मर्कुस 5:21 - बान्‍तावा राई

²¹ येसु नावालाम्‍पा धियाङ्‌वामाओ अ़ह्‍याउधेत्‌या म़लासाखारा। खोन्‍कि खोक्‍को धियाङ्‌वामाओ अ़केम्‌दा म़युङाङाहिदा ब़द्‍धे म़ना मुक्‍लाचि येसुओ अ़चुऱङ्‌कोप्‍नि म़कोवान्‍चिन

मर्कुस 5:21 ပူးပေါင်းရင်းမြစ်များ

मत्‍ति 9:1

खोन्‍किना येसु नावादा म़वाङाकि अ़ह्‍याउधेत्‌या म़खारा, खोन्‍कि खोक्‍कोसोओ आप्‍पिओ अ़चुसहरादा म़लासाता।

मर्कुस 4:1

खोन्‍किना आदेङ्‌छाङ येसुआ धियाङ्‌वामाओ अ़केम्‌दा लामाचिन्‍मा म़पुङ्‌सुचि। खोन्‍कि खोक्‍कोसोओ अ़चुऱङ्‌कोप्‍नि ब़द्‍धे म़ना मुक्‍लाचि म़कोवान्‍चिन, खोन्‌ओसा खोक्‍को मो धियाङ्‌वामादाओ अ़क्‌तात नावादा म़वाङाकि मोदा म़युङा, खोन्‍कि झारा म़नाचि धियाङ्‌वामाओ अ़केम्‌दा म़युङा।

मर्कुस 4:36

खोन्‍किना म़ना मुक्‍लाचि म़छिरुदोचि, खोन्‍कि येसु म़युङाङाओ नावादा अ़चुकाखेङ्‌पाचि म़वाङाकि खोक्‍को अ़क्‍नि अ़खात्‍ता। नि नावाचिआछाङ खोक्‍को अ़त़ङ्‌ता।

मर्कुस 5:2

खोन्‍कि येसु नावादाङ्‌का बुङ्‌खाया म़लोन्‍ताङावा अ़क्‍छा चाकावालावाआ लाउओ म़ना येसु तुप्‍सि एप्‍मालादाङ्‌का ता।

लुका 8:40

हान येसु धियाङ्‌वामाओ ह्‍याउधेत्‌याङ्‌का म़लासाताहिदा म़ना मुक्‍लाचिआ खोक्‍को साया अ़मेत्‍ता। देकिनालो मोचि झारासाआ खोक्‍को अ़हुङाङा।