मर्कुस 4:39 - बान्‍तावा राई

³⁹ येसु म़थिन्‍तालोन्‍ताकि ह़क अ़रेन्‍ता, खोन्‍कि धियाङ्‌वामा अ़लोवा, “सेम्‍ता! छेक्‍तालावा!” खोन्‍किना ह़क छेक्‍ता खोन्‍कि मोदा झारा सेम्‍ताखारा।

मर्कुस 4:39 ပူးပေါင်းရင်းမြစ်များ

मत्‍ति 8:26

येसुआ मोचि म़लोचि, “देम्‌छाङ साकोङ्‌छ़ङ मान्‍मुकादाचि ओ, खानानिन देकि त़क़सिन्‌येन?” खोन्‍किना येसु म़पुवालोन्‍ताकि खोक्‍कोसाआ कुह़क्‍मा खोन्‍कि धियाङ्‌वामा म़रेन्‍तुचि खोन्‍कि मोन्‍ग़रिङा सेम्‍ताखारा।

मर्कुस 4:38

मेन येसु नावाओ अ़देङ्‌या ताङ्‌कोङ म़पाक्‍तान्‍चिन्‌कि म़इम्‍साङा। खोन्‍कि अ़चुकाखेङ्‌पाचि ओवात्‍नि य़ङ्‌सा खोक्‍को अ़थिन्‍ता, “काचिन्‍पो, आन्‍कान वालुम्‍माखात्‍मा मुन्‌येन्‌ओ खानानिन त़खान्‍मिन्‌येन?”

मर्कुस 9:25

येसुआ म़ना मुक्‍ला म़कोवान्‌यान्‍चिन्‌ओ म़खाचिकि खोक्‍कोसाआ पोप्‍ताओ लावा अ़रेन्‍ता, “भोवा खोन्‍कि खामान्‌एन्‍कादा कामु चाकावालावा, अ़ङ्‌का खाना लोना, ओ छाएदाङ्‌का लोन्‍ताखारा, खोन्‍कि ओएदा देम्‍खाछाङ मान्‍लावाङ्‌दा।”

लुका 4:35

ओ अ़एनाकि येसुआ मो चाकावालावा रेन्‌याङ्‌सा अ़लोवा, “वाइवेत युङा, खोन्‍कि ओ म़नादाङ्‌का लोन्‍ताखारा!” खोन्‍कि चाकावालावाआ मो म़ना झारासोओ अ़चुबुदा धाम्‍सुकि खेन्‌मान्‌वान्‍माङ लोन्‍ताखारा।

लुका 4:39

येसु मोसोओ अ़च़क्‌दा म़एवाकि माङ्‌धिन अ़रेन्‍ता खोन्‍कि मो माङ्‌धिन्‌आ लेरु, खोन्‍किना च़क्‍नि मो पुवालोन्‍ताकि खोचि ब़रुचि।

लुका 8:24

खोन्‍किना अ़चुकाखेङ्‌पाचि येसुएह्‍यात्‍नि म़खाराकि ओवात्‍नि य़ङ्‌सा खोक्‍को अ़थिन्‍ता, “काचिन्‍पो, काचिन्‍पो, आन्‍कान वालुम्‍माखात्‍मा मुन्‌येन!” खोन्‍कि येसु म़थिन्‍तालोन्‍ताकि ह़क खोन्‍कि म़धुङ्‌साङाओ अ़लोङ्‌वात्‌चि म़रेन्‍तुचि, खोन्‍कि मोन्‍ग़रिङा सिप्‍ताकि सेम्‍ताखारा।