खाङ्‌मुमा 12:1 - बान्‍तावा राई

¹ निनाम्‍मादु अ़क्‌तात म़दोम्‍दाओ तोक्‍पो बुन दारा। मोदा अ़क्‍छा मेत्‍छामा नाम्‌वात्‍नि दाराङाओ तित हुम्‍साङाओ दाइसान्‍चिन, मोसोओ अ़लाङ्‌भेन्‌यु लादिप्‍मा याआङा खोन्‍कि अ़ताङ्‌दु बारकातात साङ्‌केन्‍माचिआ मुमाय़ङ्‌ओ ताङ्‌बोप्‍खा याआङा।

खाङ्‌मुमा 12:1 ပူးပေါင်းရင်းမြစ်များ

मत्‍ति 12:38

खोन्‍किना य़ङ्‌हुप काचिन्‍पाचि खोन्‍कि फरिसिचिएदाओ खा-खाक्‍कोचिआ खोक्‍कोएदा म़ताकि अ़लोवा, “काचिन्‍पो, आन्‍कान्‍का खानानिन्‌दाङ्‌का अ़क्‌तात बुन खाङ्‌मानि मिनिन्‌येन्‍का।”

मत्‍ति 24:30

खोन्‍किना म़नाओ अ़छाओ अ़बुन नाम्‍छ़ऱदु खाङ्‌मुनान्‍चिन। खोन्‍कि हेन्‍खामादाओ झारा रावाचि म़खाप, खोन्‍कि मोचिआ म़नाओ अ़छा नाम्‍छ़ऱदुओ य़वारिदा सावा खोन्‍कि तोक्‍पो साम्‌एनान य़याङ्‌ओ झारासाआ अ़खाङ।

मर्कुस 13:25

खोन्‍कि साङ्‌केन्‍माचि नाम्‍छ़ऱदुङ्‌का म़धा, खोन्‍कि नाम्‍छ़ऱदुओ सावाचि म़ङाङ्‌खात।

लुका 21:11

खोन्‍कि झारादात्‍नि अ़धिवाङ लुत्‍लिचि म़खात, स़ङ्‌साक्‌वाचि खोन्‍कि चाअ़त्‍लो म़हाम्‌ओ सारिमाचि म़लु। क़माकात्‍तुओ काचिचि खोन्‍कि अ़धिवाङ बुन्‌चि नाम्‍छ़ऱदु म़दात।

लुका 21:25

नाम, लादिप्‍मा खोन्‍कि साङ्‌केन्‍माचिदा बुन्‌चि म़दात। खोन्‍कि धियाङ्‌वामाओ अ़मुक्‍माकि अ़लोङ्‌वात्‌चिआ हेन्‍खामादाओ रावाचि मिन्‍राक्‌दा म़छुक्‌कि अ़चुक़माकात।

युहन्‍ना 3:29

साङ्‌एदा सायाकाकाम्‍मा युङ्‌याङ, सायाकाकाम्‍पा खोङा ओ। सायाकाकाम्‍पाओ अ़यावा खोसोओ अ़च़क्‌दा एप, खोसोओ अ़य़ङ एनुकि अ़न्‍नुनु अ़ऩङानु। खोन्‌ओसा अ़ङ्‌सेवाङ्‌नि तालायुङ्‌सा।

छाम्‍माय़ङ 2:19

अ़ङ्‌का नाम्‍छ़ऱदु म़दोम्‍दाओ काचिचि मुङ्‌च़ङ, खोन्‍कि हेन्‍खामायु ह़, मि खोन्‍कि धेक्‍धेक्‍धेक्‌वाओ तुङ्‌ऱक्‌ओ बुन्‌चि खाङ्‌मुसुङ्‌च़ङ।

रोमि 13:14

मेन हाङ्‌पा येसु ख्रिस्‍तओ अ़मात्‍ऩङ त़ङ्‌तानुम खोन्‍कि हेवामि च़माथाङ्‌माओ मित्‍माचिदा देत्‍नि सोम्‍सेत्‍मान्‍चिन्‌ओ अ़तुक्‌वादा मिन्‍मा मान्‍पाक्‍दानुम।

रोमि 3:22

येसु ख्रिस्‍तदा झारा साकोङ्‌छ़ङ कामुचिएदा निनाम्‍हाङ्‌दाङ्‌काओ साम्‌योक्‍मि साकोङ्‌छ़ङ्‌लाम्‍पा ता। देकिनालो निनाम्‍हाङ्‌आ यहुदि खोन्‍कि निरावाचिओ अ़चुरादा लिप्‍पा ऩवाङ्‌निन,

२ कोरिन्‍थि 11:2

निनाम्‍हाङ्‌वात्‍निङा अ़ङ्‌का खानानिन खाङ्‌नायुङ्‌नानिन। अ़क्‍छा खिम्‍हाङ्‌पाओ सेङ्‌याङ्‌ओ वारिसावात्‍नि खानानिन खाङ्‌मुमाओ निकि अ़ङ्‌का ख्रिस्‍तओ निम्‍पाङ खानानिन दोत्‍नाप़नायुङ्‌नानिन।

गलाति 3:27

देकिनालो खानानिन्‌एदाओ देम्‍पाङ्‌साआ ख्रिस्‍तदा बप्‍तिस्‍मा त़लोउम, खानानिन झारासाआ अ़ऩङ्‌वा तित त़हुम्‍सिन्‌येन्‌वा ख्रिस्‍तवाको त़लिसिन्‌युङ्‌सिन।

गलाति 4:26

मेन फोङ्‌याङ्‍ओ मेत्‍छामा साराआ निनाम्‍मादुओ यरुसलेम खाङ्‌मुसु, मो आन्‍मा ओ।

गलाति 6:14

मेन आन्‍हाङ्‌पा येसु ख्रिस्‍तओ अ़चुक्रुस्‌दाङ्‌का नि खाक्‍कोछाङ य़ङ्‌दा तोक्‍पो लिमा अ़ङ्‌काएदाङ्‌का अ़थाया लिने। मो क्रुस्‌लाम्‍पा हेन्‍खामाओ अ़तुक्‌वादा अ़ङ्‌का सुवाङ। हेन्‍खामा अ़ङ्‌काएदा अ़सावा मात्‍द़ङ लिसायुङ्‌सा।

एफिसि 5:32

ओ तोक्‍पो अ़कोङ्‌दुम य़ङ ओ। खोन्‍कि ओ य़ङ अ़ङ्‌का ख्रिस्‍त खोन्‍कि साम्‍भुङ्‍ओ अ़तुक्‌वादा चेप्‍ङा।

खाङ्‌मुमा 1:20

खाना त़खाओ अ़ङ्‌चुप्‍ताङ्‌छुक्‌दाओ ओ सात्‌कातात साङ्‌केन्‍माचि खोन्‍कि हाराक्‌वाओ सात्‌कातात कुपि युङ्‌खाओ अ़कोङ्‌दुम्‌ओ अ़तुप्‍मा ओङा ओ: सात्‌कातात साङ्‌केन्‍माचि सात्‌कातात साम्‍भुङ्‌चिओ निनाम्‍हाङ काफाचि ओ, खोन्‍कि सात्‌कातात कुपियुङ्‌खाचि सात्‌कातात साम्‍भुङ्‌चि ओ।”

खाङ्‌मुमा 11:19

खोन्‍किना निनाम्‍मादु निनाम्‍हाङ्‌ओ अ़चुब़क्‍खाखिम होरा, खोन्‍कि खोक्‍कोसोओ अ़चुब़क्‍खाखिम्‌दा खोक्‍कोसोओ हिप्‍माय़ङ सन्‍दुका दारा। खोन्‍कि मोदा नाम्‍चिम्‍पिलेक्‌ओ अ़साम्‌चि म़लेराङा खोन्‍कि कुलुङ्‌धिप्‍पाओ अ़मुक्‍माचि म़ऱङाङा। लुत्‍लि खारा खोन्‍कि अ़धिवा-अ़धिवा नाङ धा।

खाङ्‌मुमा 12:3

खोन्‍किना निनाम्‍मादु नि बुन दारा, सात्‌कातात अ़ताङ, दस्‌कातात अ़खुक्‍खा खोन्‍कि अ़ताङ्‌दु सात्‌कातात ताङ्‌बोप्‍खा बोम्‍साङाओ अ़क्‌तात हालापाक्‍पाक्‌ओ अ़धिवा प़ दारा।

खाङ्‌मुमा 15:1

अ़ङ्‌का निनाम्‍मादु अ़धिवाङ खोन्‍कि म़दोम्‍दाओ नि बुन खाङ। मोदा सात्‌कापाङ निनाम्‍हाङ काफाचिआ सात्‌कातात आदेङ्‌ओ अ़चाअ़त्‍माचि म़क़क्‍तुङुचि, देकिनालो मोचिएदा निनाम्‍हाङ्‌ओ अ़चुमाइसुङ सेम्‍तायुङ्‌सा।

खाङ्‌मुमा 21:14

सहरादाओ कुदारिओ अ़छ़ङ्‌चि बारकातात म़याआङा। मो झारा दुङ्‌दा थुबाछाओ बारकापाङ छाम्‍माय़ङ म़नाचिओ अ़चुऩङ छाप्‍ताङा।

खाङ्‌मुमा 21:23

मो सहरा उप्‍मा निम्‍पाङ नाम खोन्‍कि लादिप्‍मा मान्‍दोत्‌याङ देकिनालो निनाम्‍हाङ्‌ओ अ़चुसाम्‌आङा मो सहरा अ़उप खोन्‍कि थुबाछाङा मो सहराओ अ़कुपि ओ।