मर्कुस 7:37 - बान्‍तावा राई

³⁷ खोन्‍कि म़नाचि अ़न्‍नुनु दोम्‍तुदोचिकि य़ङ्‌मा अ़पुङ्‌सा, “येसुआ झारा काचिचि म़दोम्‍दालो अ़मुवायुङ्‌सा। खोक्‍कोसाआ खामान्‌एन्‍कादा म़नाचिछाङ खाकाएन खोन्‍कि मान्‍चेप्‍कादा म़नाचि काचेप म़मुचि।”

मर्कुस 7:37 ပူးပေါင်းရင်းမြစ်များ

मत्‍ति 9:32

खोचि मोदाङ्‌का लोन्‍ताखाराङाचिहिदा चाकावालावाआ लाउओ अ़क्‍छा क़वा म़ना येसुएदा अ़तारा।

मर्कुस 1:27

खोन्‍कि झारा म़नाचि दोम्‍तुदोचि, खोन्‍किना मोचि अ़क्‍छा निएदा सेन्‍कासेन मुमा अ़पुक्‍ता, “ओ दि ओ? ओ ना अ़ऩङ्‌वा चिन्‍माय़ङ ए! ओसाआ ना पाङ्‌एनान अ़अ़त्‍पा पोप्‍ताओ लावाचिछाङ लोन्‍तानिन्‌नि लोचिहिदा मोचि म़काङ्‌याङ!”

मर्कुस 2:12

खोन्‍कि खो पुवालोन्‍ता, खोन्‍कि च़क्‍नि अ़थ़ङ्‌खा ओक्‍तुकि मोचि झारासोओ अ़चुबुदाङ्‌का खारालावा, मो य़ङ्‌आ मोचि झारा दोम्‍तुदोचि खोन्‍कि “आन्‍कान देम्‍खाछाङ ओवाको ना मान्‍खाङ्‌युक्‍तिन्‌ओ!”नि य़ङ्‌याङ्‌सा मोचिआ निनाम्‍हाङ्‌ओ अ़चुओ ऩङ अ़चोन्‍ता।

मर्कुस 4:41

खोन्‍कि मोचि अ़न्‍नुनु म़क़साकिना अ़क्‍छा निएदा सेन्‍कासेन म़मुवा, “ओक्‍को साङ ओ? मोवात्‍नि ह़क खोन्‍कि धियाङ्‌वामाआछाङ खोक्‍कोसोओ अ़चुलोमाय़ङ म़काङ्‌याङ!”

मर्कुस 5:42

खोन्‍कि मो मेत्‍छाछा छा मोन्‍ग़रिङा पुवालोन्‍ताकि ओह्‍यात्‍नि-मोह्‍यात्‍नि कोन्‍मा पुङ्‌सु। मो बारकादोङ बात्‍तुङु। ओ अ़खाकि मोचि चात्‍लो दोम्‍तुदोचि।

मर्कुस 6:51

खोन्‍किना खोक्‍को मोचिएनान नावादा म़वाङा, खोन्‍कि ह़क सेम्‍ता, खोन्‍कि मोचि च़लोक दोम्‍तुदोचि।

मर्कुस 7:36

येसुआ “साङ्‌छाङ खामान्‌एत्‌दानुम्‍च़म”नि म़नाचि म़लोचि। मेन खोक्‍कोसाआ देम खामान्‍लुदानिन्‌नि म़लोचि, खोन्‍ङा च़लोक म़नाचिआ मोसोओ अ़तुक्‌वादा राक्‌एनान खाअ़लुसा।

मर्कुस 8:1

मो लेन्‍चिदा अ़धिवाङ म़ना मुक्‍लाचि येसुएदा म़कोवान्‍चिन। मोचिएदा चामायु मात्‍द़ङ्‌याङ, खोन्‌ओसा येसुआ अ़चुकाखेङ्‌पाचि खोक्‍कोएदा म़बुत्‍तुचिकि मोचि म़लोचि,

लुका 23:41

मोचिआ आन्‍काचि तोङ्‌लो दन्‍दा ऩप़चिङ्‌चि। आन्‍काचि ना आन्‍चुओ काचिओ अ़खान्‍मा अ़सिवा तोक्‍चुङ्‌चु, मेन ओ म़नाआ ना दित्‍छाङ अ़त्‍लो काचि मान्‍मुयुक।”

छाम्‍माय़ङ 14:11

खोन्‍कि पावल्‌आ मो म़दोम्‍दाओ काचि मुओ म़ना मुक्‍लाचिआ अ़खाकिना मोचि लुकोनिया य़ङ्‌दा ओवात्‍नि म़य़ङा, “माङ्‌चि म़नाचिवा आन्‍कान्‌एदा म़धान्‍तान्‌युङ्‌सान्‍चिन!”