मर्कुस 6:38 - बान्‍तावा राई

³⁸ येसुआ मोचि म़सेनुचि, “खानानिन्‌एदा देम्‌कातात पेम्‍पाक्‌चि म़युङ्‌याङ? खारानिन्‌कि खानुम!” खोन्‍कि मोचिआ अ़खाकि खोक्‍को अ़लोवा, “पाच्‌कातात पेम्‍पाक खोन्‍कि ह्‍वातात ङाचि म़युङ्‌याङ!”

मर्कुस 6:38 ပူးပေါင်းရင်းမြစ်များ

मत्‍ति 15:34

येसुआ मोचि म़सेनुचि, “देम्‍कातात पेम्‍पाक खानानिन्‌एदा युङ्‌याङ?” मोचिआ अ़लोवा, “सात्‌कातात पेम्‍पाक खोन्‍कि अ़क्‍चिलोक अ़चुप्‍पो ङाचि म़युङ्‌याङ।”

मर्कुस 6:37

मेन येसुआ मोचि म़लोचि, “खानानिन्‌आ मोचि चामा पुवानुम्‍च़म।” मोचिआ खोक्‍को अ़लोवा, “दि आन्‍कान्‍का खात्‍माकि ह्‍वासये रुपाओ फेक्‌वाआ पेम्‍पाक खित्‍माकि मोचि चामा प़माचि कि?”

मर्कुस 6:39

खोन्‍किना येसुआ अ़चुओ काखेङ्‌पाचि मो झारा म़नाचि ल़क्‍ल़क्‍ल़क्‌वाओ नागिदा अ़भुङ-अ़भुङ युङ्‌म़मेत्‍तुचि।

मर्कुस 8:5

येसुआ मोचि म़सेनुचि, “देम्‌कातात पेम्‍पाक खानानिन्‌एदा युङ्‌याङ?” “सात्‌कातात पेम्‍पाक”नि मोचिआ अ़लोवा।

लुका 9:13

मेन येसुआ मोचि म़लोचि, “खानानिन्‌आ मोचि चामा पुवानुम्‍च़म।” मोचि ओवात्‍नि म़य़ङा, “आन्‍कान्‍काएदा पाच्‌कातात पेम्‍पाक खोन्‍कि ह्‍वातात ङाचि म़युङ्‌याङ, माङ्‌नालो आन्‍कान्‍का खात्‍माकि ओ झारा म़नाचिओ निकि चामायु खित्‍मादोत।”

युहन्‍ना 6:9

“ओदा अ़क्‍छा थाङाछा युङ्‌याङ, खोएदा छोङ्‍ओ पाच्‌कातात पेम्‍पाक खोन्‍कि ह्‍वातात ङाचि म़युङ्‌याङ। मेन ओन ब़द्‍धे म़नाचि ओन्‍साआ दि लात्‍तुचि कि?”