खाङ्‌मुमा 16:10 - बान्‍तावा राई

¹⁰ खोन्‍किना पाच्‌कातात्‌ओतात निनाम्‍हाङ काफाआ अ़खुङ मो साक्‍स़ङ्‌ओ अ़हाङ्‌युङ्‌खादा थोउ, खोन्‍किना मोसोओ अ़हाङ्‌होन्‌दा कुन्‌यामा लिसा, खोन्‍कि योक्‍मादा म़नाचिआ अ़चुलेम अ़ङेआ।

खाङ्‌मुमा 16:10 ပူးပေါင်းရင်းမြစ်များ

मत्‍ति 13:42

खोन्‍कि मोचि मिराक्‌दा म़वेइसुदिसुचि। मोदा म़नाचि म़खाप खोन्‍कि अ़चुक़ङ अ़ऱक।

मत्‍ति 13:50

खोन्‍कि मोचि मिराक्‌दा म़वेइसुदिसुचि। मोदा म़नाचि म़खाप, खोन्‍कि अ़चुक़ङ अ़ऱक।”

मत्‍ति 22:13

खोन्‍किना हाङ्‌आ अ़हारुक्‌चि लोचि, ‘मोसोओ अ़लाङ अ़छुक्‌दा छुम्‍सानुम खोन्‍कि बुङ्‌खायाओ कुन्‌यामादा वेइसालोइसानुम, मोदा खो खाप खोन्‍कि अ़क़ङ ऱउ।’”

मत्‍ति 24:51

खोन्‍कि अ़हाङ्‌पाआ मो चाअ़त्‍लो दन्‍दा प़, खोन्‍कि मो कोङ्‌क़त्‌वाचिओ अ़चुरादा वेइसुदिसु। मोदा म़नाचि म़खाप, खोन्‍कि अ़चुक़ङ अ़ऱक।”

मत्‍ति 8:12

मेन मो हाङ्‌होन्‍दाओ अ़चुछाचि बुङ्‌खायाओ कुन्‌यामादा निनाम्‍हाङ्‌आ म़वेत्‍तुखाइसुचि। मोदा म़नाचि म़खाप खोन्‍कि अ़चुक़ङ अ़ऱक।”

लुका 13:28

अब्राहाम, इसहाक, याकुब खोन्‍कि झारा निनाम्‍हाङ्‌य़ङ खाकालुचि निनाम्‍हाङ्‌ओ अ़चुहाङ्‌होन्‌दा म़युङ्‌याङ्‌ओ, मेन खानानिन बुङ्‌खाया ऩवेइसिन्‍लोइसिन्‌ओ त़खान्‍चिन। मोदा म़नाचि म़खाप खोन्‍कि अ़चुक़ङ अ़ऱक

१ पत्रुस 2:17

झारा म़नाचि साया मेत्‍तानुम्‍च़म। साकोङ्‌छ़ङ कामु ब़ब़, नाना खोन्‍कि निछाचि सोमातुक्‍तानुम्‍च़म। निनाम्‍हाङ कित्‍तानुम। हाङ साया मेत्‍तानुम।

खाङ्‌मुमा 11:10

ओ हेन्‍खामादाओ म़नाचि मोचि ह़वाङ स़चिओदा अ़चुऩङानु। खोचिओ अ़चुछेमाकात खोन्‍कि अ़क्‍छा निएदा छुक्‍तुप्‍मा छोक्‍काछोक म़मु, देकिनालो मो ह़वाङ निनाम्‍हाङ्‌य़ङ खाकालुचिआ हेन्‍खामादाओ म़नाचि ब़द्‍धे दुखा अ़पुवाचुचिन।

खाङ्‌मुमा 11:2

मेन ब़क्‍खाखिम्‌ओ बुङ्‌खालिप्‍पाओ बुक्‍लुङ छिरुदो, मो मान्‍हाक्‍दो, देकिनालो मो निनाम्‍हाङ मान्‍सिन्‍कादाचि म़पुवायुङ्‌सा। मोचिआ बयालिस्‌कादोङ्‌वात्‌तारि सेङ्‌याङ्‌ओ सहरा अ़पोप।

खाङ्‌मुमा 11:8

मोचिओ अ़चुस़पोक्‌चि मो अ़धिवा सहराओ तोक्‍पो लाम्‌दा ध़चियुङ्‌चि मोदा अ़चुहाङ्‌पा क्रुस्‌दा अ़ख़न्‍ताओ। लावामि तुप्‍माय़ङ्‌दा मो सहराचिओ अ़चुऩङ्‌चि सदोम खोन्‍कि मिस्रनि लो।

खाङ्‌मुमा 17:17

निनाम्‍हाङ्‌आ मोचिओ अ़चुसाकोङ्‌वादा मिन्‍माचि म़पाक्‍तुप़चि। मो मिन्‍माआ मित्‍चिऩङ्‌चि तासुलाचि। मोचिआ अ़चुओ पाङ साक्‍स़ङ प़मा अ़क्‍छा निएदा म़काङ, खोन्‌ओसा निनाम्‍हाङ्‌ओ अ़चुय़ङ्‌चि म़ताला।

खाङ्‌मुमा 17:9

खाना ओ तुप्‍मा अ़नुवाक खारु दोत। सात्‌कातात ताङ्‌चि सात्‌कातात भ़ऱचि ओ, मो दुङ्‌दा मो मेत्‍छामा युङ। मोचि सात्‌कातात हाङ्‌चिछाङ ओ।

खाङ्‌मुमा 18:2

खो अ़धिवा य़ङ्‌आ पारा, लुक्‍ताखारा! “तोक्‍पो सहरा बेबिलोन लुक्‍ताखारा! मो हान चाकावालावाचि युङ्‌खा, झारा म़पोप्‍ताओ लावाचि खोन्‍कि झाराकाखालाओ चिप्‍माकात्‌ओ खोन्‍कि ऩङाछित्‍मायु छोङ्‌वाचि मोदा म़याक।

खाङ्‌मुमा 18:21

खोन्‍किना अ़क्‌तात सावापोरिओ निनाम्‍हाङ काफाआ अ़धिवा चाचेम्‍खा ओन्‍को अ़क्‌तात लुङ थेन्‍तु, खोन्‍कि ओवात्‍नि य़ङाकि मो धियाङ्‌वामादा वेइसु, “मोवात्‍निङा तोक्‍पो सहरा बेबिलोन अ़धिवा सावाआ वेन्‍खान, खोन्‍कि मो देम्‍खाछाङ अ़लानिन्‍तोक्‍निन।

खाङ्‌मुमा 18:23

उप्‍खाओ अ़साम खानाएदा देम्‍खाछाङ अ़दात्‍निन। सायाकाकाम्‍पा, सायाकाकाम्‍माओ अ़चुय़ङ्‌छाङ खानाएदा देम्‍खाछाङ अ़एन्‍निन। देकिनालो आम्‍काखित काइन्‌चि हेन्‍खामादाओ अ़धिवा म़नाचि म़याआङा, खोन्‍कि सोज्‍जेओ आम्‍म़क्‍फेङ्‌आ झारा हेन्‍खामादाओ रावाचि म़च़न्‍तायुङ्‌सा।

खाङ्‌मुमा 8:12

चारकातात्‌ओतात निनाम्‍हाङ काफाआ अ़थुथुरि मुत्‍तु, खोन्‍कि नाम, लादिप्‍मा खोन्‍कि साङ्‌केन्‍माओ सुम्‌कालोक्‌ओ अ़क लोक्‌दा वेरा, खोन्‌ओसा मोचिओ अ़चुसाम्‌ओ सुम्‌कालोक्‌ओ अ़क लोक कुन्‌यामा लिसा। खोन्‍कि लेन्‌ओ सुम्‌कालोक्‌ओ अ़क लोक अ़साम माखारा, मोवात्‍निङा अ़खाखुत्‌ओ सुम्‌कालोक्‌ओ अ़क लोक्‌छाङ कुन्‌यामा लिसा।

खाङ्‌मुमा 9:2

मो साङ्‌केन्‍माआ अ़थेन मात्‍द़ङ्‌ओ हुत होरु, खोन्‍कि मो अ़थेन मात्‍द़ङ्‌ओ हुत्‌दाङ्‌का अ़धिवो मिराक्‍लाम्‍पा तुङ्‌ऱक लोन्‍तिन्‌वा तुङ्‌ऱक लोन्‍ता, मो तुङ्‌ऱक्‌आ नाम्‍साम खोन्‍कि नाम्‍छ़ऱ कुन्‌यामा मु।