15 मो म़नाचि येसुएदा म़ता, खोन्कि अ़खाहिदा मो चाकावालावाआ लाउओ म़ना नुवाकिना तित हुम्साकि मोदा युङाङाओ अ़खा। खोन्कि मोचि झारासोओ अ़चुक़माकारा।
मेन साङ्आछाङ काछोपा म़नाओ अ़खिम्दा वाङ्कि अ़चासुम्छेन्बि ङाप्माखात्मा अ़ऱन, खोसाआ बुया मो काछोपा म़ना छ़मादोत, खोन्किना ओन्ङा खोसाआ मोसोओ अ़खिम्दाओ अ़चासुम्छेन्बि ङाप्माखात्मा ऱ।
खाना दे त़मिन्याङ? दि अ़ङ्का अ़ङ्पापाएदा यामात्मा अ़ऱऩङ, खोन्कि खोक्कोसाआ च़क्नि काफाचि खिप्मा अ़ऱन्मिन्चिन्लो अ़ङ्को निम्पाङ ऩछुत्ऩङ्छोक्ऩङ कि?
खोक्कोसोओ अ़तुक्वादाओ य़ङ्खान सिरिया धिखाहुप भेप्लोतारिछाङ थ़ङा, खोन्कि म़तुआङाओचि, माङ्लो अ़खाला-अ़खालाओ सारिमाआ दुखा कातोक्चि, चाकावालावाआ लाउचिओ, खोन्कि स़दावाखेन्आ लाउचिओचि खोन्कि ख़न्माखात्मा सारिमाआ लाउचिओचि, झारा म़नाचि खोक्कोएदा म़तारुचि खोन्कि खोक्कोसाआ मोचि म़नुसुचि।
चाकावालावा लोइसाखाइसाकिना मो क़वा म़ना चेवा। खोन्ओसा “इस्राएल्दा ओवाको देम्खाछाङ मान्लियुक्ता!”नि य़ङ्सा म़ना मुक्लाचि दोम्तुदोचि।
मो भाक काचान्चि म़फुङ्साखारा, खोन्कि सहरा खोन्कि तेन्दाओ म़नाचि मोचिआ मो य़ङ खाम़एत्तुचि। खोन्कि दे लिसायुङ्साओ, मो खाङ्सि म़नाचि मोदा म़ता।
खोन्कि काखाङ्चिआ मो चाकावालावाआ लाउओ म़ना खोन्कि भाक्चि दे म़लिसाओ मोसोओ अ़तुक्वादा म़नाचि खाम़एत्तुचि।
खोन्कि येसु नावादा म़वाङाङाहिदा मो चाकावालावाआ लाउओ म़नाआ खोक्कोएनान अ़क्नि खात्मा निकिना बुउ।
देकिनालो ब़द्धेकादु खोसोओ अ़छुक खोन्कि अ़लाङ चोक्माय़चिआ खोन्कि नेलाचिआ अ़छ़सायुङ्साङा, मेन खोसाआ चोक्माय़चि फुत्तुखाइसुङुचि, खोन्कि नेलाचि ओरुखाइसुङुचि। साङ्आछाङ खो क़म्मा मान्ऱअ़दाङा।
खोन्किना येसुआ मो अ़सेना, “आम्ऩङ दि ओ?” खोसाआ खोक्को लासुलो, “अ़ङ्ऩङ रुहुप ओ, देकिनालो आन्कान्का ब़द्धे याइन्येन्का।”
मरियम अ़ऩङ मुवाङाओ खोसोओ अ़क्छा अ़निछा युङाङा। मो हाङ्पाओ अ़लाङ्चोक्वादा युङाकि खोक्कोसोओ अ़चुय़ङ एनुयुङ्सुङु।
खोन्कि येसु नावादाङ्का धियाङ्वामाओ अ़केम्दा म़लोन्ता मोन्ग़रि, मो सहरादाओ अ़क्छा चाकावालावाआ लाउओ म़ना येसु तुप्सि ता। मो म़ना ब़द्धेकालेन बुयादाङ्का तित मान्हुम्याङ, खोन्कि खिम्दाछाङ मान्युङ्याङ, मेन एप्मालाचिदात्नि युङालुक्ता।
खोक्कोसाआ आन्कान कुन्यामाओ अ़सावादाङ्का म़फोङ्सा, खोन्कि सोमाअ़तुक्ताङाओ अ़चुओछाओ अ़चुहाङ्होन्दा म़खाइसायुङ्सा।
देकिनालो निनाम्हाङ्आ आन्कान क़माओ लावा माआङ, मेन सावा, सोम्तुक्मा खोन्कि आप्पि क़म्मान्चिन्ओ लावा म़पुवायुङ्सा।