मर्कुस 5:23 - बान्‍तावा राई

²³ खोन्‍कि अ़साकोङ्‌वाहुत्‌याङ्‌काङा खोक्‍को लो, “अ़चुप्‍पो अ़ङ्‌मेत्‍छाछा छा तुक्‍कि स़मादामा मुयाङ। बानानिन्‌कि मोएदा आम्‍नुओ छुक युक्‍निप़नि, खोन्‌ओसा मो नुकि ह़ङ्‌ने।”

मर्कुस 5:23 ပူးပေါင်းရင်းမြစ်များ

मत्‍ति 8:3

खोक्‍कोसाआ अ़चुछुक अ़फेसाकि खो अ़नोप्‍ता खोन्‍कि अ़लोवा, “अ़ङ्‌का मिन्‍ङाङा, खाना नुवालावा!” खोन्‍कि मोन्‍ग़रिङा खोसोओ अ़क़माधामा सारिमादाङ्‌का नुवाखारा।

मर्कुस 16:18

मोचिआ प़चि म़लाउचि, खोन्‍कि म़सेत्‌ओ छ़क म़दुङ खोन्‍नुछाङ मो छ़क्‌आ मोचि देत्‍छाङ अ़मुन्‍चिन। खोन्‍कि कातुक म़नाचिएदा अ़चुछुक्‌चि म़युङ्‌सुचि, खोन्‍कि मोचि म़नुखात।”

मर्कुस 5:24

खोन्‍किना येसु याइरस्‌एनान म़खारा। खोन्‍कि ब़द्‍धे म़ना मुक्‍लाचिआ खोक्‍को अ़त़ङ्‌ता, खोन्‍कि येसुओ अ़चुऱङ्‌कोप्‍नि रोम्‍पोङ्‌पोङ्‌वा म़लिसा।

मर्कुस 6:13

मोचिआ ब़द्‍धे चाकावालावाचि म़लोइसुखाइसुचि, खोन्‍कि ब़द्‍धेकापाङ कातुक्‌चि आक्‌वा म़पाक्‍तुचिकि मोचि म़नुसुचि।

मर्कुस 7:32

म़नाचिआ मोदा अ़क्‍छा खामान्‌एन्‍कादाकिना नुलोक चेप्‍मा मान्‍ऱकादा म़ना येसुएदा अ़तारा। खोन्‍कि म़नाचिआ येसुओ अ़चुछुक मो म़नाएदा युङ्‌अ़मेत्‍ताकि नुनिप़नि निकिना छुक्‍म़फाङ्‌ता।

मर्कुस 8:23

येसुआ मो दोप्‍म़क म़नाओ अ़छुक्‌दा अ़क़क्‍ताकि तेन्‌दाङ्‌का बुङ्‌खाया अ़लोत्‍ता। खोन्‍कि मो म़नाओ अ़म़क्‌दा अ़थुक्‍ता, खोन्‍कि अ़चुछुक मोएदा अ़युङ्‌सा, खोन्‍कि येसुआ खो अ़सेना, “दि खाना दि-दि त़खाङु?”

लुका 13:13

खोन्‍कि येसुआ अ़चुछुक मो मेत्‍छामाएदा अ़युङ्‌सा, खोन्‍किना मो च़क्‍नि फेसालोन्‍ताकि निनाम्‍हाङ्‌ओ अ़चुऩङ लोङ्‌मा पुङ्‌सु।

लुका 4:38

येसु यावायोक्‍खिम अ़छिरादाकि सिमोन्‌ओ अ़खिम्‌दा म़वाङा। मोन्‍ग़रि सिमोन्‌ओ अ़छादिमा चाअ़त्‍लो माङ्‌धिन्‌आ तुआङा। खोन्‍कि म़नाचिआ “मो नुनिप़नि”निकिना येसु अ़बुआ।

लुका 4:40

नाम लुन्‍माखात्‍मा मुवाङाहिदा म़नाचिआ झारा कातुक्‌चि येसुएदा म़तारुचि। येसुआ मोचि अ़क्‍छा-अ़क्‍छाएदा अ़चुछुक युङ्‌याङ्‌सा म़नुसुचि।

लुका 7:12

येसु सहराओ अ़लाप्‍तिखोप्‌दा म़तादिसाहिदा म़नाचिआ अ़क्‍छा सुवादाओ म़ना अ़खुयाकि म़लोन्‍ताङा। सुवादाओ म़ना अ़क्‍छा मेन्‍मित्‍माओ अ़क्‍छा ओन्‍ङा ओ दुवाछा अ़छा ओ। मो मेन्‍मित्‍माएनान सहरादाओ ब़द्‍धे म़नाचिछाङ म़याआङा।

युहन्‍ना 11:3

ओ ह़वाङ अ़नाचिआ ओवाको य़ङ्‌खान येसु अ़छोक्‍ताचु, “हाङ्‌पो, साङ खानानिन्‌आ सोमात़तुक्‍तुम्‌योम, खो तुक्‌याङ।”

छाम्‍माय़ङ 28:8

मोन्‍ग़रि पब्‍लियस्‌ओ अ़पा माङ्‌धिन खोन्‍कि कोङ्‌लेन्‍मा सारिमाआ तुआकि इम्‍साङा। खोन्‍कि पावल खो तुप्‍सि खाराकि यामात्‍तु प़ खोन्‍कि अ़छुक खोएदा युङ्‌सुकि खो नुसु।

छाम्‍माय़ङ 6:6

मोचिआ मो म़छेन्‍तुचिओ म़नाचि छाम्‍माय़ङ्‌चिओ अ़चुबुदा म़तारुचि। खोन्‍किना छाम्‍माय़ङ्‌चिआ यामात्‍प़याङ्‌सा अ़चुछुक मोचिओ अ़चुताङ्‌दु म़युक्‍तुप़चि।

छाम्‍माय़ङ 8:17

खोन्‍किना पत्रुस खोन्‍कि युहन्‍नाआ अ़चुछुक मोचिएदा अ़युङ्‌साचु, खोन्‍कि मोचिआ सेङ्‌लावा अ़तोक्‍ता।

छाम्‍माय़ङ 9:12

खोसाआ हननिया अ़ऩङ मुवाङाओ अ़क्‍छा म़ना ताकि खो लामाखाङ्‌मा ऱने निकिना खोएदा अ़छुक युङ्‌सुओ अ़सेन्‍चिदा अ़ङ्‌का खाङ्‌मेत्‍तुङ्‌युङ्‌सुङ।”

छाम्‍माय़ङ 9:17

खोन्‍किना हननिया खाराकि यहुदाओ अ़खिम्‌दा वाङा। खोन्‍कि सावल्‌एदा अ़छुक युङ्‌सुकि लो, “सावल निछा, हाङ्‌पा येसु खाना त़बानाङाओ लाम्‌दा खानाएदा खाङ्‌म़मुसान्‍चिन, खोसाआङा अ़ङ्‌का खाना लामाखाखाङ्‌मा त़ऱने खोन्‍कि सेङ्‌लावाआ त़भेप्‍ने निकिना अ़ङ्‌का ऩछुत्‍ताङ्‌युङ्‌साङ।”