मर्कुस 4:20 - बान्‍तावा राई

²⁰ मोवात्‍निङा अ़नुवाक बाखादा म़छुक्‍ताओ बिउचि मोङा ओ: साङ्‌आ निनाम्‍हाङ्‌ओ अ़चुय़ङ एनुकि लोउ, खोन्‍कि तिसकास़रो, साथिकास़रो खोन्‍कि सयेकास़रो वेत्‍ताओ बिउदाङ्‌का सिवा सिसु।”

मर्कुस 4:20 ပူးပေါင်းရင်းမြစ်များ

मत्‍ति 13:23

मेन अ़नुवाक बाखादा म़छुक्‍ताओ बिउचि ओचिङा ओ, साङ्‌आ निनाम्‍हाङ्‌ओ अ़चुय़ङ एनुकि तुप्‍तु, खोन्‍कि खोसाआ वेत्‍ताओ बिउदाङ्‌का अ़नुछ्‍याङा सयेकास़रो, साथिकास़रो, खोन्‍कि तिसकास़रो सिवा सिसु।”

मत्‍ति 13:8

मेन अ़क्‍चित बिउचि अ़नुवाक बाखादा म़छुक्‍ता, खोन्‍कि खा-खाक्‍कोसाआ सयेकास़रो, साथिकास़रो, खोन्‍कि तिस्‌कास़रो च़लोक अ़चुसिवा अ़सिसा।

मर्कुस 4:8

मेन अ़क्‍चित बिउचि अ़नुवाक बाखादा म़छुक्‍ता, खोन्‍कि म़लिमाकि म़पोया, खोन्‍कि खा-खाक्‍कोसाआ तिसकास़रो, साथिकास़रो, सयेकास़रो, च़लोक अ़चुसिवा अ़सिसा।”

लुका 8:15

मेन अ़नुवाक बाखादा छुक्‍ताओ बिउचि मोङा ओ: साङ्‌आ निनाम्‍हाङ्‌ओ अ़चुय़ङ अ़नुवाक खोन्‍कि सेङ्‌याङ्‌ओ साकोङ्‌वाआ एनुकि निनाम्‍हाङ्‌ओ अ़चुय़ङ अ़मिन्‍मादा मित्‍तु खोन्‍कि हुङ्‌याङ्‌सा ब़द्‍धे अ़सिवा सिसु।

युहन्‍ना 15:16

अ़ङ्‌का खानानिन्‌आ मान्‍छेन्‍त़दाङ्‌ऩङ, मेन अ़ङ्‌का खानानिन छेन्‍नानिन खोन्‍कि खानानिन खात्‍मा छाम्‍नानिन। खानानिन खारानिन खोन्‍कि सिवा लिसानिन, खोन्‍कि आम्‍नुओ सिवा याक्‌युङ्‌ने। खोन्‍किना खानानिन्‌आ अ़ङ्‌पापा अ़ङ्‌ऩङ्‌दा दि त़दोत्‍तुम, खोक्‍कोसाआ खानानिन मो ऩप़न।

युहन्‍ना 15:2

अ़ङ्‌काएदा कायाक झारा सिवा मान्‍सिकादा खेक्‌चि खोक्‍कोसाआ म़खोक्‍तुखाइसुचि खोन्‍कि सिवाकासि झारा खेक्‌चि च़लोक सिवा म़सिने निकिना खोक्‍कोसाआ मान्‍सिकादाचि म़क़प्‍तुचि।

रोमि 7:4

खोन्‌ओसा अ़ङ्‍ब़ब़, नाना खोन्‍कि निछाचि ओ, खानानिन्‌छाङ ख्रिस्‍तओ अ़चुपोक्‌ओ अ़फुत्‌ओसा य़ङ्‌हुप्‌एदा त़स़न्‌युङ्‌सिन। खोन्‍कि ओन्‍ग़रि खानानिन म़सुवादाओदाङ्‌का म़खोन्‍तालोन्‍ताओ ख्रिस्‍तएनान अ़क्‌तात त़लिसिन्‌युङ्‌सिन। मोवात्‍निओसा, आन्‍कान निनाम्‍हाङ्‌ओ निम्‍पाङ अ़नुवाक काचिओ अ़सिवा सिमा ऱम।

फिलिप्‍पि 1:11

निनाम्‍हाङ्‌ओ अ़चुसाऩङ्‌वा खोन्‍कि अ़चुऩङ्‌चोन्‍माओ निम्‍पाङ येसु ख्रिस्‍तलाम्‍पा ताओ अ़नुवाक काचि सिवाआ खानानिन भेप्‌याङ्‌सा त़खारिन्‍ने।

कलस्‍सि 1:10

खोन्‍किना खानानिन हाङ्‌पाओ अ़चुमिन्‍मावाको ह़ङ्‌म़ङ त़ह़ङिन्‌कि अ़धुन खोक्‍कोसोओ अ़चुऩङानुमा त़ऱम। मोवात्‍नि त़ह़ङिन्‌नालो आम्‍नुओ ह़ङ्‌म़ङ्‌आ झाराकापाराओ अ़नुवाक सिवा सिसु, खोन्‍कि खानानिन निनाम्‍हाङ्‌ओ अ़चुतायादा पोइसा त़खारिन।

१ थेसलोनिकि 4:1

हान अ़चिन्‍मादा, ब़ब़, नाना खोन्‍कि निछाचि ओ, आन्‍कान्‍का हाङ्‌पा येसुएदा खानानिन लोनियुङ्‌नि खोन्‍कि यायोक प़नियुङ्‌नि। खानानिन्‌आ देत्‍नि ह़ङ्‌माकि निनाम्‍हाङ्‌ओ अ़चुऩङानुमादोत्‌निओ य़ङ आन्‍कान्‍काएदाङ्‌का त़चिन्‍तिन्‌युङ्‌सिन्‍चिन। खानानिन मोवात्‍निङा त़च़न्‌येन, खोन्‍कि मोवात्‍निङा च़लोक च़याङ्‌सा खारानिन निकिना आन्‍कान्‍का खानानिन राक प़नि।

२ पत्रुस 1:8

देकिनालो ओ य़ङ्‌चि खानानिन्‌एदा च़लोक म़युङ्‌याङ्‌नालो आन्‍हाङ्‌पा येसु ख्रिस्‍त सिन्‍मा काचिदा खानानिन कासो त़लिमिन माङ्‌नालो अ़सिवा मान्‍सिकादा त़लिमिन।