खाङ्‌मुमा 18:10 - बान्‍तावा राई

¹⁰ मो दुखा प़याङ्‌ओ क़माआ अ़थाया म़एप्‌कि मोचि ओवात्‍नि म़य़ङ, “आनि! आनि खाना तोक्‍पो सहरा, खाना सावापोरिओ बेबिलोन! अ़क्‍दुदाङा आम्‍दन्‍दा खानाएदा छुक्‍ता।”

खाङ्‌मुमा 18:10 ပူးပေါင်းရင်းမြစ်များ

खाङ्‌मुमा 11:8

मोचिओ अ़चुस़पोक्‌चि मो अ़धिवा सहराओ तोक्‍पो लाम्‌दा ध़चियुङ्‌चि मोदा अ़चुहाङ्‌पा क्रुस्‌दा अ़ख़न्‍ताओ। लावामि तुप्‍माय़ङ्‌दा मो सहराचिओ अ़चुऩङ्‌चि सदोम खोन्‍कि मिस्रनि लो।

खाङ्‌मुमा 14:8

ह्‍वातात्‌ओतात निनाम्‍हाङ काफा ओवात्‍नि य़ङ्‌सा अ़चुदेङ्‌देङ त़ङ्‌तुचि, “लुक्‍ताखारा! तोक्‍पो सहरा बेबिलोन लुक्‍ताखारा! देकिनालो ओ सहराआ झारा रावाचि ताङ्‌लान मुमेत्‍मा अ़अङ्‌गुरा माङ्‌वा दुङ्‌मेत्‍तुचि।”

खाङ्‌मुमा 16:19

तोक्‍पो सहरा सुम्‌का धाङ लिसा, खोन्‍कि हेन्‍कोप्‌चिदाओ झारा सहराचि म़भुङ्‌साखारा। तोक्‍पो सहरा बेबिलोन्‌आ मुओ हेवाचि निनाम्‍हाङ्‌आ अ़मित्‍ता, खोन्‍कि खोक्‍कोसोओ तोक्‍पो अ़चुमाइसुङ मो सहराएदा ता।

खाङ्‌मुमा 17:12

खाना त़खाओ मो दस्‌कातात खुक्‍खाचि दस्‌कापाङ हाङ्‌चि ओ, मोचिआ हाङ्‌मुमा मान्‍पुङ्‌अ़युक। मेन मोचिआ मो साक्‍स़ङ्‌एनान अ़क कोम मो हाङ्‌मुमा पाङ अ़तोक।

खाङ्‌मुमा 18:18

खोन्‍कि मो तोक्‍पो सहरा ह़त्‍ताकि लोन्‍ताओ तुङ्‌ऱक अ़खाङ्‌कि ओवात्‍नि य़ङ्‌सा म़पात, “ओवाको तोक्‍पो सहरावा खाक्‍को सहरा युङाङा कि?”

खाङ्‌मुमा 18:19

खोन्‍किना मोचिआ अ़चुताङ्‌दु बाखा थुलि अ़पाआकि खाप्‌याङ्‌सा खोन्‍कि सोखा मुयाङ्‌सा ओवात्‍नि म़पारा, “चाअ़त्‍लो! चाअ़त्‍लो! मो तोक्‍पो सहरा! मो सहराओ चासुम्‍छेन्‍बिआ वाप्‍तेलाओ अ़हाङ्‌पाचि कातोक म़लिसायुङ्‌सा। अ़क ग़रिदाङा मो सहरा लुक्‍ताखारा।”

खाङ्‌मुमा 18:21

खोन्‍किना अ़क्‌तात सावापोरिओ निनाम्‍हाङ काफाआ अ़धिवा चाचेम्‍खा ओन्‍को अ़क्‌तात लुङ थेन्‍तु, खोन्‍कि ओवात्‍नि य़ङाकि मो धियाङ्‌वामादा वेइसु, “मोवात्‍निङा तोक्‍पो सहरा बेबिलोन अ़धिवा सावाआ वेन्‍खान, खोन्‍कि मो देम्‍खाछाङ अ़लानिन्‍तोक्‍निन।

खाङ्‌मुमा 18:8

खोन्‌ओसा अ़क लेन्‌ङा मो मेत्‍छामाएदा अ़चाअ़त्‍माचि स़मा, योक्‍मा खोन्‍कि स़ङ्‌साक्‌वा म़ता। मो मिआ राङ्‌खान, देकिनालो मोसोओ अ़छ़ङ्‌काछेन हाङ्‌पा निनाम्‍हाङ सावापोरिओ म़मुयाङ।”