मर्कुस 3:10 - बान्‍तावा राई

¹⁰ देकिनालो खोक्‍कोसाआ ब़द्‍धे म़नाचि म़नुसुयुङ्‌सुचि, खोन्‌ओसा सारिमाआ लाउचिओचिआ खोक्‍को बुया नोप्‍मा छ़न्‍काछुछुरुप म़चुवाङा।

मर्कुस 3:10 ပူးပေါင်းရင်းမြစ်များ

मत्‍ति 12:15

येसुआ मोचिओ अ़चुय़ङ अ़सिन्‍ताकि मोदाङ्‌का म़खारालावा। ब़द्‍धेकापाङ्‌आ खोक्‍को अ़त़ङ्‌ता, खोन्‍कि खोक्‍कोसाआ मोचि झारा म़नुसुचि।

मत्‍ति 14:14

धियाङ्‌वामाओ अ़केम्‌दा नावादाङ्‌का म़धान्‍तान्‍चिन्‌हिदा मो म़ना मुक्‍लाचि येसुआ म़खाचिकि खोक्‍कोसाआ मोचि सोम्‌योक्‍तुचि, खोन्‍कि मोचिएदाओ कातुक्‌चि म़नुसुचि।

मत्‍ति 14:36

खोन्‍कि मोचिआ येसुओ अ़चुतित्‌ओ अ़चोम ओन्‍ङानुछाङ नोप्‍मा प़निनि खोक्‍को अ़लोवा, खोन्‍कि देम्‍पाङ्‌साआ अ़चुतित अ़नोप्‍ता, मोचि झारा म़नुवा।

मत्‍ति 4:23

खोन्‍किना येसु मोचिओ अ़चुयावायोक्‍खिम्‌चिदा चिन्‌याङ्‌सा, निनाम्‍हाङ्‌होन्‌ओ अ़तुक्‌वादा नुय़ङ्‌खान खालुयाङ्‌सा, खोन्‍कि म़नाचिओ अ़चुरादाओ झाराकापाराओ अ़चुसारिमा खोन्‍कि अ़चुमान्‍ऱदामादा नुयाङ्‌सा झारा गालिल्‌दा म़कोला।

मर्कुस 5:34

खोन्‍कि येसुआ मो मेत्‍छामा अ़लोवा, “अ़ङ्‌छा ओ, आम्‍साकोङ्‌छ़ङ्‌आ खाना त़नुसायुङ्‌सा। सेवाङ्‌नि खारा। आम्‍सारिमादाङ्‌का खाना त़नुने।”

मर्कुस 6:56

खोन्‍कि येसु खा-खाक्‍को तेन्‍चिदा, सहराचिदा, कुय़ङ्‌चिदा म़खारा, म़नाचिआ कातुक्‌चि बजारा-बजारादा अ़युक्‍ताङा, खोन्‍कि मोचिआ येसुओ अ़चुतित्‌ओ अ़चोम ओन्‍ङानुछाङ नोप्‍मा प़निनि खोक्‍को अ़लोवा, खोन्‍कि देम्‍पाङ्‌साआ अ़चुतित अ़नोप्‍ता मोचि झारा म़नुवा।

मर्कुस 8:22

येसु अ़चुकाखेङ्‌पाचिएनान बेथसेदादा म़ताला, खोन्‍कि म़नाचिआ अ़क्‍छा दोप्‍म़क म़ना खोक्‍कोएदा अ़तारा, खोन्‍कि मोचिआ “ओ नोप्‍तानुसानुम”नि खोक्‍को अ़लोवा।

लुका 5:3

मो नावाचिएदा अ़क्‌तात सिमोन्‌ओ ओ। येसु मो नावादा म़वाङाकि “ओदाङ्‌का अ़क्‍चित ह्‍यात्‍नि वाक्‍तु”नि सिमोन अ़लोवा। खोन्‍कि खोक्‍को मो नावादा म़युङाकि म़नाचि म़चिन्‍तुचि।

लुका 6:19

झारा म़नाचिआ खोक्‍को नोप्‍मा अ़लाप्‍ता। देकिनालो खोक्‍कोएदाङ्‌का सावा लोन्‍ताकि झाराकापाङ म़नुवाङा।

लुका 7:2

मोदा अ़क्‍छा रोमि कप्‍तानाआ ब़द्‍धे सोमातुक्‍तुङुओ अ़हारुक तुआकि स़मादामा मुवाङा।

लुका 7:21

मोन्‍ग़रिङा येसुआ सारिमाआ लाउचिओचि, कातुक्‌चि खोन्‍कि चाकावालावाआ लाउचिओ ब़द्‍धे म़नाचि म़नुसुचि खोन्‍कि ब़द्‍धे दोप्‍म़क्‌चिछाङ काखाङ म़मुचि।

छाम्‍माय़ङ 5:15

छाम्‍माय़ङ्‌चिआ म़दोम्‍दाओ काचिचि म़मुङुचिओसा म़नाचिआ कातुक्‌चि मुलो लाम्‌चिदा म़तारुचिकि पत्रुस बान्‌याङ्‌हिदा अ़लावाछामित ओन्‍ङानुछाङ मोचिएदा छुक्‌कि म़नुने निकिना अ़चुइम्‍खाचिदा खोन्‍कि फेङ्‌लाचिदा म़युङ्‌सुदोङुचि।

हिब्रु 12:6

देकिनालो झारा साङ निनाम्‍हाङ्‌आ सोमाअ़तुक, मो चाप्‍चेत्‌याङ्‌सा म़चिन्‍तुचि। खोन्‍कि खोक्‍कोसाआ साङ अ़चुछावा अ़लोक, मो सुच़क़ल़क अ़पाक।”