मर्कुस 5:22 - बान्‍तावा राई

²² खोन्‍किना यावायोक खिम्‌दाओ अ़क्‍छा बुसुवा याइरस अ़ऩङ मुवाङाओ मोदा ता, खोन्‍कि खोसाआ येसु खाकिना खोक्‍कोसोओ अ़चुलाङ्‌दा बोम्‍सान्‍चिन,

मर्कुस 5:22 ပူးပေါင်းရင်းမြစ်များ

मत्‍ति 2:11

खोन्‍किना खिम्‍हुत्‌दा म़वाङाकि खोचिआ नुनु अ़चुमा मरियम्‌एनान अ़खा, खोन्‍कि म़बोम्‍सान्‍चिन्‌कि खोक्‍को अ़ब़क्‍ता। खोन्‍किना मोचिआ अ़चुबेखाचि अ़होराकि खोक्‍को हाराक्‌वा, धुपा खोन्‍कि नाम्‍नुओ सुङ छुक्‍तुप्‍मा अ़पुवा।

मर्कुस 5:33

खोन्‍किना मो मेत्‍छामाआ दे लिसाओ, मो सिन्‍तुकिना अ़क़माआ धुन्‌याङ्‌सा येसुओ अ़चुबुदा ताकि अ़चुबुदा बोम्‍सान्‍चिन, खोन्‍कि झारा अ़छ़ङ य़ङ खाएत्‍तु।

मर्कुस 5:38

खोचि यावायोक खिम्‌दाओ बुसुवा याइरस्‌ओ अ़खिम्‌दा म़ताला, मोन्‌हिदा काचेङ्‌वा कामुचि, काखाप्‌चि खोन्‍कि च़लोक ओत्‌ओत्‌ओत्‌वा म़खावाङाओचि म़खाचि।

लुका 13:14

मेन येसुआ सावातोम्‍खा-लेन्‌दा मो मेत्‍छामा अ़नुसाओसा यावायोक्‍खिम्‌दाओ बुसुवाओ अ़माइसुङ कारा, खोन्‍कि खोसाआ मुक्‍लाचि लोचि, “काचि मुखा छकालेन म़याक्‌याङ। खोन्‌ओसा ओ छकालेन्‌दा तानिन्‌कि नुलुवानिन। सावातोम्‍खा-लेन्‌दा माआङ।”

लुका 5:8

ओ खाकि सिमोन पत्रुस्‌आ येसुओ अ़चुलाङ्‌दा बोम्‍सान्‍चिन्‌कि “हाङ्‌पो! अ़ङ्‌काएदाङ्‌का अ़थाया खारानिन। देकिनालो अ़ङ्‌का हेवामि ओ”नि य़ङा।

लुका 8:28

मो म़नाआ येसु खाकि चिलिलिवा पारा, खोन्‍कि खोक्‍कोसोओ अ़चुबुदा बोम्‍सान्‍चिन खोन्‍कि अ़धिवाङ य़ङ्‌आ पात्‌याङ्‌सा, “झारादाङ्‌का तोक्‍पो निनाम्‍हाङ्‌ओ अ़चुछा येसु, खानानिन्‌आ अ़ङ्‌का दे मुमा त़लाप्‍ङाङाऩङ ओ? अ़ङ्‌का खानानिन्‌एदा अ़ङ्‌छुक फाङ्‌तुङ्‌योङ, दुखा मान्‍प़दानि।”

छाम्‍माय़ङ 13:15

निनाम्‍हाङ्‌य़ङ खाकालु मोसाओ अ़य़ङ्‌हुप खोन्‍कि निनाम्‍हाङ्‌य़ङ खाकालुचिओ अ़चुछाप्‍लाखादाङ्‌का अ़खिप्‍ताकि यावायोक्‍खिम्‌दाओ बुसुवाचिआ पावल खोन्‍कि बारनाबास बुत्‍सि म़छुत्‍तुचिकि य़ङ म़मेत्‍तुचि, “यावाचि ओ, खानाचिएदा म़नाचि राक प़मायु य़ङ्‌खान युङ्‌याङ्‌नालो य़ङाचि।”

छाम्‍माय़ङ 18:17

खोन्‌ओसा झारा यहुदिचिआ यावायोक्‍खिम्‌दाओ बुसुवा सोस्‍थेनेस अ़लावाकि छ़ङ छेन्‍खाओ अ़बुदा अ़ब़ङ्‌सा। मेन गलियोन्‌आ नेत्‍माइमान्‍नेत्‌दोचि।

छाम्‍माय़ङ 18:8

यावायोक्‍खिम्‌दाओ बुसुवा क्रिस्‍पस खोन्‍कि खोसोओ झारा अ़खिम्‌दाओचिआ हाङ्‌पाएदा साकोङ्‌छ़ङ म़मुवा। खोन्‍कि कोरिन्‍थिदाओचिआछाङ ब़द्‍धेसाआ पावल्‌ओ अ़य़ङ अ़एना खोन्‍कि साकोङ्‌छ़ङ म़मुवाकि बप्‍तिस्‍मा म़लोआ।

खाङ्‌मुमा 22:8

ओ झारा य़ङ काएन खोन्‍कि काखाङ अ़ङ्‌का युहन्‍ना ओ। खाउग़रि अ़ङ्‌का ओ य़ङ्‌चि एनुङ्‌चिउङ्‌च़ङ खोन्‍कि खाङ्‌चिउङ्‌च़ङ, अ़ङ्‌का ओ य़ङ खाङ्‌कामेत निनाम्‍हाङ काफा ब़त्‍सि खोसोओ अ़लाङ्‌दा बोम्‍मान्‍चिन लामाङ।