खाङ्‌मुमा 18:14 - बान्‍तावा राई

¹⁴ काइन-काखित्‍चिआ मोचि म़लोचि, “बेबिलोन, आम्‍मिन्‍माआ मित्‍तुङुओ सामाचि झारा खानाएदाङ्‌का म़खारालोन्‍तायुङ्‌सा। झारा चासुम्‍छेन्‍बिचि खोन्‍कि झारा त़मित्‍तुओ सामाचि खानाएदाङ्‌का म़खात्‍तायुङ्‌सा, खोन्‍कि खाना मोचि देम्‍खाछाङ त़लासुन्‍तोक्‍तुन।”

खाङ्‌मुमा 18:14 ပူးပေါင်းရင်းမြစ်များ

मत्‍ति 11:8

माङ्‌नालो खानानिन दि खाङ्‌सि त़लोन्‍तिन? दि अ़नुवाक तित्‌चि काहुम म़ना खाङ्‌सि? माआङ, अ़नुवाक तित्‌चि काहुम्‌चि ना हाङ्‌ओ अ़चुहाङ मुखा खिम्‌चिदा म़युङ।

लुका 12:20

मेन निनाम्‍हाङ्‌आ मो अ़लोवा, ‘खामान्‍सिन! आय़ अ़खाखुत्‌ङा आम्‍साक्‍मा खानादाङ्‌का लारुङ खात्‍तुङ, खोन्‍कि आम्‍को निम्‍पाङ त़भुङ्‌सुयुङ्‌सुओ आम्‍सामाचि साङ्‌को म़लि?’

लुका 16:25

मेन अब्राहाम्‌आ मो लो, ‘अ़ङ्‌छाओ, मित्‍तु। खाना आम्‍ह़ङ्‌म़ङ्‌दा अ़नुवाक-अ़नुवाक सामाचि त़याङुचि, मेन लाजरस्‌आ ना अ़न्‍नुनु चाअ़त्‍लो दुखा आङ्‌तु। खोन्‌ओसा हान ओदा लाजरस अ़ऩङानुयाङ्‌सा चानुलो युङ्‌याङ खोन्‍कि खाना अ़न्‍नुनु चाअ़त्‍लो दुखा त़तोक्‌याङ।

१ कोरिन्‍थि 10:6

खोचिआवात्‍निङा आन्‍कान अ़त्‍लो काचि अ़मुन्‍मिन्‍ने निकिना आन्‍चाप्‍चेत्‍माओ निम्‍पाङ मोवात्‍नि अ़मात्‍ऩङ लिसाओ।

याकुब 4:2

खानानिन मित्‍मा ना त़स़न, मेन त़तोक्‍तिमिन। खानानिन म़ना त़सेरिन खोन्‍कि च़क्‍ख़य़ ना त़मुन, मेन त़तोक्‍तिमिन। खानानिन त़खिन खोन्‍कि त़म्‍हुन। खानानिन दोत्‌ओ खानानिन्‌एदा मात्‍द़ङ, देकिनालो खानानिन निनाम्‍हाङ त़दोत्‍तिमिन।

खाङ्‌मुमा 18:13

खोन्‍कि बेला, सुङ, नाम्‍नुसाम, मुर्र, नि नाम्‍नुओ सुङ, अङ्‌गुरा माङ्‌वा, आक्‌वा, बुत्‍थ़, छुमाचा, पित्‌चि, भेराचि, युक्‌वाचि, ऱथाचि, हारुक्‌चि खोन्‍कि म़नाचि ऩखिरुन्‍चिन।

खाङ्‌मुमा 18:15

मो सहरादा म़इना म़खिराकि फेक्‌वा म़दुवाओ खाम्‍माचि काइन-काखित्‌चि अ़थाया म़एप देकिनालो मोसोओ क़माकात्‍तुओ दुखादाङ्‌का अ़चुक़माकात। मोचि म़खाप खोन्‍कि सोखा म़मु।