खाङ्‌मुमा 17:8 - बान्‍तावा राई

⁸ खाना त़खाओ मो साक्‍स़ङ अ़क्‍दु ह़ङाङा, हान मात्‍द़ङ। हान्‍छाङ मो अ़थेन मात्‍द़ङ्‌ओ हुत्‌दाङ्‌का लालोन खोन्‍कि लुक्‍सि खात। हेन्‍खामादा कायुङ म़नाचि, साङ्‌कोओ अ़ऩङ हेन्‍खामा मुन्‍मा बुयादाङ्‌काङा ह़ङ्‌म़ङ्‌ओ छाप्‍लाखादा मान्‍छाप्‌युक, मोचिआ मो साक्‍स़ङ अ़खाङ्‌कि दोम्‍तुदाचि, देकिनालो मो अ़क्‍दु ह़ङाङा, मेन हान मात्‍द़ङ खोन्‍कि मो माय़ङ लाता।

खाङ्‌मुमा 17:8 ပူးပေါင်းရင်းမြစ်များ

मत्‍ति 25:34

खोन्‍किना हाङ्‌आ अ़चुचुप्‍ताङ्‌छुक्‍लिप्‍पाओचि म़लोचि, ‘बानानिन, अ़ङ्‌पापाओ अ़चुआसिखा कातोक्‌चि ओ! हेन्‍खामा मुन्‍माय़ङ ग़रिदाङ्‌काङा आम्‍नुओ निम्‍पाङ चुम्‍सायुङ्‌साओ हाङ्‌होन्‌दा त़वाङिन।

लुका 10:20

खोन्‍नुछाङ चाकावालावाचि आम्‍नुओ क़म्‍मादा म़याक्‌याङ निकि आम्‍नुओ ऩङानुमा माआङ, मेन आम्‍नुओ ऩङ निनाम्‍मादु छाप्‍तायुङ्‌सा निकि आम्‍नुओ ऩङानुने।”

लुका 8:31

खोन्‍किना चाकावालावाचिआ अ़दु-अ़दु येसु अ़बुआ, “आन्‍कान्‍का अ़थेन मात्‍द़ङ्‌ओ हुत्‌यु खारानिननि मान्‍लोदानि।”

युहन्‍ना 17:24

आपो, अ़ङ्‌का मिन्‍ङाङा, खानानिन्‌आ अ़ङ्‌का त़प़निओचि अ़ङ्‌का खादा युङ्‌ङा, अ़ङ्‌काएनान म़युङ्‌ने, खोन्‍कि अ़ङ्‌साऩङ्‌वा अ़खाङ्‌ने, मो साऩङ्‌वा, हेन्‍खामा मुन्‍मा बुयाङा अ़ङ्‌का सोमात़तुक्‍निओसा खानानिन्‌आ अ़ङ्‌का त़प़निओ।

छाम्‍माय़ङ 15:18

निनाम्‍हाङ्‌आ ब़द्‍धे बुयाङा ओ य़ङ्‌चि खाअ़लुसायुङ्‌सा।’

एफिसि 1:4

निनाम्‍हाङ्‌ओ अ़चुबुदा सेङ्‌याङ्‌ओ खोन्‍कि थुपि मात्‍द़ङ्‌ओ लिसिन्‍ने निकिना हेन्‍खामा मुन्‍मा बुयाङा आन्‍कान सोमाम़तुक्‍ताकि ख्रिस्‍तएदा आन्‍कान म़छेन्‍ता।

तितस 1:2

ओ साकोङ्‌छ़ङ्‌लाम्‍पा आन्‍कान अ़लुक्‍निन्‌ओ ह़ङ्‌म़ङ तोक्‍तुम निकिना तामामित्‍मा मुन। देम्‍खाछाङ सोज्‍जेओ मान्‍चेप्‍कादा निनाम्‍हाङ्‌आ निनाम्‍मा हेन्‍खामा मुन्‍मा बुयाङा आन्‍कान ओ ह़ङ्‌म़ङ प़नानिन निकिना म़हिप्‍तायुङ्‌साओ।

१ पत्रुस 1:20

खोक्‍को हेन्‍खामा मुन्‍मादाङ्‌का बुयाङा निनाम्‍हाङ्‌आ अ़छेन्‍तायुङ्‌सा, मेन आम्‍नुओ निकिना आदेङ्‌माङ खोक्‍को खाङ्‌अ़मुसा।

खाङ्‌मुमा 11:7

मोचिआ अ़चुसालुम्‍स़ङ्‌ओ अ़चुकाचि अ़चिन्‍चुकि अ़थेन मात्‍द़ङ्‌ओ हुत्‌युङ्‌का लोन्‌ओ मो सायाम्‍पोक्‌आ मोचिएनान ङेन मु, खोन्‍कि मोचिएदा छोकि मोचि सेरुचि।

खाङ्‌मुमा 17:11

मो साक्‍स़ङ, मो अ़क्‍दु ह़ङाङा, मेन हान मात्‍द़ङ। मो आथ्‌कातात्‌ओतात हाङ ओ, खोन्‍नुछाङ मो सात्‌कापाङ्‌दाओङा अ़क्‍छा ओ, खोन्‍कि मो लुक।

खाङ्‌मुमा 17:2

ओ हेन्‍खामादाओ झारा हाङ्‌चि मोएनान ताङ्‌लान म़मुवायुङ्‌सा, खोन्‍कि हेन्‍खामादाओ म़नाचि मोसोओ अ़ताङ्‌लान्‌आ सेरुङुचि।”

खाङ्‌मुमा 20:10

मोचि काधान मो सैताना लेराङाओ गन्‍दक्‌ओ मिराक्‌दा वेइसादिसा, मोदा मो साक्‍स़ङ खोन्‍कि सोज्‍जेओ निनाम्‍हाङ्‌य़ङ खाकालुछाङ याआङा। मोदा मोचिआ अ़खोलेन अ़खाखुत अ़धुन्‌ङा दुखा अ़आङ्‌युङ।

खाङ्‌मुमा 20:12

अ़धिवा अ़चुप्‍पा झारा म़सुवादाओचि हाङ्‌युङ्‌खाओ अ़बुदा म़एवाङाओ अ़ङ्‌का खाङ्‌च़ङ। खोन्‍कि छाप्‍लाखाचि म़होङ्‌सा, खोन्‍कि नि ह़ङ्‌म़ङ्‌ओ छाप्‍लाखाछाङ होङ्‌सा। मो छाप्‍लाखाचिदा म़छाप्‍ताङाओ य़ङ्‌चिवा मोचिआ अ़मुवाओ काचिवात्‍नि म़सुवादाओचिओ अ़चुछ़ङ म़छेन्‍तुचि।

खाङ्‌मुमा 20:15

साङ्‌कोओ अ़ऩङ ह़ङ्‌म़ङ्‌ओ छाप्‍लाखादा मान्‍छाप्‌याङ, मो लेराङाओ मिराक्‌दा वेइसादिसा।

खाङ्‌मुमा 3:10

हान चिन्‍माय़ङ ओ हेन्‍खामादा कायुङ म़नाचि चिन्‍खाङ्‌सि झारा हेन्‍खामादा तामा मुयाङ। खानानिन्‌आ दुखा आङ्‌तानुम्‌निओ अ़ङ्‌लोमाय़ङ्‌वा त़च़न्‌ओसा चिन्‍माखाङ्‌माओ ग़रिदाङ्‌का अ़ङ्‌का खानानिन लेन्‍नानिन।

खाङ्‌मुमा 3:5

साङ छो, खो ओवात्‍नि ओम्‌याङ्‌ओ तित हुम्‍मेत। अ़ङ्‌का देम्‍खाछाङ मोसोओ अ़ऩङ ह़ङ्‌म़ङ्‌ओ छाप्‍लाखादाङ्‌का अ़सोप्‍ऩङ्‌खान्‍ऩङ। अ़ङ्‌का मोसोओ अ़ऩङ अ़ङ्‌पापाओ अ़चुबुदा खोन्‍कि खोक्‍को काफाचिओ अ़चुबुदा मो अ़ङ्‌को ओ निकिना लोउङ।