46 [मो मिराक्दा ना भेवाचिङा म़स़, ना मिङा स़दा।]
खोन्कि आम्लाङ्आ खाना हेवा मुत़मेत्नालो मो क़प्तुखाइसु। ह्वातात्माङ आम्लाङ्चि म़याक्कि सित्म़ङ दुखा तोक्खायु वेन्दिलुमादाङ्का ना अ़क्तात एक्सोक्वा आम्लाङ्एनान अ़लुक्निन्ओ ह़ङ्म़ङ्दा वाङ्मा नुलोक लि।
आम्म़क्आ खाना हेवा मुत़मेत्नालो मो लारुखाइसु। ह्वातात्माङ आम्म़क्एनान सित्म़ङ दुखा तोक्खायु वेन्दिलुमादाङ्का ना अ़क्तात आम्म़क्एनान निनाम्हाङ्ओ अ़चुहाङ्होन्दा वाङ्मा नुलोक लि।
खोन्किना कातोक म़ना पाराकि लो, ‘अ़ङ्पा अब्राहाम, अ़ङ्का सोमातुक्निकि लाजरस छुत्निछोक्नि, खोन्कि खोसाआ अ़छुक्कुसिप्ओ अ़चोम चाक्वादा वालुम्तुकि अ़ङ्लेम अ़केङ्ङाप़ङाने। देकिनालो ओ मिराक्दा अ़ङ्का अ़न्नुनु चाअ़त्लो लिङाङा।’
