खाङ्‌मुमा 15:3 - बान्‍तावा राई

³ मोचिआ निनाम्‍हाङ्‌ओ अ़चुहारुक मोसाओ अ़साम्‍ऱङ खोन्‍कि थुबाछाओ अ़चुसाम्‍ऱङ अ़लुवाङा, “हाङ्‌पा निनाम्‍हाङ झारा सावाकातोक, आम्‍नुओ काचिचि देम तोक्‍पो खोन्‍कि म़दोम्‍दाओ म़मुयाङ। रावा-रावाचिओ तोक्‍पोहाङ, आम्‍नुओ लाम्‌चि साम्‌योक्‍मि खोन्‍कि अ़छ़ङ म़मुयाङ।

खाङ्‌मुमा 15:3 ပူးပေါင်းရင်းမြစ်များ

युहन्‍ना 1:17

मोवात्‍निङा य़ङ्‌हुप निनाम्‍हाङ्‌य़ङ खाकालु मोसालाम्‍पा म़पुवा, मेन सोमातुक्‍मा खोन्‍कि अ़छ़ङ येसु ख्रिस्‍तलाम्‍पा ता।

१ तिमोथि 1:17

हान दुङ-दुङ्‌तारिओ हाङ, अ़लुक्‍निन्‌ओ खोन्‍कि अ़खान्‍मिन्‌ओ अ़क्‍छा ओन्‍ङा निनाम्‍हाङ्‌ओ अ़धुन-अ़धुन्‌तारि साया खोन्‍कि अ़चुऩङ लोङ्‌ने। मोवात्‍निङा लिने।

हिब्रु 3:5

मोसा निनाम्‍हाङ्‌ओ अ़चुखिम्‌दा काब़त लिसाकि अ़नुछ्‍या सोम्‍कुवा मुमा खान्‍तुओ मुवाङा। खोसोओ अ़काचि निनाम्‍हाङ्‌आ माय़ङ खाङ्‌अ़मुओ अ़छ़ङ ओ अ़मात्‍ऩङ मुवाङा।

खाङ्‌मुमा 1:8

“अ़पुङ्‌चिपुक खोन्‍कि अ़लुक्‍मा अ़ङ्‌काङा ओ” नि झारा सावाकातोक हाङ्‌पा निनाम्‍हाङ म़य़ङ्‌याङ। खोक्‍को म़युङ्‌याङ, खोक्‍को म़युङाङा खोन्‍कि खोक्‍को म़तायाङ।

खाङ्‌मुमा 11:17

मोचि म़य़ङा, “हाङ्‌पा निनाम्‍हाङ झारा सावाकातोक! खोक्‍को म़युङ्‌याङ खोन्‍कि खोक्‍को म़युङाङा, आन्‍कान्‍का खानानिन आलाङ प़निङ्‌नि, देकिनालो खानानिन्‌आ आम्‍नुओ अ़धिवाङ सावा आम्‍नुओ छुक्‌दा त़लोउम खोन्‍कि हाङ मुमा त़पुङ्‌सुम।

खाङ्‌मुमा 14:3

हाङ्‌युङ्‌खाओ खोन्‍कि चारकातात अ़ह़ङ साक्‍स़ङ्‌चिओ, खोन्‍कि साम्‌योक ताङ्‌पाचिओ अ़चुबुदा मोचिआ अ़क्‌तात अ़ऩङ्‌वा छाम अ़लुवाङा। हेन्‍खामादाङ्‌का अलुङ छोराकि लेन्‍माय़ङ्‌चि अ़क्‌लाखा चवालिसा हजारादाङ्‌का नि साङ्‌आछाङ मो छाम खेङ्‌मा मान्‍ऱअ़दाङा।

खाङ्‌मुमा 14:8

ह्‍वातात्‌ओतात निनाम्‍हाङ काफा ओवात्‍नि य़ङ्‌सा अ़चुदेङ्‌देङ त़ङ्‌तुचि, “लुक्‍ताखारा! तोक्‍पो सहरा बेबिलोन लुक्‍ताखारा! देकिनालो ओ सहराआ झारा रावाचि ताङ्‌लान मुमेत्‍मा अ़अङ्‌गुरा माङ्‌वा दुङ्‌मेत्‍तुचि।”

खाङ्‌मुमा 17:14

मोचि थुबाछाओ अ़चुदेङ्‌सालाप्‍पादा ङेन म़मु, मेन थुबाछाआ मोचि हाराम़चात्‍तुचि, देकिनालो खोक्‍को हाङ्‌पाचिओ अ़चुहाङ्‌पा खोन्‍कि हाङ्‌चिओ अ़चुहाङ म़मुयाङ। साङ्‌चिआ थुबाछा अ़त़ङ मोचि खोक्‍कोसाआ म़बुत्‍तुचिओचिओ खोन्‍कि म़छेन्‍तुचिओचिओ खोन्‍कि सोम्‍कुवा कामुचिओचि ओ।”

खाङ्‌मुमा 19:16

खोक्‍कोसोओ अ़चुतित, अ़चुओ धिलाङ्‌दा ‘हाङ्‌चिओ अ़चुहाङ खोन्‍कि हाङ्‌पाचिओ अ़चुहाङ्‌पा’नि छाप्‍ताङा।

खाङ्‌मुमा 19:2

देकिनालो खोक्‍कोसोओ अ़चुछ़ङ छेन्‍माचि तोङ्‌लो खोन्‍कि अ़छ़ङ मुयाङ। झारा हेन्‍खामा मोसोओ अ़पोप्‍माआ अ़त्‍लोकामु मो तोक्‍पो काचान्‍चामा खोक्‍कोसाआ दन्‍दा अ़पुवायुङ्‌सा। निनाम्‍हाङ्‌आ मो दन्‍दा अ़पुवायुङ्‌सा देकिनालो खोक्‍कोसोओ अ़चुहारुक्‌चि मोसाआ सेरुचि।”

खाङ्‌मुमा 4:8

मो चारकातात्‍माङ अ़ह़ङ साक्‍स़ङ्‌चिओ छ-छकातात अ़चुलाप याआङा, खोन्‍कि मो लाप्‌चिओ अ़कोङ खोन्‍कि अ़दुङ्‌लिप्‍पा म़क्‌चिआ म़भेप्‍तायुङ्‌सा। अ़खोलेन अ़खाखुत मोचि मान्‌एम्‍माङ ओवात्‍नि य़ङ्‌सा छाम म़लुवायुङ्‌साङा, “सेङ्‌याङ्‌ओ, सेङ्‌याङ्‌ओ, सेङ्‌याङ्‌ओ, हाङ्‌पा निनाम्‍हाङ झारा सावाकातोक खोक्‍को म़युङाङा खोन्‍कि म़युङ्‌याङ खोन्‍कि खोक्‍को म़ता!”