मर्कुस 9:26 - बान्‍तावा राई

²⁶ खोन्‍किना मो चाकावालावा पात्‌याङ्‌सा खोन्‍कि मो छा चाअ़त्‍सालो रुङ्‌सुकि लोन्‍ताखारा। मो छा अ़खाङ्‌मादा स़पोक्‌वा लिसा, खोन्‌ओसा झारा म़य़ङा, “मो ना सुवादा।”

मर्कुस 9:26 ပူးပေါင်းရင်းမြစ်များ

मत्‍ति 15:22

मो धिखाहुप्‌दाङ्‌का अ़क्‍छा कनानि मेत्‍छामा खोक्‍कोएदा ताकि लो, “हाङ्‌पो, दाउद्‌ओ अ़छा, अ़ङ्‌का सोमायोक्‍नि! अ़ङ्‌छा मेत्‍छाछा छा चाकावालावाआ चाअ़त्‍लो दुखा प़ङु।”

मर्कुस 1:26

खोन्‍कि पोप्‍ताओ लावाआ मो म़ना चात्‍लो रुङ्‌सुकि अ़धिवाङ य़ङ्‌आ पात्‌याङ्‌सा मो म़नादाङ्‌का लोन्‍ताखारा।

मर्कुस 9:18

खाउग़रि चाकावालावाआ खो लाउ, खोन्‍ग़रि मोसाआ खो बाखादा धाम्‍सु, खोन्‍कि खोसाआ अ़दोदाङ्‌का अ़छोम्‍पुत्‌वा लोइसु, खोन्‍कि खोसाआ अ़क़ङ ऱउकि ख़न्‍खात। अ़ङ्‌का आम्‍नुओ काखेङ्‌पाचि चाकावालावा लोइसाखाइसानुम्‌नि लोङ्‌च़ङ, मेन मोचिआ मो मुमा मान्‍ऱअ़दा।”

मर्कुस 9:20

खोन्‍किना मोचिआ मो छा येसुएदा अ़बात्‍ता। चाकावालावाआ येसु खाकिना मोन्‍ग़रिङा मो छा ङाङ्‌सु खोन्‍कि बाखादा तियाकि अ़दोदाङ्‌का अ़छोम्‍पुत्‌वा लोन्‌याङ्‌सा ओह्‍यात्‍नि-मोह्‍यात्‍नि पुलिनाम्‍ताङ मेत्‍ता।

मर्कुस 9:25

येसुआ म़ना मुक्‍ला म़कोवान्‌यान्‍चिन्‌ओ म़खाचिकि खोक्‍कोसाआ पोप्‍ताओ लावा अ़रेन्‍ता, “भोवा खोन्‍कि खामान्‌एन्‍कादा कामु चाकावालावा, अ़ङ्‌का खाना लोना, ओ छाएदाङ्‌का लोन्‍ताखारा, खोन्‍कि ओएदा देम्‍खाछाङ मान्‍लावाङ्‌दा।”

मर्कुस 9:27

मेन येसुआ खोसोओ अ़छुक अ़क़क्‍ताकि अ़पुआलोइसा, खोन्‍कि खो पुवालोन्‍ता।

खाङ्‌मुमा 12:12

खोन्‌ओसा निनाम्‍मादु कायुङ्‌चि ओ, ऩङानुसानिन्‍चिन! मेन हेन्‍खामा खोन्‍कि धियाङ्‌वामा देम चाअ़त्‍लो त़लिचि! देकिनालो सैताना खानाचिएदा वेइसाधान्‍तायुङ्‌सा! खोसोओ अ़माइसुङ्‌कारायुङ्‌सा देकिनालो अ़ग़रि थुत्‍मेत्‍लो मुयाङ निकिना खोसाआ सिन्‍तुङु।”