मर्कुस 9:37 - बान्‍तावा राई

³⁷ “साङ्‌आ अ़ङ्‌ऩङ्‌दा अ़क्‍छा ओवाको छा लोउ, मोसाआ अ़ङ्‌का अ़लोक्‍ङा। खोन्‍कि साङ्‌आ अ़ङ्‌का अ़लोक्‍ङा, खोसाआ अ़ङ्‌का माआङ, मेन अ़ङ्‌का काछुत्‍पा लोउ।”

मर्कुस 9:37 ပူးပေါင်းရင်းမြစ်များ

मत्‍ति 18:10

चाप्‍चेत्‍तानिन्‍चिन, खानानिन्‌आ ओ अ़चुप्‍पाचिदाङ्‌का अ़क्‍छाछाङ अ़काचि मात्‍द़ङ्‌ओनि मान्‍मित्‌दानुम्‍च़म। देकिनालो अ़ङ्‌का खानानिन लोनानिन, निनाम्‍मादु मोचिओ अ़चुकाफाचि अ़धुन निनाम्‍मादुओ अ़ङ्‌पापाओ अ़चुबुदा म़युङ्‌याङ।

मत्‍ति 25:40

खोन्‍किना हाङ्‌आ मोचि म़लोचि, ‘अ़नुछ्‍या, अ़ङ्‌का खानानिन लोनानिन, खानानिन्‌आ ओ अ़ङ्‌निछाचिएदाङ्‌का झारादा अ़चुप्‍पो अ़क्‍छा देत्‍नि त़मुम, मो खानानिन्‌आ अ़ङ्‌काङा त़मुवाङ्‌ऩङ्‌ओ।’

मर्कुस 9:36

खोन्‍किना खोक्‍कोसाआ अ़क्‍छा अ़चुप्‍पो छा अ़क़क्‍ता, खोन्‍कि मोचिओ अ़चुरादा एप्‌अ़मेत्‍ता, खोन्‍कि खो अ़भेम्‍साकि खोक्‍कोसाआ अ़चुकाखेङ्‌पाचि म़लोचि।

लुका 10:16

“साङ्‌आ आम्‍नुओ य़ङ एनु, मोसाआ अ़ङ्‌य़ङ एनु। साङ्‌आ खानानिन ऩङाऩछिरिन, खोसाआ अ़ङ्‌का ऩङाअ़छित्‍ङा, खोन्‍कि साङ्‌आ अ़ङ्‌का ऩङाअ़छित्‍ङा, खोसाआ अ़ङ्‌का काछुत्‍पा ऩङाछिरु।”

लुका 9:48

खोन्‍कि मोचि म़लोचि, “साङ्‌आ अ़ङ्‌ऩङ्‌दा ओवाको छा लोउ, मोसाआ अ़ङ्‌का अ़लोक्‍ङा। खोन्‍कि साङ्‌आ अ़ङ्‌का अ़लोक्‍ङा, मोसाआ अ़ङ्‌का काछुत्‍पा लोउ। खानानिन्‌एदा झारादाङ्‌का अ़चुप्‍पो झारादाङ्‌का अ़धुवा ओ।”

युहन्‍ना 10:30

अ़ङ्‌पापा खोन्‍कि अ़ङ्‌का अ़क्‌तात्‌ङा ओ।”

युहन्‍ना 13:20

अ़नुछ्‍याङा अ़ङ्‌का खानानिन लोनानिन, साङ अ़ङ्‌का छुत्‍तुङ, खो कालोक्‌आ अ़ङ्‌का अ़लोक्‍ङा, खोन्‍कि अ़ङ्‌का कालोक्‌आ अ़ङ्‌का काछुत्‍पा लोउ।”

युहन्‍ना 5:23

खोन्‍कि देत्‍नि मोचिआ पापा साया अ़मेत, मोवात्‍निङा झारासाआ अ़चुछा साया अ़मेत्‍ने। साङ्‌आ अ़चुछा साया अ़मेत्‍तुन, खो काछुत पापाछाङ साया अ़मेत्‍तुन।

१ थेसलोनिकि 4:8

खोन्‌ओसा साङ्‌आ ओ चिन्‍माय़ङ ऩङाछिरु, मोसाआ म़ना माआङ, मेन निनाम्‍हाङ ऩङाछिरु, खोक्‍कोसाआङा खानानिन अ़चुसेङ्‌लावा ऩप़न।