खाङ्‌मुमा 16:17 - बान्‍तावा राई

¹⁷ सात्‌कातात्‌ओतात निनाम्‍हाङ काफाआ अ़खुङ ह़क्‌दा थोउ। खोन्‍किना निनाम्‍हाङ ब़क्‍खाखिम्‌ओ हाङ्‌युङ्‌खादाङ्‌का ओवात्‍नि य़ङाओ अ़क्‌तात अ़धिवा य़ङ लोन्‍ता, “हान लुक्‍ता।”

खाङ्‌मुमा 16:17 ပူးပေါင်းရင်းမြစ်များ

युहन्‍ना 19:30

येसुआ सुन्‍ताङाओ अङ्‌गुरा माङ्‌वा अ़दुङा, खोन्‍कि खोक्‍को म़य़ङा, “हान चिआ।” खोन्‍कि खोक्‍कोसाआ अ़चुताङ अ़पोम्‍सा, खोन्‍कि अ़चुसाक्‍मा खारा।

एफिसि 2:2

मोन्‍ग़रि खानानिन ओ हेन्‍खामादाओ अ़अ़त्‍पा लाम्‌दा त़कोलिन्‌येन। खानानिन्‌आ नाम्‍छ़ऱदुओ सावाओ अ़हाङ्‌पा त़त़ङ्‌तुम्‌योम, मो लावाङा निनाम्‍हाङ्‌आ लोमाय़ङ्‌वा मान्‍च़कादा छाचिएदा आइमित काचि मुयाङ।

एफिसि 6:12

देकिनालो आन्‍ङेन पोक खोन्‍कि ह़ओ अ़देङ्‌सालाप्‍पादा माआङ, मेन अ़तोक्‍पोचिओ अ़चुदेङ्‌सालाप्‍पादा, सावाचिओ अ़चुदेङ्‌सालाप्‍पादा, आइमित्‌ओ कुइयामा हेन्‍खामादाओ हाङ्‌काचि कामुचिओ अ़चुदेङ्‌सालाप्‍पा खोन्‍कि निनाम्‍मादुओ युङ्‌खाचिदाओ अ़अ़त्‍पा लावामि सावाचिओ अ़चुदेङ्‌सालाप्‍पादा ओ।

खाङ्‌मुमा 11:15

खोन्‍किना सात्‌कातात्‌ओ निनाम्‍हाङ काफाआ अ़थुथुरि मुत्‍तु, खोन्‍कि निनाम्‍मादु ओवात्‍नि य़ङाङाओ अ़धिवा य़ङ्‌चि मुक्‍तुचि, “हेन्‍खामादाओ हाङ्‌होन आन्‍हाङ्‌पा निनाम्‍हाङ्‌ओ खोन्‍कि खोक्‍कोसोओ अ़चुख्रिस्‍तओ हाङ्‌होन लिसायुङ्‌सा, खोन्‍कि खोक्‍को अ़धुन्‌तारि हाङ म़मुयुङ!”

खाङ्‌मुमा 11:19

खोन्‍किना निनाम्‍मादु निनाम्‍हाङ्‌ओ अ़चुब़क्‍खाखिम होरा, खोन्‍कि खोक्‍कोसोओ अ़चुब़क्‍खाखिम्‌दा खोक्‍कोसोओ हिप्‍माय़ङ सन्‍दुका दारा। खोन्‍कि मोदा नाम्‍चिम्‍पिलेक्‌ओ अ़साम्‌चि म़लेराङा खोन्‍कि कुलुङ्‌धिप्‍पाओ अ़मुक्‍माचि म़ऱङाङा। लुत्‍लि खारा खोन्‍कि अ़धिवा-अ़धिवा नाङ धा।

खाङ्‌मुमा 14:15

नि अ़क्‌तात निनाम्‍हाङ काफा ब़क्‍खाखिम्‌दाङ्‌का बुङ्‌खादा लोन्‍ता खोन्‍कि य़वारिदा कायुङ्‌पा अ़धिवा य़ङ्‌आ लो, “आम्‍क़च्‍चे याङु, देकिनालो हेक्‍मा ग़रि तायुङ्‌सा, हेन्‍खामादाओ झारा चा तुमाचिआयुङ्‌सा।”

खाङ्‌मुमा 14:17

खोन्‍किना अ़ङ्‌का निनाम्‍मादु युङाङाओ निनाम्‍हाङ ब़क्‍खाखिम्‌दाङ्‌का नि अ़क्‌तात निनाम्‍हाङ काफा बुङ्‌खादा लोन्‍ताओ खाङ, खोन्‍कि मोएदाछाङ अ़क्‌तात अ़हायाआङाओ क़च्‍चे याआङा।

खाङ्‌मुमा 16:1

खोन्‍किना निनाम्‍हाङ ब़क्‍खाखिम्‌दाङ्‌का अ़क्‌तात तोक्‍पो य़ङ्‌आ सात्‌कातात निनाम्‍हाङ काफाचि ओवात्‍नि लोङुचिओ अ़ङ्‌का एनुङ, “खारानिन, खोन्‍कि निनाम्‍हाङ्‌ओ अ़चुमाइसुङ्‌ओ सात्‌काखुङ हेन्‍खामादा थोआनुम।”

खाङ्‌मुमा 21:6

खोक्‍कोसाआ अ़ङ्‌का ऩलोवाङ, “हान चिआ। अ़ङ्‌का अल्‍फा खोन्‍कि ओमेगा ओ, अ़पुङ्‌चिपुक खोन्‍कि अ़लुक्‍मा अ़ङ्‌काङा ओ। वामित्‍मा कास़चि ह़ङ्‌म़ङ्‌ओ चाक्‌वा लित्‍खादाङ्‌का अ़ङ्‌का मोहाङा ओ प़ङ्‌च़ङ।