मर्कुस 4:11 - बान्‍तावा राई

¹¹ खोन्‍कि येसुआ मोचि म़लासुलोचि, “खानानिन निनाम्‍हाङ्‌ओ अ़चुहाङ्‌होन्‌ओ अ़कोङ्‌दुम्‌ओ अ़तुक्‌वादा तुप्‍खाताया ऩप़न्‌युङ्‌सिन, मेन निचि झारा दोय़ङ्‌लाचिदा अ़ङ्‌का खाएत्‍तुङ्‌च़ङ।

मर्कुस 4:11 ပူးပေါင်းရင်းမြစ်များ

मत्‍ति 11:25

मोन्‍ग़रि येसु म़य़ङा, “आपो, निनाम्‍मा खोन्‍कि हेन्‍खामादाओ हाङ्‌पा, अ़ङ्‌का खानानिन आलाङ प़नाङ्‌नानिन, देकिनालो खानानिन्‌आ ओ य़ङ्‌चि खारु कातोक खोन्‍कि तायाहाङ्‌पाचिदाङ्‌का त़कुम्‍सुम, खोन्‍कि छाचि मो खाङ्‌त़मेत्‍तुम्‍च़म।

मत्‍ति 13:16

मेन आम्‍नुओ म़क आसिखा कातोक ओ, देकिनालो मोसाआ खाङु। आम्‍नुओ नाबाक आसिखा कातोक ओ, देकिनालो मोसाआ एनुङु।

मत्‍ति 16:17

येसुआ खो अ़लासालोवा, “योनाओ अ़छा सिमोन, खाना आसिखा कातोक ओ! देकिनालो म़नादाङ्‌का खाना ओ त़सिन्‍तुओ माआङ, मेन निनाम्‍मादु कायुङ अ़ङ्‌पापाआ खाना खाङ्‌त़मेत्‍ताओ।

मर्कुस 3:23

खोन्‍किना येसुआ खोचि म़बुत्‍तुचि, खोन्‍कि दोय़ङ्‌लाचिदा मोचि म़लोचि, “सैतानाआ सैताना देत्‍नि लोन्‍मा ऱ?

मर्कुस 4:10

खोक्‍को अ़चुदाप्‍म़ङ म़युङाङाहिदा बारकापाङ अ़चुकाखेङ्‌पाचि खोन्‍कि नि अ़चुऱङ्‌कोप्‍नि कायुङ्‌चिआ दोय़ङ्‌लाओ अ़तुक्‌वादा खोक्‍को अ़सेना।

मर्कुस 4:2

खोन्‍कि खोक्‍कोसाआ मोचि दोय़ङ्‌लाचिदा ब़द्‍धे य़ङ्‌चि म़चिन्‍तुचि, खोन्‍कि खोक्‍कोसाआ म़चिन्‍तुङुचिहिदा मोचि म़लोङुचि:

लुका 8:10

येसुआ मोचि म़लासुलोचि, “खानानिन निनाम्‍हाङ्‌ओ अ़चुहाङ्‌होन्‌ओ अ़कोङ्‌दुम्‌ओ तुप्‍खाताया ऩप़न्‌युङ्‌सिन, मेन निचिएदा दोय़ङ्‌लाचिदा चेप्‍ङा, मोचिआ चोप्‍मा ना अ़चोप, मेन ऩखान, एन्‍मा ना अ़एन, मोचिआ अ़एन्‍कि ऩतुप्‍तुन।”

१ कोरिन्‍थि 4:7

निचिदाङ्‌का खानानिन दिदा तोक्‍पो त़मुन्‌येन? खानानिन्‌आ मान्‍तोक्‍त़युक्‍तुम्‌ओ दि युङ्‌याङ? खोन्‍कि खानानिन मो निनाम्‍हाङ्‌दाङ्‌का त़तोक्‍तुम्‌युङ्‌सुम्‌नालो मो मोहा त़तोक्‍तुम्‌ओ माआङ्‌वा देकि खानानिन ऱक्‍भाक त़मुन्‌येन?

२ कोरिन्‍थि 4:6

निनाम्‍हाङ्‌आ “कुन्‍चियाधेक्‍धेक्‌ओदा साम लेत्‍ने!”नि म़य़ङा। मो निनाम्‍हाङ्‌आङा येसु ख्रिस्‍तओ अ़चुङाइवादा निनाम्‍हाङ्‌ओ अ़चुसाम आन्‍कान सिन्‍मा ऱम्‍ने निकिना आन्‍साकोङ्‌वादा खोक्‍कोसोओ अ़चुसाम अ़लेइसायुङ्‌सा।

एफिसि 1:9

खोन्‍कि निनाम्‍हाङ्‌आ ख्रिस्‍तदा अ़युङ्‌साओ अ़चुमित्‍चिऩङ्‌वात्‍नि खोक्‍कोसाआ अ़चुकोङ्‌दुम आन्‍कान सिन्‍मा म़पुवायुङ्‌सा।

कलस्‍सि 4:5

साकोङ्‌छ़ङ मान्‍मुकादाचिएनान खारुएनान काचि मुवानिन, खोन्‍कि झारा अ़वाखाम्‌चि नुलोक याङानुम्‍च़म।

१ थेसलोनिकि 4:12

खोन्‌ओसा हाङ्‌पाएदा साकोङ्‌छ़ङ मान्‍मुकादा म़नाचिआ खानानिन साया ऩमेत्‍तिन, खोन्‍कि निचिएदा देम्‍खाछाङ दोत्‍मा अ़दोत्‍निन।

१ तिमोथि 3:7

साम्‍भुङ्‌दाङ्‌का बुङ्‌खादाओ म़नाचिओ अ़चुखाङ्‌मादाछाङ नुलोक सायाकातोक मुमादोत, माङ्‌नालोना खो लाहिदा खोन्‍कि सैतानाओ अ़वाय़दा छुक।

१ युहन्‍ना 5:20

आन्‍कान सिन्‍तुम्‌योम निनाम्‍हाङ्‌ओ अ़चुछा म़तायुङ्‌सा, खोन्‍कि अ़छ़ङ निनाम्‍हाङ आन्‍कान खाङ्‌म़मेत्‍तायुङ्‌सा। मोवात्‍नि आन्‍कान निनाम्‍हाङ अ़छ़ङ म़मुयाङ निकिना सिन्‍तुम्‍ने। खोन्‍कि ओन्‍ग़रि आन्‍कान अ़छ़ङ निनाम्‍हाङ्‌एनान अ़क्‍नि याइन्‌येन, देकिनालो खोक्‍कोसोओ अ़चुओ छा येसु ख्रिस्‍तएनान आन्‍कान यावायोक्‌दा अ़क्‍नि याइन्‌येन। खोक्‍को अ़छ़ङ निनाम्‍हाङ खोन्‍कि अ़लुक्‍निन्‌ओ ह़ङ्‌म़ङ म़युङ्‌याङ।