मर्कुस 8:17 - बान्‍तावा राई

¹⁷ मोचि म़चेवाङाओ य़ङ येसुआ अ़सिन्‍ताकिना खोक्‍कोसाआ मोचि म़लोचि, “खानानिनएदा पेम्‍पाक मात्‍द़ङ्‌ओ अ़तुक्‌वादा अ़क्‍छा निएदा देकि दुम त़छ़रिन्‌येन? दि खानानिन हान्‍छाङ त़सिन्‍तिमिन्‌येन माङ्‌लो खात़तुप्‍तिमिन्‌येन? दि आम्‍नुओ साकोङ्‌वाआ तुप्‍मा अ़ऱन्‌योन?

मर्कुस 8:17 ပူးပေါင်းရင်းမြစ်များ

मत्‍ति 12:15

येसुआ मोचिओ अ़चुय़ङ अ़सिन्‍ताकि मोदाङ्‌का म़खारालावा। ब़द्‍धेकापाङ्‌आ खोक्‍को अ़त़ङ्‌ता, खोन्‍कि खोक्‍कोसाआ मोचि झारा म़नुसुचि।

मत्‍ति 15:17

दि-दि दोदाङ्‌का बुक्‌हुत्‌दा वाङ, मो बुङ्‌खाया लोन्‍खात। ओ खानानिन त़सिन्‍तिमिन्‌येन?

मत्‍ति 16:7

“आन्‍कान पेम्‍पाक मान्‍बात्‌दोम्‌ओसा खोक्‍को ओवात्‍नि म़य़ङ्‌याङ”नि य़ङ्‌सा खोचि अ़क्‍छा निएदा दुम्‍छ़न्‍मा अ़पुङ्‌सा।

मर्कुस 16:14

आदेङ एघारकापाङ अ़चुकाखेङ्‌पाचि चा चासि म़युङाङाहिदा खोचिएदा येसु खाङ्‌म़मुसान्‍चिन। खोन्‍कि खोचिओ अ़चुसाकोङ्‌छ़ङ मान्‍मुदामा खोन्‍कि अ़चुओ ऱफोक्‌वादा मोचि याम़सान्‍तुचि, देकिनालो खोक्‍को म़खोन्‍तालोन्‍ताओ काखाङ्‌चिओ अ़चुय़ङ्‌छाङ मोचिआ साकोङ्‌छ़ङ मान्‍मुअ़दा।

मर्कुस 2:8

खोन्‍कि मोचिओ अ़चुमिन्‍मादा अ़मित्‍ताङाओ य़ङ च़क्‍नि अ़सिन्‍ताकि येसुआ मोचि म़सेनुचि, “देकि खानानिन आम्‍नुओ साकोङ्‌वाचिदा ओवाको य़ङ्‌चि त़मित्‍तुम्‌योम्‍च़म?

मर्कुस 3:5

खोक्‍कोसोओ अ़चुच़ऱपाआ मोचिओ अ़चुऱङ्‌कोप्‍नि म़चोउचि, देकिनालो खोक्‍को मोचिओ अ़चुऱक्‍भाक साकोङ्‌वाआ अ़न्‍नुनु अ़चुमिन्‍मा तुआ। खोन्‍किना खोक्‍कोसाआ मो म़ना अ़लोवा, “आम्‍छुक फेसु।” खोसाआ अ़छुक फेसु, खोन्‍कि बुयावाङा लासालिसा!

मर्कुस 6:52

देकिनालो मोचिआ पेम्‍पाक्‌ओ अ़तुक्‌वादाओ य़ङ मान्‍तुप्‌अ़दा, मेन मोचिओ अ़चुसाकोङ्‌वा लुङ्‌ख़धेन लिसायुङ्‌सा।

मर्कुस 8:16

“आन्‍कान पेम्‍पाक मान्‍बात्‌दोम्‌ओसा खोक्‍को ओवात्‍नि म़य़ङ्‌याङ”नि य़ङ्‌सा खोचि अ़क्‍छा निएदा दुम्‍छ़न्‍मा अ़पुङ्‌सा।

लुका 24:25

खोन्‍ग़रि येसुआ मोचि म़लोचि, “खामान्‍तुप्‍कादा म़नाचिओ, आम्‍चुओ साकोङ्‌वा चाअ़त्‍लो मान्‍तुप्‍कादा लिसायुङ्‌सा। देत्‍निकि निनाम्‍हाङ्‌य़ङ खाकालुचिआ ऩलोन्‌ओ य़ङ्‌चि साकोङ्‌छ़ङ मुमा मान्‍ऱत़दाचु ओ!

युहन्‍ना 16:30

हान आन्‍कान्‍का तुप्‍तुम्‍का, खानानिन झारा य़ङ त़सिन्‍तुम्‌योम, खोन्‍किना साङ्‌आछाङ खानानिन सेन्‍मा अ़दोत्‍निन। ओ लाम्‍पाङा खानानिन निनाम्‍हाङ्‌एदाङ्‌का त़तान ओ निकिना आन्‍कान्‍का साकोङ्‌छ़ङ मुन्‍का।”

युहन्‍ना 21:17

खोक्‍कोसाआ मो सुम्‌कादुओदु अ़लोवा, “युहन्‍नाओ अ़छा सिमोन, दि खाना अ़ङ्‌का सोमात़तुक्‍ङा?” पत्रुस्‌ओ अ़राक सुवा, देकिनालो खोक्‍कोसाआ सुम्‌कादुओदु “दि खाना अ़ङ्‌का सोमात़तुक्‍ङा?” निकिना खो अ़सेना। मोसाआ खोक्‍को लो, “हाङ्‌पो, खानानिन झारा त़सिन्‍तुम्‌योम, अ़ङ्‌का सोमातुक्‍नानिन निकिना खानानिन त़सिन्‍तुम्‌योम।” येसुआ खो अ़लोवा, “अ़ङ्‌भेराचि चान्‍तुचि।

खाङ्‌मुमा 2:23

अ़ङ्‌का मो कात़ङ्‌चि सेरुङ्‌च़ङ। खोन्‍कि झारा साम्‍भुङ्‌चिआ अ़सिन, अ़ङ्‌का खोङा ओ, झारासोओ अ़चुमिन्‍माचि खोन्‍कि अ़चुसाकोङ्‌वाचि लामुङ्‌च़ङ, खोन्‍कि खानानिन झारासा त़मुम्‌ओ आम्‍नुओ काचिचिओ सिरिफा अ़ङ्‌का लानाप़नानिन।