मर्कुस 3:17 - बान्‍तावा राई

¹⁷ जब्‍दियाओ अ़छा याकुब खोन्‍कि याकुब्‌ओ अ़निछा युहन्‍ना येसुआ खोचिओ अ़चुऩङ बोअनर्गेस म़पाक्‍तुचि, मोसोओ अ़तुप्‍माय़ङ कुलुङ्‌धिप्‍पावाको म़नाचि।

मर्कुस 3:17 ပူးပေါင်းရင်းမြစ်များ

मत्‍ति 4:21

खोन्‍कि अ़क्‍चित ह्‍यात्‍नि येसु म़खाराहिदा खोक्‍कोसाआ नि ह़वाङ जब्‍दियाओ अ़छा याकुब खोन्‍कि अ़निछा युहन्‍नाआ अ़चुपाएनान अ़चुनावादा अ़चुबोप्‍छ़क्‌चि अ़थुआङाचुओ म़खाचि, खोन्‍कि खोक्‍कोसाआ मोचि म़बुत्‍तुचि।

मर्कुस 10:35

खोन्‍किना जब्‍दियाओ अ़दुवाछा अ़छाचि याकुब खोन्‍कि युहन्‍ना येसुएदा ताचिकि खोक्‍को अ़लोवाचु, “काचिन्‍पो, आन्‍काच्‍या खानानिन्‌एदा दि दोत्‍चिया मोङा त़मेत्‍निप़निनि आन्‍काच्‍या मिन्‍चिङ्‌चिया।”

मर्कुस 14:33

खोक्‍कोसाआ पत्रुस, याकुब खोन्‍कि युहन्‍ना अ़क्‍नि म़खात्‍तुचि, खोन्‍कि खोक्‍कोसोओ अ़चुमिन्‍मा अ़न्‍नुनु योक्‍तुकिना अ़चुराक सुवा।

मर्कुस 3:16

मो बारकापाङ म़छेन्‍तुचिओ छाम्‍माय़ङ्‌चि ओचिङा ओ, सिमोन खोसोओ अ़ऩङ पत्रुस्‌निछाङ अ़पाक्‍ता,

मर्कुस 3:18

खोन्‍कि अन्‍द्रियास, फिलिप, बारथोलोमाइ, मत्‍ति, थोमा, अल्‍फयस्‌ओ अ़छा याकुब, थेदियस, सिमोन कनानि: अरामिक य़ङ्‌दा यहुदिचि हेन्‍कोप सोमाकातुक कनानि,

मर्कुस 5:37

खोन्‍किना येसुआ पत्रुस, याकुब खोन्‍कि याकुब्‌ओ अ़निछा युहन्‍नादाङ्‌का नि साङ्‌छाङ खोक्‍कोएनान खात्‍मा मान्‍प़म़दोचि।

मर्कुस 9:2

छकालेन्‌कि येसुआ पत्रुस, याकुब खोन्‍कि युहन्‍ना खोक्‍कोएनान म़खात्‍तुचिकि अ़क्‌तात झोन्‍ताङाओ भ़ऱदु म़लोन्‍ता, मोदु खोचि ओन्‍ङा म़याआङा। खोन्‍कि अ़चुकाखेङ्‌पाचिओ अ़चुबुदा खोक्‍कोसोओ अ़चुकात्‍मा फान्‍ता।

लुका 9:54

ओवात्‍नि ओ अ़खाचुकि खोक्‍कोसोओ अ़चुकाखेङ्‌पाचि याकुब खोन्‍कि युहन्‍नाआ अ़सेनाचु, “हाङ्‌पो, निनाम्‍मादुङ्‌का मि धाकि ओचि म़ह़त्‍खात्‍नेनि आन्‍काच्‍या लोचुच्‍या?”

युहन्‍ना 21:2

सिमोन पत्रुस, दिदुमस्‌नि लोवाङाओ थोमा, गालिल्‌दाओ काना सहरादाओ नथानेल, जब्‍दियाओ ह़वाङ अ़छाचि खोन्‍कि खोक्‍कोसोओ अ़चुकाखेङ्‌पाचिएदाङ्‌काओ नि ह़वाङ अ़क्‍नि म़युङाङा।

छाम्‍माय़ङ 12:1

मोन्‍ग़रि हाङ हेरोद अग्रिपाआ साम्‍भुङ्‌दाओ खा-खाक्‍को म़नाचि दुखा प़मा मिन्‍माआ लाउचि।

हिब्रु 4:12

देकिनालो निनाम्‍हाङ्‌ओ अ़चुय़ङ अ़ह़ङ खोन्‍कि सावापोरिओ मुयाङ। ओ ह्‍वालिप्‍पा अ़हायाक्‌ओ बान्‍छोन्‌दाङ्‌काछाङ च़लोक अ़हायाक। खोक्‍कोसोओ अ़चुय़ङ्‌आ साक्‍मा खोन्‍कि लावा मोचिओ अ़चुतुप अ़तुप्‌दा खोन्‍कि य़वाओ अ़दुङ्‌कुछुत्‌तारि अ़धाङ-अ़धाङ मुलो लेनुखात्‍तु, खोन्‍कि साकोङ्‌वादाओ मित्‍मा खोन्‍कि मिन्‍माचि छ़ङ्‌छेन्‍तुचि।

खाङ्‌मुमा 10:11

खोन्‍किना अ़ङ्‌का ओवात्‍नि ऩलोवाङ, “हान्‍छाङ खाना ब़द्‍धे म़नाचि, रावाचि, य़ङ्‌चि खोन्‍कि हाङ्‌चिओ अ़चुतुक्‌वादा निनाम्‍हाङ्‌य़ङ खालुमाङादोत।”