खाङ्‌मुमा 16:21 - बान्‍तावा राई

²¹ पचास-पचास किलो लेकाओ नाङ्‌चि म़नाचिएदा धामा पुङ्‌सु। मो म़नाचिआ नाङ्‌ओ अ़चाअ़त्‍माओ अ़तुक्‌वाआ निनाम्‍हाङ माङ्‌अ़हिम्‍सा। देकिनालो ओ अ़चाअ़त्‍मा अ़न्‍नुनु क़माकात्‍तुओ मुवाङा।

खाङ्‌मुमा 16:21 ပူးပေါင်းရင်းမြစ်များ

खाङ्‌मुमा 11:19

खोन्‍किना निनाम्‍मादु निनाम्‍हाङ्‌ओ अ़चुब़क्‍खाखिम होरा, खोन्‍कि खोक्‍कोसोओ अ़चुब़क्‍खाखिम्‌दा खोक्‍कोसोओ हिप्‍माय़ङ सन्‍दुका दारा। खोन्‍कि मोदा नाम्‍चिम्‍पिलेक्‌ओ अ़साम्‌चि म़लेराङा खोन्‍कि कुलुङ्‌धिप्‍पाओ अ़मुक्‍माचि म़ऱङाङा। लुत्‍लि खारा खोन्‍कि अ़धिवा-अ़धिवा नाङ धा।

खाङ्‌मुमा 16:11

मोचिओ अ़चुखेन्‍चिओ योक्‍माआ मोचिआ निनाम्‍मादुओ निनाम्‍हाङ माङ्‌अ़हिम्‍सा। मेन मोचिआ अ़मुवाओ अ़अ़त्‍पा काचिदाङ्‌का लामा मोचि म़छुन्‍ता।

खाङ्‌मुमा 16:9

म़नाचि क़माकात्‍तुओ तोक्‍पो अ़राक्‌आ राङ्‌तुचि, खोन्‍कि मोचिआ मो अ़न्‍नुनु अ़चाअ़त्‍माचि काक़म निनाम्‍हाङ माङ्‌अ़हिम्‍सा। मेन मोचिआ अ़चुहेवाचिदाङ्‌का लामा खोन्‍कि खोक्‍कोसोओ अ़चुऩङ लोङ्‌मा म़छुन्‍ता।

खाङ्‌मुमा 8:7

बुयाओ निनाम्‍हाङ काफाआ अ़थुथुरि मुत्‍तु, खोन्‍कि ह़एनान होलाङाओ नाङ खोन्‍कि मि ता, खोन्‍कि मो हेन्‍खामादा वेइसाधान्‍ता। खोन्‍कि हेन्‍खामादाओ सुम्‌कालोक्‌ओ स़ङ्‌ताङ्‌चिओ अ़क लोक खोन्‍कि झारा ल़क्‍ल़क्‍ल़क्‌वाओ घासाचि म़ह़त्‍ताखारा।