मर्कुस 7:36 - बान्‍तावा राई

³⁶ येसुआ “साङ्‌छाङ खामान्‌एत्‌दानुम्‍च़म”नि म़नाचि म़लोचि। मेन खोक्‍कोसाआ देम खामान्‍लुदानिन्‌नि म़लोचि, खोन्‍ङा च़लोक म़नाचिआ मोसोओ अ़तुक्‌वादा राक्‌एनान खाअ़लुसा।

मर्कुस 7:36 ပူးပေါင်းရင်းမြစ်များ

मत्‍ति 8:4

खोन्‍कि येसुआ मो अ़लोवा, “एनु खो, साङ्‌छाङ खामान्‌एत्‍दोचि! मेन खारा, खोन्‍कि आप्‍पि काब़क्‍पाएदा खाङ्‌मुसान्‍चिन, खोन्‍कि निनाम्‍हाङ्‌य़ङ खाकालु मोसाआ लोमाय़ङ्‌ओ छुक्‍दाम पाउ, खोन्‍कि म़नाचिओ निम्‍पाङ सालुम्‍स़ङ लिने।”

मर्कुस 3:12

मेन येसुआ खोक्‍को साङ्‌ओ निकिना साङ्‌छाङ खामान्‌एत्‌दानुम्‍च़म्‌नि मो पोप्‍ताओ लावाचि चात्‍लो चाप्‍म़चेत्‍तुचि।

मर्कुस 5:43

येसुआ मोचि “ओ य़ङ साङ्‌छाङ खाएत्‍माइ मान्‌एत्‌दानुम्‍च़म!”नि चात्‍लो म़लोचि, खोन्‍किना छा दि-दि चामायु प़म़मेत्‍तुचि।

मर्कुस 7:35

मोन्‍ग़रिङा मो म़नाओ अ़नाबाक्‌चि म़होरालोन्‍ता, खोन्‍कि अ़लेम चात्‍मापुङ्‌सुकिना खो नुलोक चेवालोन्‍ता!

मर्कुस 7:37

खोन्‍कि म़नाचि अ़न्‍नुनु दोम्‍तुदोचिकि य़ङ्‌मा अ़पुङ्‌सा, “येसुआ झारा काचिचि म़दोम्‍दालो अ़मुवायुङ्‌सा। खोक्‍कोसाआ खामान्‌एन्‍कादा म़नाचिछाङ खाकाएन खोन्‍कि मान्‍चेप्‍कादा म़नाचि काचेप म़मुचि।”

मर्कुस 8:26

खोन्‍कि येसुआ “तेन्‌दा मान्‍लावाङ्‌माङ खारा”नि लोयाङ्‌सा अ़खिम अ़छुत्‍ताखाइसा।

मर्कुस 9:9

खोचि भ़ऱदुङ्‌का म़धान्‍तान्‌यान्‍चिन्‌हिदा येसुआ अ़चुकाखेङ्‌पाचि “देम्‍खातारि म़नाओ अ़छा स़दाओदाङ्‌का अ़लानिन्‍खोन्‍निन्‍लोन्‍निन, मोन्‌तारि त़खाम्‌ओ य़ङ साङ्‌छाङ खामान्‌एत्‌दानुम्‍च़म”नि म़लोचि।