मर्कुस 6:11 - बान्‍तावा राई

¹¹ खोन्‍कि खाक्‍को तेन्‌दा म़नाचिआ खानानिन साऩङ्‌वा ऩमेत्‍तिमिन माङ्‌लो आम्‍नुओ य़ङ ऩएनुन्‌नालो मो सहरा त़छिरुम्दाम्‌योम्‌हिदा मो म़नाचिओ अ़चुदेङ्‌सालाप्‍पादा सालुम्‍स़ङ्‌ओ निम्‍पाङ आम्‍नुओ लाङ्‌दाओ बाखा थुलि धाम्‍साधान्‍तादानुम।”

मर्कुस 6:11 ပူးပေါင်းရင်းမြစ်များ

मत्‍ति 12:36

अ़ङ्‌का खानानिन लोनानिन, झारा सोज्‍जेओ य़ङ खाक्‍को म़नाचि म़चेप, छ़ङ्‌छेन्‍माओ लेन्‌दा मोचिआ म़य़ङाओ झारा अ़चुखिप मोचिआ प़मादोत।

मर्कुस 6:10

खोन्‍कि खोक्‍कोसाआ मोचि म़लोचि, “खाक्‍को खिम्‌दा त़वाङिन, मोदाङ्‌का त़हासिमिन्‍चिन्‌तारि मोदाङा युङानिन।

लुका 9:5

खादा खानानिन साऩङ्‌वा ऩमेत्‍तिमिन खानानिन मो सहरा त़छिरुम्दाम्‌योम्‌हिदा मोचिओ अ़चुदेङ्‌सालाप्‍पादा सालुम्‍स़ङ्‌ओ निम्‍पाङ आम्‍नुओ लाङ्‌दाओ बाखा थुलि धाम्‍साधान्‍तादानुम।”

छाम्‍माय़ङ 18:6

मेन यहुदिचिआ पावल ऩङाअ़छिरा, खोन्‍कि अ़सुङ्‌ता। खोसाआ अ़तित धाम्‍सुधान्‍तुकि मोचि लोचि, “निनाम्‍हाङ्‌एदाङ्‌का ताओ दन्‍दा खानानिन्‌ङा त़सिन्‍तिन! अ़ङ्‌का दित्‍छाङ अ़सिन्‍ऩङ! हान्‌दाङ्‌का अ़ङ्‌का निरावाचिएदा खात्‍ङा!”

रोमि 2:16

ओ य़ङ निनाम्‍हाङ्‌आ येसु ख्रिस्‍तलाम्‍पा म़नाचिओ अ़चुसाकोङ्‌वादा याक्‌याङ्‍ओ सुकुलादाओ य़ङ छ़ङ्‌छेन्‍माओ लेन्‌दा लि। ओ निनाम्‍हाङ्‌ओ अ़चुनुय़ङ्‌खान अ़ङ्‌का खालुसुङ्‌वाको ओ।

रोमि 2:5

मेन खानानिन ऱक्‍भाक त़मुन्‌येन खोन्‍कि फान्‍मान्‍चिन त़छुन्‍तिन। खोन्‌ओसा निनाम्‍हाङ्‌आ अ़चुओ माइसुङ खाङ्‌अ़मुओ लेन्‌दा खोक्‍कोसाआ खानानिन अ़न्‍नुनु चाअ़त्‍लो दन्‍दा ऩप़न। मो लेन झारासाआ निनाम्‍हाङ्‌ओ अ़चुछ़ङ्‌छेन्‍मा नुलोक अ़खाङ।

२ पत्रुस 2:6

निनाम्‍हाङ्‌आ सदोम खोन्‍कि गमोरा सहराचिओ दित्‍छाङ मान्‌युङ्‌माङ मिआ म़राङ्‌तुखाइसुचि, खोन्‍कि निनाम्‍हाङ मान्‍लोक्‍कादाचिओ अ़चुबुदा मोचि अ़क्‌तात अ़मात्‍ऩङ म़मुचि।

२ पत्रुस 2:9

ओवात्‍नि निनाम्‍हाङ काब़क्‌चि चिन्‍माखाङ्‌मादाङ्‌का लेइसि खोन्‍कि मान्‍साम्‌योक्‍मिचि दन्‍दा प़माचि निम्‍पाङ छ़ङ्‌छेन्‍माओ लेन्‌तारि देत्‍नि रात्‍मायुङ्‌माओ, हाङ्‌पा म़लेयाङ।

२ पत्रुस 3:7

मेन मो य़ङ्‌आ निनाम्‍हाङ मान्‍ब़क्‍कादा म़नाचिओ छ़ङ्‌छेन्‍मा खोन्‍कि लुक्‍मा लेन्‌तारिओ निकिना आइमित्‌ओ नाम्‍छ़ऱ खोन्‍कि हेन्‍खामा मिओ निम्‍पाङ अ़च़क्‍तायुङ्‌सा।

१ युहन्‍ना 4:17

छ़ङ्‌छेन्‍माओ लेन्‌दा आन्‍कान क़मा अ़दोत्‍निन निकिना ओवात्‍निङा आन्‍कान्‌एदा अ़छ़ङ सोम्‍तुक्‍मा अ़तासाला, देकिनालो ख्रिस्‍त दियाको म़मुयाङ आन्‍कान्‌छाङ ओ हेन्‍खामादा मोवाकोङा मुन्‌येन।

यहुदा 1:7

मोवात्‍निङा सदोम खोन्‍कि गमोरा खोन्‍कि मोसोओ अ़च़क्‍चिदात्निओ सहराचि आन्‍को निम्‍पाङ अ़मात्‍ऩङ म़लिसायुङ्‌सा। मोचि अ़चुताकावा ताङ्‌लान म़मुवाकि पोक मित्‍मादा म़धा। मोवात्‍नि लिसाओसा मो सहराचि अ़धुन अ़लुक्‍निन्‌ओ मिआ म़लुक्‍तुचि।