खाङ्‌मुमा 14:10 - बान्‍तावा राई

¹⁰ निनाम्‍हाङ्‌आ अ़चुच़ऱपाओ अ़न्‍नुनु छोयाङ्‌ओ अङ्‌गुरा माङ्‌वाछाङ मोचि दुङ्‌म़मेत्‍तुचि। मोसोओ अ़तुप्‌य़ङ मोचि म़सेङ्‌याङ्‌ओ निनाम्‍हाङ काफाचि खोन्‍कि थुबाछाओ अ़चुबुदा मि खोन्‍कि गन्‍ध़क्‌दा तोक्‍पो दुखा म़प़चि।

खाङ्‌मुमा 14:10 ပူးပေါင်းရင်းမြစ်များ

मत्‍ति 20:22

मेन येसुआ लासुलो, “खानाचिआ दि त़दोत्‍चिङ्‌चि, मो खानाचिङा त़सिन्‍चुन्‍चुन। दि अ़ङ्‌का दुङ्‌मादोत्‌ओ दुखाचिओ लाङ्‌चोक्‍खुङ्‌दाङ्‌का खानाचिआ दुङ्‌मा त़ऱचु?” मोचि य़ङाचि, “आन्‍काच्‍या ऱचुवा।”

मत्‍ति 25:41

खोन्‍किना खोक्‍कोसाआ अ़चुओ बेङ्‌साङ्‌लिप्‍पाओ म़नाचि म़लोचि, ‘माङ्‌हिम्‍माय़ङ म़नाचि ओ! अ़ङ्‌काएदाङ्‌का माङ्‌सानिन। सैताना खोन्‍कि मोसोओ अ़काफाचिओ निम्‍पाङ चुम्‍सायुङ्‌साओ अ़लुक्‍निन्‌ओ मिदा खारानिन।

मत्‍ति 26:39

खोन्‍किना खोक्‍को अ़क्‍चित ह्‍यात्‍नि म़खाराकि बाखादा म़बोम्‍सान्‍चिन खोन्‍कि याम़मारा, “आपो, लिमा ऱनालो ओ दुखाओ लाङ्‌चोक्‍खुङ्‍ओ दुखा अ़ङ्‌काएदाङ्‌का माङ्‌निप़नि। खोन्‍नुछाङ अ़ङ्‌मिन्‍मावा माआङ, मेन आम्‍नुओ मिन्‍मावा लिने।”

मर्कुस 8:38

खाक्‍को ताङ्‌लान कामु खोन्‍कि हेवामि ओ दुङ्‌दा अ़ङ्‌कादाङ्‌का खोन्‍कि अ़ङ्‌य़ङ्‌दाङ्‌का अ़लेजो कात, अ़ङ्‌का म़नाओ अ़छाओछाङ अ़चुपापाओ अ़साम्‌दा म़सेङ्‌याङ्‌ओ निनाम्‍हाङ काफाचिएनान लाय़हिदा मोएदा अ़लेजो कात।”

मर्कुस 9:44

[मो मिराक्‌दा ना भेवाचिङा म़स़, ना मिङा स़दा।]

छाम्‍माय़ङ 10:22

मो म़नाचिआ अ़लासालोवा, “रोमि रात्‍खामिचिओ अ़चुकप्‍ताना कर्नेलियस्‌आ अ़बाइसिन्‍काओ। खो साम्‌योक्‍मि म़ना खोन्‍कि निनाम्‍हाङ काकित खोन्‍कि झारा यहुदिचिआ अ़न्‍नुनु साया अ़मेत्‌याङ्‍ओ म़ना म़मुयाङ। खोसोओ अ़खिम्‌दा खानानिन ऩबुत्‍तिन्‌येन, खोन्‍कि खानानिन्‌एदाङ्‌का खोसाआ य़ङ्‌खान एन्‍मानि अ़क्‍छा निनाम्‍हाङ्‌ओ अ़चुकाफाआ लोयुङ्‌सु।”

२ थेसलोनिकि 1:7

खोन्‍कि खानानिन दुखा कातोक्‌चि आन्‍कान्‍काएनान अ़क्‍नि सावा त़तोम्‍सिन। हाङ्‌पा येसु ख्रिस्‍त अ़चुसावापोरिओ निनाम्‍हाङ काफाचिएनान लेत्‌याङ्‌ओ मिदा निनाम्‍मादुङ्‌का खाङ्‌म़मुनान्‍चिन्‌हिदा खोक्‍कोसाआ ओ अ़मु।

यहुदा 1:7

मोवात्‍निङा सदोम खोन्‍कि गमोरा खोन्‍कि मोसोओ अ़च़क्‍चिदात्निओ सहराचि आन्‍को निम्‍पाङ अ़मात्‍ऩङ म़लिसायुङ्‌सा। मोचि अ़चुताकावा ताङ्‌लान म़मुवाकि पोक मित्‍मादा म़धा। मोवात्‍नि लिसाओसा मो सहराचि अ़धुन अ़लुक्‍निन्‌ओ मिआ म़लुक्‍तुचि।

खाङ्‌मुमा 15:7

खोन्‍किना चारकातात अ़ह़ङ्‌चिदा अ़क्‌तात्‌आ सात्‌कातात हाराक्‌वाओ खुङ्‌चि मो सात्‌कातात निनाम्‍हाङ काफाचि प़चि। मोदा सात्‌कातात अ़धुन-अ़धुन्‌तारि ह़ङ्‌युङ्‌ओ निनाम्‍हाङ्‌ओ अ़चुमाइसुङ्‌आ भेप्‍तुयुङ्‌सु।

खाङ्‌मुमा 16:19

तोक्‍पो सहरा सुम्‌का धाङ लिसा, खोन्‍कि हेन्‍कोप्‌चिदाओ झारा सहराचि म़भुङ्‌साखारा। तोक्‍पो सहरा बेबिलोन्‌आ मुओ हेवाचि निनाम्‍हाङ्‌आ अ़मित्‍ता, खोन्‍कि खोक्‍कोसोओ तोक्‍पो अ़चुमाइसुङ मो सहराएदा ता।

खाङ्‌मुमा 18:3

देकिनालो झारा रावाचिआ मोसोओ अ़पोप्‍मा काचिआ खाबात्‌आ सेरिन्‌वा सेरुङुचि। हेन्‍खामादाओ हाङ्‌चिआ मोएनान ताङ्‌लान म़मुवायुङ्‌सा, खोन्‍कि झारा हेन्‍खामादाओ काखित-काइन्‌चि कातोक म़लिसा देकिनालो मोसाआ च़लोक म़छ़साङाओ सामाचि मित्‍तुचि।”

खाङ्‌मुमा 18:6

देत्‍नि नि म़नाचि मुयुङ्‌सुचि मोवात्‍निङा मो मुवानुम। मोसाआ मुओ अ़काचिओ ह्‍वास़रो लासापुवानुम, मोसाआ अ़लाङ्‌चोक्‍खुङ्‌दा चुम्‍सुओ दुङ्‌मायुदाङ्‌का ह्‍वास़रो च़लोक ऱक्‍खाक्‍खाक्‌वाओ दुङ्‌मायुआ भेम्‍सापुवानुम।

खाङ्‌मुमा 19:15

रावा-रावाचि धेत्‍मा खोक्‍कोसोओ अ़चुदोदाङ्‌का अ़हास़रिओ बान्‍छोन लोन, खोन्‍कि खोक्‍कोसाआ काकाराओ रोलाआ मोचिएदा हाङ्‌काचि म़मु। खोक्‍कोसाआ झारा सावापोरिओ निनाम्‍हाङ्‌ओ अ़चुमाइसुङ्‌ओ च़ऱपाआ अङ्‌गुरा खोक्‍खा अ़नेप।

खाङ्‌मुमा 19:20

खोन्‍कि मो साक्‍स़ङ खोन्‍कि मोसोओ अ़बुदा म़दोम्‍दाओ काचि कामु सोज्‍जेओ निनाम्‍हाङ्‌य़ङ खाकालु ह़वाङ्‌माङ लाप्‍खावा चाचि। ओ म़दोम्‍दाओ काचिचिलाम्‍पा मो सोज्‍जेओ निनाम्‍हाङ्‌य़ङ खालुवा मो साक्‍स़ङ्‌ओ अ़सेप्‍मा कापाक खोन्‍कि मोसोओ अ़सेम्‍पोक काब़क्‌चि म़प्‍तुचि। मोचि ह्‍वातात्‍माङ लेराङाओ गन्‍दक्‌ओ मिराक्‌दा अ़ह़ङ्‌ङा म़वेइसुदिसुचि।

खाङ्‌मुमा 20:10

मोचि काधान मो सैताना लेराङाओ गन्‍दक्‌ओ मिराक्‌दा वेइसादिसा, मोदा मो साक्‍स़ङ खोन्‍कि सोज्‍जेओ निनाम्‍हाङ्‌य़ङ खाकालुछाङ याआङा। मोदा मोचिआ अ़खोलेन अ़खाखुत अ़धुन्‌ङा दुखा अ़आङ्‌युङ।

खाङ्‌मुमा 20:14

स़मा खोन्‍कि सित्‍म़ङ्‌चि दुखा तोक्‍खा मिराक्‌दा वेइसादिसा। ओ मिराक ह्‍वादुओदु स़मा ओ।

खाङ्‌मुमा 21:8

मेन अ़चुक़मा काकात्‌चि, साकोङ्‌छ़ङ मान्‍मुकादाचि, चिप्‍माकात्‍तुओचि, म़ना कासेत्‌चि, पोप्‍कामुचि, म़क्‍फेङ कामुचि, सेम्‍पोक काब़क्‌चि खोन्‍कि म़ना काम़प्‌चि झारा मो म़नाचिओ अ़चुपाङ्‌यि लेत्‌याङ्‌ओ गन्‍दक्‌ओ मिराक्‌दा लि। ओ ह्‍वादुओदु स़मा ओ।”