खाङ्‌मुमा 19:2 - बान्‍तावा राई

² देकिनालो खोक्‍कोसोओ अ़चुछ़ङ छेन्‍माचि तोङ्‌लो खोन्‍कि अ़छ़ङ मुयाङ। झारा हेन्‍खामा मोसोओ अ़पोप्‍माआ अ़त्‍लोकामु मो तोक्‍पो काचान्‍चामा खोक्‍कोसाआ दन्‍दा अ़पुवायुङ्‌सा। निनाम्‍हाङ्‌आ मो दन्‍दा अ़पुवायुङ्‌सा देकिनालो खोक्‍कोसोओ अ़चुहारुक्‌चि मोसाआ सेरुचि।”

खाङ्‌मुमा 19:2 ပူးပေါင်းရင်းမြစ်များ

खाङ्‌मुमा 15:3

मोचिआ निनाम्‍हाङ्‌ओ अ़चुहारुक मोसाओ अ़साम्‍ऱङ खोन्‍कि थुबाछाओ अ़चुसाम्‍ऱङ अ़लुवाङा, “हाङ्‌पा निनाम्‍हाङ झारा सावाकातोक, आम्‍नुओ काचिचि देम तोक्‍पो खोन्‍कि म़दोम्‍दाओ म़मुयाङ। रावा-रावाचिओ तोक्‍पोहाङ, आम्‍नुओ लाम्‌चि साम्‌योक्‍मि खोन्‍कि अ़छ़ङ म़मुयाङ।

खाङ्‌मुमा 18:20

खोन्‍किना निनाम्‍मादुङ्‌का अ़क्‌तात य़ङ ता, “निनाम्‍मादु कायुङ्‌चिओ, आम्‍नुओ ऩङानुसानिन्‍चिन! निनाम्‍हाङ काब़क्‌चि, छाम्‍माय़ङ म़नाचि खोन्‍कि निनाम्‍हाङ्‌य़ङ खाकालुचि ओ, ऩङानुसानिन्‍चिन! मोसाआ खानानिन्‌एदा मुओ अ़त्‍लोओ निनाम्‍हाङ्‌आ छ़ङ्‌अ़छेन्‍तायुङ्‌सा।”

खाङ्‌मुमा 18:3

देकिनालो झारा रावाचिआ मोसोओ अ़पोप्‍मा काचिआ खाबात्‌आ सेरिन्‌वा सेरुङुचि। हेन्‍खामादाओ हाङ्‌चिआ मोएनान ताङ्‌लान म़मुवायुङ्‌सा, खोन्‍कि झारा हेन्‍खामादाओ काखित-काइन्‌चि कातोक म़लिसा देकिनालो मोसाआ च़लोक म़छ़साङाओ सामाचि मित्‍तुचि।”

खाङ्‌मुमा 6:10

मोचि अ़धिवा य़ङ्‌आ म़पारा, “झारा सावाकातोक, त़सेङिन्‌येन्‌ओ खोन्‍कि अ़छ़ङ हाङ्‌पो! देम्‍खा खानानिन्‌आ आन्‍कान्‍का कासेत, ओ हेन्‍खामादाओ म़नाचि छ़ङ त़छेन्‍तुम्‍च़म खोन्‍कि अ़फान त़लात्‍तुम्‍च़म?”