मर्कुस 4:35 - बान्‍तावा राई

³⁵ मो लेन अ़नाम्‍प़क्‍साऱङ लिसाहिदा येसुआ अ़चुकाखेङ्‌पाचि “आन्‍कान धियाङ्‌वामाओ अ़ह्‍याउधेत खारिन्‍ने”नि म़लोचि।

मर्कुस 4:35 ပူးပေါင်းရင်းမြစ်များ

मत्‍ति 14:22

खोक्‍कोसा म़ना मुक्‍लाचि अ़चुखिम म़छुत्‍तुखाइसुङुचिवा अ़चुकाखेङ्‌पाचि खोक्‍कोएदाङ्‌का बुया नावादा वाङ्‌म़मेत्‍तुचिकि धियाङ्‌वामाओ अ़ह्‍याउधेत म़खाइसुचि।

मत्‍ति 8:18

येसुआ अ़चुऱङ्‌कोप्‍नि ब़द्‍धे म़ना मुक्‍लाचि म़खाचिकिना खोक्‍कोसाआ अ़चुकाखेङ्‌पाचि “धियाङ्‌वामाओ अ़ह्‍याउधेत खारिन्‍ने”नि म़लोचि।

मर्कुस 5:21

येसु नावालाम्‍पा धियाङ्‌वामाओ अ़ह्‍याउधेत्‌या म़लासाखारा। खोन्‍कि खोक्‍को धियाङ्‌वामाओ अ़केम्‌दा म़युङाङाहिदा ब़द्‍धे म़ना मुक्‍लाचि येसुओ अ़चुऱङ्‌कोप्‍नि म़कोवान्‍चिन

मर्कुस 6:45

खोक्‍कोसा म़ना मुक्‍लाचि अ़चुखिम म़छुत्‍तुखाइसुङुचिवा अ़चुकाखेङ्‌पाचि खोक्‍कोएदाङ्‌का बुया नावादा वाङ्‌म़मेत्‍तुचिकि धियाङ्‌वामाओ अ़ह्‍याउधेत बेथसेदादा म़खाइसुचि।

मर्कुस 8:13

खोन्‍किना येसुआ मोचि म़छिरुदोचिकि नावादा म़लासावाङा, खोन्‍कि धियाङ्‌वामाओ अ़ह्‍याउधेत म़खारा।

लुका 8:22

अ़क्‌लेन येसु खोन्‍कि अ़चुकाखेङ्‌पाचि नावादा म़वाङा खोन्‍कि येसुआ अ़चुकाखेङ्‌पाचि “आन्‍कान धियाङ्‌वामाओ अ़ह्‍याउधेत खारिन्‍ने” नि म़लोचि। खोन्‍कि मोचि म़खारा।

लुका 8:25

येसुआ अ़चुकाखेङ्‌पाचि म़लोचि, “खाउ, आम्‍नुओ साकोङ्‌छ़ङ?” मोचि म़क़साकिना दोम्‍तुदोचि खोन्‍कि अ़क्‍छा निएदा सेन्‍कासेन म़मुवा, “ओक्‍को साङ ओ? मोवात्‍नि ह़क खोन्‍कि धियाङ्‌वामाआछाङ खोक्‍कोसोओ अ़चुलोमाय़ङ य़ङ्‌चि म़काङ्‌याङ!”

युहन्‍ना 6:1

ओ य़ङ म़चेवाचिआकि येसु गालिल माङ्‌लो तिबेरियास्‌नि लोवाङाओ धियाङ्‌वामाओ अ़ह्‍याउधेत म़खारा।

युहन्‍ना 6:17

खोन्‍कि नावादा म़वाङाकि मोचि धियाङ्‌वामाओ अ़ह्‍याउधेत कफर्नहुम्‌ह्‍यात्‍नि खात्‍मा अ़पुङ्‌सा। मोन्‍ग़रि अ़खाखुत लिसायुङ्‌सा, खोन्‍कि येसु मोन्‍ग़रितारि खोचिएदा मान्‍ताम़युक्‍ता।

युहन्‍ना 6:25

मोचि धियाङ्‌वामाओ ह्‍याउधेत कफर्नहुम्‌दा म़ताला खोन्‍कि येसु अ़धिराकि खोक्‍को अ़सेना, “रब्‍बि, खानानिन ओदा देम्‍खा त़तान ओ?”