44 [मो मिराक्दा ना भेवाचिङा म़स़, ना मिङा स़दा।]
खोन्किना खोक्कोसाआ अ़चुओ बेङ्साङ्लिप्पाओ म़नाचि म़लोचि, ‘माङ्हिम्माय़ङ म़नाचि ओ! अ़ङ्काएदाङ्का माङ्सानिन। सैताना खोन्कि मोसोओ अ़काफाचिओ निम्पाङ चुम्सायुङ्साओ अ़लुक्निन्ओ मिदा खारानिन।
खोन्किना मोचि अ़धुन दन्दा तोक्खादा म़खात, मेन साम्योक्मि म़नाचि अ़धुन ह़ङ्मायुङ्मा ह़ङ्म़ङ्दा म़वाङ।”
खोक्कोसोओ अ़चुचाथाप्खा खोक्कोसोओ अ़चुछुक्दा याक्याङ, खोन्कि खोक्कोसोओ अ़चुचा नुक्खा खाला अ़सेङ खोन्कि अ़चुछुमाचा स़ङ्कुलुधुन्दा अ़कोप, मेन अ़होम्पा देम्खाछाङ अ़स़निन्दानिन्ओ मिदा अ़ह़त्खान।”
आम्छुक्आ खाना हेवा मुत़मेत्नालो मो क़प्तुखाइसु। ह्वातात्माङ आम्छुक्चि म़याक्कि देम्खाछाङ अ़स़निन्ओ सित्म़ङ दुखा तोक्खायु वेन्दिलुमादाङ्का ना अ़क्तात आम्छुक्एनान अ़लुक्निन्ओ ह़ङ्म़ङ्दा वाङ्मा नुलोक लि।
खोन्कि आम्लाङ्आ खाना हेवा मुत़मेत्नालो मो क़प्तुखाइसु। ह्वातात्माङ आम्लाङ्चि म़याक्कि सित्म़ङ दुखा तोक्खायु वेन्दिलुमादाङ्का ना अ़क्तात एक्सोक्वा आम्लाङ्एनान अ़लुक्निन्ओ ह़ङ्म़ङ्दा वाङ्मा नुलोक लि।
मोदा देम्खाछाङ भेवाचि नस़निन, खोन्कि मि देम्खाछाङ अ़स़निन्दानिन।
मोचिआ अ़धुन अ़लुक्निन्ओ दन्दा अ़आङ, खोन्कि हाङ्पाओ अ़चुबुदाङ्का खोन्कि खोक्कोसोओ अ़चुसावाओ साम्दाङ्का म़लोइसुखाइसुचि।
निनाम्हाङ्आ अ़चुच़ऱपाओ अ़न्नुनु छोयाङ्ओ अङ्गुरा माङ्वाछाङ मोचि दुङ्म़मेत्तुचि। मोसोओ अ़तुप्य़ङ मोचि म़सेङ्याङ्ओ निनाम्हाङ काफाचि खोन्कि थुबाछाओ अ़चुबुदा मि खोन्कि गन्ध़क्दा तोक्पो दुखा म़प़चि।
मोचि काधान मो सैताना लेराङाओ गन्दक्ओ मिराक्दा वेइसादिसा, मोदा मो साक्स़ङ खोन्कि सोज्जेओ निनाम्हाङ्य़ङ खाकालुछाङ याआङा। मोदा मोचिआ अ़खोलेन अ़खाखुत अ़धुन्ङा दुखा अ़आङ्युङ।
साङ्कोओ अ़ऩङ ह़ङ्म़ङ्ओ छाप्लाखादा मान्छाप्याङ, मो लेराङाओ मिराक्दा वेइसादिसा।
मेन अ़चुक़मा काकात्चि, साकोङ्छ़ङ मान्मुकादाचि, चिप्माकात्तुओचि, म़ना कासेत्चि, पोप्कामुचि, म़क्फेङ कामुचि, सेम्पोक काब़क्चि खोन्कि म़ना काम़प्चि झारा मो म़नाचिओ अ़चुपाङ्यि लेत्याङ्ओ गन्दक्ओ मिराक्दा लि। ओ ह्वादुओदु स़मा ओ।”
