फिलेमोन 1:1 - बान्‍तावा राई

^1-2 येसु ख्रिस्‍तओ निकि छेक्‍ङाङाओ अ़ङ्‌का पावल खोन्‍कि तिमोथि निछाएदाङ्‌का ओ छाप्‍लावा आन्‍कान सोमातुक्‍तुम्‌ओ अ़क्‍निओ आन्‌यावा फिलेमोन, आन्‍कान निछा अप्‍फिया, आन्‍कान काफा रात्‍खामि अर्खिप्‍पस खोन्‍कि आम्‍को आम्‍खिम्‌दा कातुप साम्‍भुङ्‌ओ निकिना ओ।

फिलेमोन 1:1 ပူးပေါင်းရင်းမြစ်များ

छाम्‍माय़ङ 16:1

पावल खोन्‍कि सिलास दर्बिदा खोन्‍किना लुस्‍त्रादाछाङ खाराचि। मोदा तिमोथि अ़ऩङ मुवाङाओ अ़क्‍छा येसु काखेङ युङाङा। खो अ़क्‍छा साकोङ्‌छ़ङ कामुमा यहुदि मेत्‍छामाओ अ़दुवाछा छाओ, मेन खोसोओ अ़पा ग्रिक ओ।

१ कोरिन्‍थि 3:9

देकिनालो आन्‍काच्‍या ना निनाम्‍हाङ्‌ओ निम्‍पाङ अ़क्‍नि अ़चुकाचि कामुचिओ। खानानिन निनाम्‍हाङ्‌ओ अ़चुव़क ओ, निनाम्‍हाङ्‌ओ अ़चुखिम्‌ओ।

२ कोरिन्‍थि 1:1

निनाम्‍हाङ्‌ओ अ़चुमिन्‍मालाम्‍पा ख्रिस्‍त येसुओ अ़चुछाम्‍माय़ङ पावल, खोन्‍कि आन्‍निछा तिमोथिएदाङ्‌का कोरिन्‍थदा कायुङ निनाम्‍हाङ्‌ओ अ़चुसाम्‍भुङ, खोन्‍कि झारादात्‍नि अखैयादा कायुङ झारा निनाम्‍हाङ्‌ओ अ़चुम़नाचि।

गलाति 3:26

देकिनालो साकोङ्‌छ़ङ्‌लाम्‍पा खानानिन झारा येसु ख्रिस्‍तएदा निनाम्‍हाङ्‌ओ अ़चुछाचि ओ।

एफिसि 3:1

ओसोओ अ़तुक्‌वादा, अ़ङ्‌का पावल, खानानिन निरावाचिओ लिप्‍पादा ख्रिस्‍त येसुओ निम्‍पाङ छेक्‍माय़ङ्‌ओ।

एफिसि 4:1

खोन्‌ओसा अ़ङ्‌का हाङ्‌पाओ निम्‍पाङ अ़क्‍छा छेक्‍माय़ङ्‍आ, खानानिन राक प़नाङ्‌नानिन, खानानिन त़तोक्‍तुम्‌ओ बुत्‍माय़ङ खान्‍तुओ ह़ङ्‌म़ङ ह़ङानिन।

एफिसि 6:20

देकिनालो ओसोओ निम्‍पाङ अ़ङ्‌का चोक्‍माय़आ छुम्‍माय़ङ अ़क्‍छा हाङ्‌य़ङ्‌काखुन ओ, खोन्‍कि अ़ङ्‌का देत्‍नि चेप्‍मादोत ओ, मोवात्‍नि अ़ङ्‌का मो राक्‌एनान चेप्‍मा ऱङाने।

फिलिप्‍पि 1:1

ओ छाप्‍लावा ख्रिस्‍त येसुओ अ़चुहारुक्‌चि पावल खोन्‍कि तिमोथिदाङ्‌का ओ। ख्रिस्‍त येसुदा अ़क्‍भोम त़लिसिन्‌ओ फिलिप्‍पिदा कायुङ धिताङ्‌पाचि खोन्‍कि साम्‍भुङ काफापाचि झारा निनाम्‍हाङ्‌ओ अ़चुम़नाचि अ़ङ्‌का छाप्‍तुङ्‌योङ्‌ओ।

फिलिप्‍पि 2:25

इपाफ्रोदितस, खो अ़ङ्‌निछा, अ़ङ्‌काएनान अ़क्‍नि नुय़ङ्‌खान खालुमा काचि कामु खोन्‍कि नुय़ङ्‌खान कारात अ़क्‍निओ रात्‍खामि खोन्‍कि खानानिन्‌आ त़बाइसुम्‌ओ य़ङ्‌काखुन खोन्‍कि अ़ङ्‌का हाप्‍ङाहिदा काफा ओ, खो खानानिन्‌एदा लामाबान्‍मानि मिन्‍ङाङा।

फिलिप्‍पि 4:3

अ़ङ्‌सोम्‍कुवाओ यावा, अ़ङ्‌का खानाछाङ लोनाङ्‌ना, ओ मेत्‍छामाचि फासुचि, देकिनालो मोचिआ अ़ङ्‌काएनान अ़क्‍नि नुय़ङ्‌खान खालुमा, क्‍लेमेसएनान खोन्‍कि नि यावाचिएनान अ़क्‍नि चात्‍लो काचि मुवायुङ्‌साचि। मोचिओ अ़चुऩङ ह़ङ्‌म़ङ्‌ओ छाप्‍लाखादा याक्‌याङ।

कलस्‍सि 1:1

निनाम्‍हाङ्‌ओ अ़चुमिन्‍मालाम्‍पा ख्रिस्‍त येसुओ अ़चुछाम्‍माय़ङ लिसाङ्‌ओ अ़ङ्‌का पावल खोन्‍कि आन्‍निछा तिमोथिआ,

कलस्‍सि 4:11

युस्‍तस अ़ऩङ मुयाङ्‌ओ येसुआछाङ खानानिन सेवा ऩछोक्‍तिन्‌युङ्‌सिन। निनाम्‍हाङ्‌ओ अ़चुहाङ्‌होन्‌ओ निम्‍पाङ काचि कामु यावाचिएदाङ्‌काओ यहुदि साकोङ्‌छ़ङ कामुचि ओचि सुम्‌कापाङ ओ। ओचिआ अ़ङ्‌का अ़न्‍नुनु अ़ङ्‌सोम ऩसेत्‍ताङ्‌युङ्‌साङ।

१ थेसलोनिकि 3:2

खोन्‍कि खानानिन तुप्‍सि तिमोथि छुत्‍तुम्‍का। खो आन्‍निछा ख्रिस्‍तओ अ़चुनुय़ङ्‌खान खालुमा काफा निनाम्‍हाङ्‌ओ अ़चुकाचि कामु ओ। आन्‍कान्‍का खो खानानिन नुलोक साकोङ्‌छ़ङ मुमेत्‍मा फासि खोन्‍कि आम्‍नुओ सोम्‍कुवादा राक प़सि छुत्‍तुम्‍का।

२ थेसलोनिकि 1:1

पावल, सिलास खोन्‍कि तिमोथिएदाङ्‌का आन्‍निनाम्‍हाङ पापा खोन्‍कि हाङ्‌पा येसु ख्रिस्‍तदा साकोङ्‌छ़ङ कामु थेसलोनिकेदाओ साम्‍भुङ्‌एदा ओ छाप्‍लावा छाप्‍तुम्‍का।

२ तिमोथि 1:8

खोन्‌ओसा आन्‍हाङ्‌पाओ अ़चुसालुम्‍स़ङ प़मा आम्‍लेजो अ़कात्‍निन्‍ने, ना अ़ङ्‌का, ख्रिस्‍तओ निम्‍पाङ छेक्‍ङाङाओसो निम्‍पाङ आम्‍लेजो कात्‍ने। मेन निनाम्‍हाङ्‌ओ अ़चुसावादा नुय़ङ्‌खान्‌ओ निम्‍पाङ दुखा आङ्‌मादा अ़ङ्‌काएनान वाङा।

फिलेमोन 1:23

येसु ख्रिस्‍तओ निकि अ़ङ्‌काएनान छेक्‌याङ्‌ओ इपाफ्रास्‌आ खानानिन सेवा ऩमेत्‍तिन्‌येन।

फिलेमोन 1:24

अ़ङ्‌काएनान काचि कामुचि मर्कुस, अरिस्‍तार्खस, देमास खोन्‍कि लुकाओछाङ अ़चुसेवानि।

फिलेमोन 1:9

मेन सोमातुक्‍नाओसा मोवात्‍नि मान्‍लोमाङ खानाएदा छुक फाङ्‌ङाङा। हान अ़ङ्‌का पावल खोक्‍पा म़ना खोन्‍कि आइमित येसु ख्रिस्‍तओ निकि छेक्‍ताङ्‌ओ म़ना लिसाङ्‌कि ओनेसिमस्‌ओ निकि खानाएदा छुक फाङ्‌ङाङा। अ़ङ्‌का छेक्‍खाखिम्‌दा युङाङ्‌याङ्‌हिदा खो येसुएदा साकोङ्‌छ़ङ मुमेत्‍तुङ्‌कि अ़ङ्‌छावात्‍नि मुङ्‌युङ्‌सुङ।