मर्कुस 9:43 - बान्‍तावा राई

⁴³ आम्‍छुक्‌आ खाना हेवा मुत़मेत्‌नालो मो क़प्‍तुखाइसु। ह्‍वातात्‍माङ आम्‍छुक्‌चि म़याक्‌कि देम्‍खाछाङ अ़स़निन्‌ओ सित्‍म़ङ दुखा तोक्‍खायु वेन्‍दिलुमादाङ्‌का ना अ़क्‌तात आम्‍छुक्‌एनान अ़लुक्‍निन्‌ओ ह़ङ्‌म़ङ्‌दा वाङ्‌मा नुलोक लि।

मर्कुस 9:43 ပူးပေါင်းရင်းမြစ်များ

मत्‍ति 17:27

मेन मोचि आन्‍कान्‌एदाङ्‌का अ़चुमाइसुङ अ़कात्‍निन्‍ने निम्‍पाङ धियाङ्‌वामादा खाराकि ख़ङ्‌य़ धोन्‍ता, खोन्‍कि बुया त़लाउओ ङा बात्‍तु। मोसोओ अ़दो त़होङ्‌सुहिदा खाना अ़क्‌तात रुपाओ फेक्‌वा त़धिरु। मो खात्‍तुकि आम्‍को खोन्‍कि अ़ङ्‌को निम्‍पाङ मोचि प़चि।”

मत्‍ति 25:41

खोन्‍किना खोक्‍कोसाआ अ़चुओ बेङ्‌साङ्‌लिप्‍पाओ म़नाचि म़लोचि, ‘माङ्‌हिम्‍माय़ङ म़नाचि ओ! अ़ङ्‌काएदाङ्‌का माङ्‌सानिन। सैताना खोन्‍कि मोसोओ अ़काफाचिओ निम्‍पाङ चुम्‍सायुङ्‌साओ अ़लुक्‍निन्‌ओ मिदा खारानिन।

मत्‍ति 3:12

खोक्‍कोसोओ अ़चुचाथाप्‍खा खोक्‍कोसोओ अ़चुछुक्‌दा याक्‌याङ, खोन्‍कि खोक्‍कोसोओ अ़चुचा नुक्‍खा खाला अ़सेङ खोन्‍कि अ़चुछुमाचा स़ङ्‌कुलुधुन्‌दा अ़कोप, मेन अ़होम्‍पा देम्‍खाछाङ अ़स़निन्‍दानिन्‌ओ मिदा अ़ह़त्‍खान।”

मत्‍ति 5:22

मेन अ़ङ्‌का खानानिन लोनानिन, साङ्‌आ अ़बुवा-निछाचि अ़माइसुङ कात्‍तु, मो छ़ङ्‌छेन्‍मादा छुक। खोन्‍कि साङ्‌आ अ़द़क्‍छाचि सुङुचि, मो धियायोक्‍खाआ दन्‍दा प़। खोन्‍कि साङ्‌आ अ़बुवा-निछाचि ‘खाना खामान्‍सिन’नि लो, मो क़माकात्‍तुओ सित्‍म़ङ दुखा तोक्‍खा मिदा छुक।

मर्कुस 9:44

[मो मिराक्‌दा ना भेवाचिङा म़स़, ना मिङा स़दा।]

लुका 14:13

मेन खाना चा त़प़चिहिदा मान्‍तोक्‍कादा, पेसोला, एक्‍सोक्‌वा खोन्‍कि दोप्‍म़क्‌चि बुत्‍तुचि,

लुका 14:21

खोन्‍कि अ़हारुक लासाबानाकि अ़हाङ्‌पा ओ य़ङ खाएत्‍तु। खोन्‍किना खिम्‍हाङ्‌पाओ अ़चुमाइसुङ्‌कारा खोन्‍कि अ़हारुक लो, ‘मुलो लाम्‌चिदा खोन्‍कि अ़चुप्‍पो लाम्‌चिदा च़क्‍नि खाराकि मान्‍तोक्‍कादा, पेसोला, दोप्‍म़क खोन्‍कि एक्‍सोक्‌वाचि ओदा तारुचि।’

लुका 3:17

खोक्‍कोसोओ अ़चुचाथाप्‍खा खोक्‍कोसोओ अ़चुछुक्‌दा याक्‌याङ, खोन्‍कि खोक्‍कोसोओ अ़चुचा नुक्‍खा खाला अ़सेङ खोन्‍कि अ़चुछुमाचा स़ङ्‌कुलुधुन्‌दा अ़कोप, मेन अ़होम्‍पा देम्‍खाछाङ अ़स़निन्‍दानिन्‌ओ मिदा अ़ह़त्‍खान।”

रोमि 8:13

देकिनालो हेवामि मित्‍मावात्‍नि त़ह़ङिन्‌नालो खानानिन त़स़न, मेन सेङ्‌लावालाम्‍पा पोक्‌ओ हेवामि काचिचि त़लुक्‍तुम्‍च़म्‌नालो खानानिन त़ह़ङिन।

१ कोरिन्‍थि 9:27

मेन अ़ङ्‌याम चाअ़त्‍लो क़म्‍तुङ खोन्‍कि ओ अ़ङ्‌हारुक मुङ। खोन्‌ओसा निचि नुय़ङ्‌खान खाएत्‍तुङ्‌च़ङ्‌नुछाङ अ़ङ्‌का आप्‍पि सिरिफाओ निम्‍पाङ अ़खान्‍ऩङ्‌लो अ़लिऩङ्‌ने।

गलाति 5:24

खोन्‍कि साङ्‌चि ख्रिस्‍त येसुओचि ओ, मोचिआ हेवामि च़माथाङ्‌मा मोसोओ अ़पोक मित्‍माचि खोन्‍कि अ़मिन्‍माचि क्रुस्‌दा अ़ख़न्‍तायुङ्‌सा।

कलस्‍सि 3:5

खोन्‌ओसा खानानिन्‌एदा म़युङ्‌याङ्‌ओ हेन्‍खामादाओ मिन्‍माचि सेरानुम्‍च़म। मोचि पोप्‍मुमा, मान्‍सेङ्‌दामा, राका मित्‍मा, अ़त्‍लो मित्‍मा ओ। च़क्‍ख़य़ मान्‍मुदानिन, देकिनालो मो सेम्‍पोक ब़क्‍मावाको ओ।

तितस 2:12

ओ सोम्‍तुक्‍माआ आन्‍कान खान्‌अ़त्‌ओ ह़ङ्‌म़ङ खोन्‍कि हेन्‍खामादाओ च़क्‍ख़य़ छित्‍म़मेत, खोन्‍कि ओ सोम्‍तुक्‍माआ आन्‍कान आप्‍पि क़म्‍तिन्‍चिन्‌कि ओ हेन्‍खामादा निनाम्‍हाङ्‌ओ अ़चुमिन्‍मावा च़मा खोन्‍कि निनाम्‍हाङ्‌एनान तोङ्‌ओ ह़ङ्‌म़ङ क़प्‍मा ऱम।

हिब्रु 12:1

आन्‍ऱङ्‌कोप्‌नि ओन ब़द्‍धे म़ना मुक्‍लाओ सालुम्‍स़ङ्‌चि म़युङ्‌याङ, खोन्‌ओसा आन्‍कान झारा बुया खात्‍मा काछेक झारा य़ङ्‌चिदाङ्‌का खोन्‍कि हेवाओ वाय़दाङ्‌का फोङ्‌सिन्‍चिन्‍ने, खोन्‍कि आन्‍बुदा म़युक्‍ताओ लोत्‍मा राक मान्‍सेत्‍माङ लोरिन्‍ने।

१ पत्रुस 2:1

खोन्‌ओसा झारा अ़त्‍लो च़मा, झारा म़प्‍मा कोङ्‌क़त्‌वा, ऩङ्‌च़ मुमा खोन्‍कि झारा सुङ्‌मा य़ङ्‌चि छिरानुम्‍च़म।