मर्कुस 3:2 - बान्‍तावा राई

² खोन्‍कि खोक्‍कोसाआ मो म़ना सावातोम्‍खा-लेन्‌दा नुसुनालो लाहि पाक्‍मा निकिना मोचिएदाओ खा-खाक्‍कोचिआ खोक्‍को अ़सुक्‍ताङा।

मर्कुस 3:2 ပူးပေါင်းရင်းမြစ်များ

मत्‍ति 12:10

मोदा अ़क्‍छा अ़छुक छोवाखाराओ म़ना युङाङा। मोचिआ लाहि पाक्‍मा निकिना येसु अ़सेना, “दि सावातोम्‍खा-लेन्‌दा नुमा य़ङ्‌हुप्‌आ म़प़?”

मर्कुस 3:3

खोन्‍कि येसुआ अ़छुक छोवाखाराओ म़ना अ़लोवा, “झारासोओ अ़चुबुदा पुवालोन्‍ताकि बाना।”

लुका 14:1

अ़क्‌लेन सावातोम्‍खा-लेन्‌दा येसु फरिसिचिओ अ़क्‍छा बुसुवाओ अ़खिम्‌दा चा-चासि म़खारा। मोदाओ म़नाचिआ येसु दे-दे च़याङ निकि अ़चोआयुङ्‌साङा।

लुका 20:20

येसुआ काचि फिसु हे निकि मोचिआ अ़खायुङ्‌साङा, खोन्‍कि अ़नुवाक लिसिन्‌वा काच़चि खासुक्‍सि येसुएदा म़छुत्‍तुचि। देकिनालो येसु म़चेप्‌ओ अ़चुय़ङ्‌दा लाप्‍माकि रोमि धिखाहुप काखाङ्‌ओ अ़छुक्‌दा खोक्‍को पाक्‍माप़मानि म़मिनाङा।

लुका 6:7

सावातोम्‍खा-लेन्‌दा येसुआ मो म़ना नुसुनालो लाहि पाक्‍मा निकिना मोसाओ अ़य़ङ्‌हुप काचिन्‍पाचि खोन्‍कि फरिसिचिआ खोक्‍को अ़सुक्‍ताङा।

युहन्‍ना 8:6

मोचिआ खोक्‍को चिन्‍खाङ्‌सि निकिना खोक्‍कोसोओ अ़चुदेङ्‌सालाप्‍पादा लाहिपाक्‍मा ऱम हे निकिना ओवात्‍नि म़य़ङाओ। येसु म़पोम्‍सान्‍चिन्‌कि अ़चुछुक्‍कुसिप्‌आ बाखादा अ़छाप्‍ता।

युहन्‍ना 9:16

फरिसिचिएदाओ खा-खाक्‍कोचि म़य़ङा, “मो म़ना निनाम्‍हाङ्‌लाम्‍पा ताओ माआङ, देकिनालो मोसाआ सावातोम्‍खा-लेन अ़योङुन्‌योन।” मेन निचि म़य़ङा, “देत्‍नि हेवामि म़नाआ ओवाको म़दोम्‍दाओ बुन्‌चि मुमा ऱचि?” खोन्‍कि मोचिओ अ़चुरादा म़फेआन्‍चिन।