खाङ्‌मुमा 14:15 - बान्‍तावा राई

¹⁵ नि अ़क्‌तात निनाम्‍हाङ काफा ब़क्‍खाखिम्‌दाङ्‌का बुङ्‌खादा लोन्‍ता खोन्‍कि य़वारिदा कायुङ्‌पा अ़धिवा य़ङ्‌आ लो, “आम्‍क़च्‍चे याङु, देकिनालो हेक्‍मा ग़रि तायुङ्‌सा, हेन्‍खामादाओ झारा चा तुमाचिआयुङ्‌सा।”

खाङ्‌मुमा 14:15 ပူးပေါင်းရင်းမြစ်များ

मत्‍ति 13:30

चा कोप्‍मा मान्‍लियुक्‌तारि ह्‍वातात्‍माङ अ़क्‍नि पोन्‍मा पुवानुम्‍च़म। चा कोप्‍मा ग़रिदा चाकाहेक्‌चि अ़ङ्‌का लोङ्‌च़ङ, बुया सामा धेलानुम खोन्‍कि मोचि भोङानुम्‍च़म्‌कि ह़त्‍माखाइसानुम्‍च़म। खोन्‍किना छुमाचा अ़ङ्‌स़ङ्‌कुलुधुन्‌दा कोआनुम।’”

मत्‍ति 13:39

सामा कालित ङेङ सैताना ओ। चा कोप्‍मा जुगाओ अ़लुक्‍मा ओ, खोन्‍कि चा काकोप्‌चि निनाम्‍हाङ्‌ओ अ़चुकाफाचि ओ।

मत्‍ति 23:32

खोन्‌ओसा, आम्‍नुओ सुन्‍तुम्‌चिआ अ़पुङ्‌साओ हेवा काचि तासालानुम।

मर्कुस 4:29

मेन अ़सिवा तुम्‌याङ्‌वा मोसाआ क़च्‍चेआ हेक्‍तु, देकिनालो अ़सिवा कोप्‍मा ग़रि लिसायुङ्‌सा।”

१ थेसलोनिकि 2:16

मोचिआ आन्‍कान्‍का निरावाचि लेन्‍माओ नुय़ङ्‌खान खाएत्‍मा मान्‍प़ऩदान्‍का। मोवात्‍नि अ़धुन मोचिआ अ़चुहेवाचि पोन्‌याङ्‌सा अ़खात्‌याङ। मेन आदेङ मोचिएदा निनाम्‍हाङ्‌ओ अ़चुमाइसुङ छुक्‍तायुङ्‌सा!

खाङ्‌मुमा 11:19

खोन्‍किना निनाम्‍मादु निनाम्‍हाङ्‌ओ अ़चुब़क्‍खाखिम होरा, खोन्‍कि खोक्‍कोसोओ अ़चुब़क्‍खाखिम्‌दा खोक्‍कोसोओ हिप्‍माय़ङ सन्‍दुका दारा। खोन्‍कि मोदा नाम्‍चिम्‍पिलेक्‌ओ अ़साम्‌चि म़लेराङा खोन्‍कि कुलुङ्‌धिप्‍पाओ अ़मुक्‍माचि म़ऱङाङा। लुत्‍लि खारा खोन्‍कि अ़धिवा-अ़धिवा नाङ धा।

खाङ्‌मुमा 13:12

मोसाआ बुयाओ साक्‍स़ङ्‌ओ अ़बुदा खोसाआ प़ओ अ़पाङ्‌ङा याङुङु। खोन्‍कि मोसाआ बुयाओ अ़खोवा नुवाओ साक्‍स़ङ हेन्‍खामादाओ झारा म़नाचि राकाङ्‌थेत्‍नि ब़क्‍मेत्‍तुङुचि।

खाङ्‌मुमा 14:14

खोन्‍किना अ़ङ्‌का खाङ, खोन्‍कि अ़क्‌तात ओमाङाओ य़वारि खोन्‍कि मोदा म़युङाङाओ म़नाओ अ़छावाको अ़क्‍छा खाङ, मोसोओ अ़ताङ्‌दु हाराक्‌वाओ ताङ्‌बोप्‍खा याआङा खोन्‍कि अ़छुक्‌दा अ़हायाआङाओ क़च्‍चे याआङा।

खाङ्‌मुमा 14:16

मोवात्‍नि य़वारिदु कायुङ्‌आ अ़क़च्‍चे हेन्‍खामादा अ़याङा, खोन्‍कि हेन्‍खामादाओ चा अ़हेक्‍ता।

खाङ्‌मुमा 14:17

खोन्‍किना अ़ङ्‌का निनाम्‍मादु युङाङाओ निनाम्‍हाङ ब़क्‍खाखिम्‌दाङ्‌का नि अ़क्‌तात निनाम्‍हाङ काफा बुङ्‌खादा लोन्‍ताओ खाङ, खोन्‍कि मोएदाछाङ अ़क्‌तात अ़हायाआङाओ क़च्‍चे याआङा।

खाङ्‌मुमा 14:18

खोन्‍किना ब़क्‍खादाङ्‌का नि निनाम्‍हाङ काफा लोन्‍ता, मोसोओ मिदा अ़पाङ याआङा, खोन्‍कि अ़धिवा य़ङ्‌आ मो य़ङा, “साङ्‍एदा अ़हा याक्‌याङ्‌ओ क़च्‍चे युङ्‌याङ, आम्‍क़च्‍चे याङु, खोन्‍कि हेन्‍खामादाओ अ़ङ्‌गुरा खादाओ अ़ङ्‌गुरा सिवाचि हेक्‍तुचि देकिनालो हेन्‍खामादाओ अङ्‌गुरा झारा तुमाचिआयुङ्‌सा।”

खाङ्‌मुमा 15:6

सात्‌कातात अ़चाअ़त्‍मा काखुन निनाम्‍हाङ काफाचि मो निनाम्‍हाङ ब़क्‍खाखिम्‌दाङ्‌का म़लोन्‍ता। मोचि सेङाङाओ खोन्‍कि लेराङाओ तित म़हुम्‍साङा, खोन्‍कि अ़चुकोङ्‌कोम्‌दा हाराक्‌वाओ अ़तुनाचि म़छ़साङा।

खाङ्‌मुमा 16:17

सात्‌कातात्‌ओतात निनाम्‍हाङ काफाआ अ़खुङ ह़क्‌दा थोउ। खोन्‍किना निनाम्‍हाङ ब़क्‍खाखिम्‌ओ हाङ्‌युङ्‌खादाङ्‌का ओवात्‍नि य़ङाओ अ़क्‌तात अ़धिवा य़ङ लोन्‍ता, “हान लुक्‍ता।”

खाङ्‌मुमा 6:10

मोचि अ़धिवा य़ङ्‌आ म़पारा, “झारा सावाकातोक, त़सेङिन्‌येन्‌ओ खोन्‍कि अ़छ़ङ हाङ्‌पो! देम्‍खा खानानिन्‌आ आन्‍कान्‍का कासेत, ओ हेन्‍खामादाओ म़नाचि छ़ङ त़छेन्‍तुम्‍च़म खोन्‍कि अ़फान त़लात्‍तुम्‍च़म?”