खाङ्‌मुमा 18:24 - बान्‍तावा राई

²⁴ बेबिलोन्‌आ दन्‍दा तोक्‍तुयुङ्‌सु, देकिनालो निनाम्‍हाङ्‌य़ङ खाकालुचि, निनाम्‍हाङ्‌ओ अ़चुम़नाचि खोन्‍कि हेन्‍खामादा म़सेराओचि झारासोओ अ़चुह़ मोदा धिरा।”

खाङ्‌मुमा 18:24 ပူးပေါင်းရင်းမြစ်များ

मत्‍ति 23:27

अ़चाअ़त्‍मादा त़छुक्‍तिन खानानिन य़ङ्‌हुप काचिन्‍पाचि खोन्‍कि फरिसिचि ओ! खानानिन कोङ्‌क़त्‌वाचि ओ! देकिनालो खानानिन ओम्‍प़चिवा बाखाआ लेङ्‌माय़ङ एप्‍माचिवाको त़मुन्‌येन, मो बुङ्‌खालिप्‍पा खान्‍नुओ दात, मेन अ़कोङ्‌लिप्‍पा म़सुवादाओ म़नाचिओ अ़चुय़वाचि खोन्‍कि झारा अ़सेङ्‌निनिन्‌ओचिआ भेप्‍तुयुङ्‌सु।

मत्‍ति 23:35

खोन्‌ओसा हेन्‍खामादा सोन्‍माय़ङ झारा साम्‌योक्‍मि म़नाचिओ अ़चुह़, मान्‍फिकादा हाबिल्‌ओ अ़ह़दाङ्‌का बेरेक्‌याहओ अ़छा जकरियाओ अ़ह़तारि, मो खानानिन्‌आ निनाम्‍हाङ ब़क्‍खाखिम्‍हुत्‌दाओ सेङ्‌याङ्‌ओसोओ खोन्‍कि ब़क्‍खाओ अ़चुकाप्‌दा त़सेरुम, मो खानानिन्‌एदाङा छुक।

छाम्‍माय़ङ 7:52

आम्‍नुओ सुन्‍तुम्‌चिआ दुखा मान्‍प़म़दोचिओ निनाम्‍हाङ्‌य़ङ खाकालुचि साङ्‌छाङ मात्‍द़ङ्‌चि। आम्‍नुओ सुन्‍तुम्‌चिआ साम्‌योक्‍मि म़ना मसिह म़ताङाओ अ़तुक्‌वादा निनाम्‍हाङ्‌य़ङ खाकालुचि झारा म़सेरुचि। आइमित खानानिन खोक्‍को मसिह साकोङ्‌छ़ङ्‌दा त़धान्‍तुम, खोन्‍कि त़सेरुम।

१ थेसलोनिकि 2:15

मो यहुदिचिआङा हाङ्‌पा येसु ख्रिस्‍त खोन्‍कि निनाम्‍हाङ्‌य़ङ खाकालुचि म़सेरुचि, खोन्‍कि आन्‍कान्‍का ऩऱसिन्‍का। खोन्‍कि मोचि निनाम्‍हाङ्‌ओ अ़चुऩङाछिरालो म़चुवा, खोन्‍कि झारा म़नाचि फित्‍चि म़मेत्‍तुचि।

खाङ्‌मुमा 11:7

मोचिआ अ़चुसालुम्‍स़ङ्‌ओ अ़चुकाचि अ़चिन्‍चुकि अ़थेन मात्‍द़ङ्‌ओ हुत्‌युङ्‌का लोन्‌ओ मो सायाम्‍पोक्‌आ मोचिएनान ङेन मु, खोन्‍कि मोचिएदा छोकि मोचि सेरुचि।

खाङ्‌मुमा 16:6

देकिनालो मोचिआ आम्‍नुओ म़नाचिओ खोन्‍कि आम्‍नुओ खाकालुचिओ अ़चुह़ अ़सोलायुङ्‌सा। खानानिन्‌आ मोचि ह़ दुङ्‌मा त़प़म्‌युङ्‌सुम्‍च़म। मोचिआ तोक्‍मा खान्‍तुचिओ अ़तोक्‍ता।”

खाङ्‌मुमा 17:6

येसुएदा मोचि सोम्‍कुवा म़मुवाओसा मेत्‍छामाआ साकोङ्‌छ़ङ कामुचि सेरुचिओ खोन्‍कि मोसाआ अ़चुह़ दुङुकि सेरुओ खाङ्‌कि अ़ङ्‌का चाअ़त्‍लो अ़दोम्‍ताङ्‌दाङ।

खाङ्‌मुमा 19:2

देकिनालो खोक्‍कोसोओ अ़चुछ़ङ छेन्‍माचि तोङ्‌लो खोन्‍कि अ़छ़ङ मुयाङ। झारा हेन्‍खामा मोसोओ अ़पोप्‍माआ अ़त्‍लोकामु मो तोक्‍पो काचान्‍चामा खोक्‍कोसाआ दन्‍दा अ़पुवायुङ्‌सा। निनाम्‍हाङ्‌आ मो दन्‍दा अ़पुवायुङ्‌सा देकिनालो खोक्‍कोसोओ अ़चुहारुक्‌चि मोसाआ सेरुचि।”