मर्कुस 4:1 - बान्‍तावा राई

¹ खोन्‍किना आदेङ्‌छाङ येसुआ धियाङ्‌वामाओ अ़केम्‌दा लामाचिन्‍मा म़पुङ्‌सुचि। खोन्‍कि खोक्‍कोसोओ अ़चुऱङ्‌कोप्‍नि ब़द्‍धे म़ना मुक्‍लाचि म़कोवान्‍चिन, खोन्‌ओसा खोक्‍को मो धियाङ्‌वामादाओ अ़क्‌तात नावादा म़वाङाकि मोदा म़युङा, खोन्‍कि झारा म़नाचि धियाङ्‌वामाओ अ़केम्‌दा म़युङा।

मर्कुस 4:1 ပူးပေါင်းရင်းမြစ်များ

मर्कुस 2:13

खोक्‍को अ़क्‍दु गालिल धियाङ्‌वामाओ अ़केम्‌दा म़लासाखारा। खोन्‍कि झारा म़ना मुक्‍लाचि खोक्‍कोएदा म़ता, खोन्‍कि खोक्‍कोसाआ मोचि म़चिन्‍तुङुचि।

मर्कुस 3:7

येसु अ़चुकाखेङ्‌पाचिएनान धियाङ्‌वामाह्‍यात्‍नि म़खारा, खोन्‍कि गालिल्‌किना यहुदियायाङ्‌का अ़धिवाङ म़ना मुक्‍लाचिआ खोक्‍को अ़त़ङ्‌ता।

मर्कुस 3:9

खोन्‍कि म़ना मुक्‍लाचिआ ऩछ़रुन्‍ने निकिना खोक्‍कोसोओ निम्‍पाङ अ़चुकाखेङ्‌पाचि अ़क्‌तात नावा चुम्‍म़मेत्‍तुचि।

मर्कुस 4:36

खोन्‍किना म़ना मुक्‍लाचि म़छिरुदोचि, खोन्‍कि येसु म़युङाङाओ नावादा अ़चुकाखेङ्‌पाचि म़वाङाकि खोक्‍को अ़क्‍नि अ़खात्‍ता। नि नावाचिआछाङ खोक्‍को अ़त़ङ्‌ता।

मर्कुस 5:2

खोन्‍कि येसु नावादाङ्‌का बुङ्‌खाया म़लोन्‍ताङावा अ़क्‍छा चाकावालावाआ लाउओ म़ना येसु तुप्‍सि एप्‍मालादाङ्‌का ता।

मर्कुस 5:21

येसु नावालाम्‍पा धियाङ्‌वामाओ अ़ह्‍याउधेत्‌या म़लासाखारा। खोन्‍कि खोक्‍को धियाङ्‌वामाओ अ़केम्‌दा म़युङाङाहिदा ब़द्‍धे म़ना मुक्‍लाचि येसुओ अ़चुऱङ्‌कोप्‍नि म़कोवान्‍चिन