 7:15

सोज्‍जेओ निनाम्‍हाङ्‌य़ङ खाकालुचिएदाङ्‌का चाप्‍चेत्‍तानिन्‍चिन। मोचि आम्‍नुओ रादा भेरावाको म़लिकि म़ता, मेन अ़चुकोङ्‌हुत्‌या क़माकात्‍तुओ बेन्‍पाचिवात्‍नि मोचि म़मु।

खाङ्‌मुमा 14:10

निनाम्‍हाङ्‌आ अ़चुच़ऱपाओ अ़न्‍नुनु छोयाङ्‌ओ अङ्‌गुरा माङ्‌वाछाङ मोचि दुङ्‌म़मेत्‍तुचि। मोसोओ अ़तुप्‌य़ङ मोचि म़सेङ्‌याङ्‌ओ निनाम्‍हाङ काफाचि खोन्‍कि थुबाछाओ अ़चुबुदा मि खोन्‍कि गन्‍ध़क्‌दा तोक्‍पो दुखा म़प़चि।

खाङ्‌मुमा 17:12

खाना त़खाओ मो दस्‌कातात खुक्‍खाचि दस्‌कापाङ हाङ्‌चि ओ, मोचिआ हाङ्‌मुमा मान्‍पुङ्‌अ़युक। मेन मोचिआ मो साक्‍स़ङ्‌एनान अ़क कोम मो हाङ्‌मुमा पाङ अ़तोक।

खाङ्‌मुमा 19:19

हेन्‍खामादाओ साक्‍स़ङ खोन्‍कि झारा हाङ्‌चि खोन्‍कि अ़चुओ रात्‍खामिचि म़कोवान्‍चिन्‌ओ अ़ङ्‌का खाङ्‌च़ङ। मोचि युक्‌वादा कायुक खोन्‍कि खोसोओ अ़रात्‍खामिचिओ अ़चुदेङ्‌सालाप्‍पादा ङेन म़मुवा।

खाङ्‌मुमा 20:10

मोचि काधान मो सैताना लेराङाओ गन्‍दक्‌ओ मिराक्‌दा वेइसादिसा, मोदा मो साक्‍स़ङ खोन्‍कि सोज्‍जेओ निनाम्‍हाङ्‌य़ङ खाकालुछाङ याआङा। मोदा मोचिआ अ़खोलेन अ़खाखुत अ़धुन्‌ङा दुखा अ़आङ्‌युङ।

खाङ्‌मुमा 21:8

मेन अ़चुक़मा काकात्‌चि, साकोङ्‌छ़ङ मान्‍मुकादाचि, चिप्‍माकात्‍तुओचि, म़ना कासेत्‌चि, पोप्‍कामुचि, म़क्‍फेङ कामुचि, सेम्‍पोक काब़क्‌चि खोन्‍कि म़ना काम़प्‌चि झारा मो म़नाचिओ अ़चुपाङ्‌यि लेत्‌याङ्‌ओ गन्‍दक्‌ओ मिराक्‌दा लि। ओ ह्‍वादुओदु स़मा ओ।”

खाङ्‌मुमा 22:15

मेन मो सहरा बुङ्‌खाया ना कुतिवाचि, म़क्‍फेङ कामुचि, पोप्‍कापोप कामुचि, म़ना कासेत्‌चि, सेम्‍पोक काब़क्‌चि खोन्‍कि सोज्‍जेओ ऩङाकानुचि खोन्‍कि मोवात्‍निङा काच़चि म़युङ।

खाङ्‌मुमा 9:17

अ़ङ्‌सेन्‍चिदा खाङ्‌ओ युक्‌वाचि खोन्‍कि युक्‌वा कायुक्‌चि ओवाको म़मुवाङा। मोचिओ अ़चुकोङ्‌कोम्‌ओ अ़दिप्‍खा हालापाक्‍पाक्‌ओ, माक़ल़ङ्‌ल़ङ्‌ओ खोन्‍कि हारादिदिओ मुवाङा। मो युक्‌वाचिओ अ़चुताङ्‌चि धिनाराचिओ अ़चुताङ्‌चिवा म़काराङा। मोचिओ अ़चुदोचिदाङ्‌का मि, तुङ्‌ऱक, खोन्‍कि गन्‍दक लोन्‍ताङा।