मर्कुस 16:16 - बान्‍तावा राई

¹⁶ खा-खाक्‍को साकोङ्‌छ़ङ म़मुकि बप्‍तिस्‍मा म़लोक मोचि म़लेन, मेन खा-खाक्‍को साकोङ्‌छ़ङ ऩमुनिन मोचि निनाम्‍हाङ्‌आ म़ह़त्‍तुचि।

मर्कुस 16:16 ပူးပေါင်းရင်းမြစ်များ

मत्‍ति 28:19

खोन्‌ओसा खारानिन, खोन्‍कि झारा रावाचि काखेङ मुवानुम्‍च़म, निनाम्‍हाङ पापा, अ़चुछा खोन्‍कि सेङ्‌लावाओ अ़चुऩङ्‌दा मोचि बप्‍तिस्‍मा पुवानुम्‍च़म।

मर्कुस 1:15

खोन्‍कि खोक्‍कोसाआ म़लोचि, “ग़रि तालायुङ्‌सा, खोन्‍कि निनाम्‍हाङ्‌ओ अ़चुहाङ्‌होन च़क्‌दा तायुङ्‌सा, हेवादाङ्‌का लासानिन्‌कि नुय़ङ्‌खान्‌दा साकोङ्‌छ़ङ मुवानिन!”

लुका 8:12

लाम्‌दा छुक्‍ताओ बिउआ दि खाङ मुसुनालो साङ्‌चिआ निनाम्‍हाङ्‌ओ अ़चुय़ङ अ़एन, मेन सैताना ताकि अ़चुसाकोङ्‌वादाङ्‌का निनाम्‍हाङ्‌ओ अ़चुय़ङ ङाप्‍तुखात्‍तुचि, मोचि साकोङ्‌छ़ङ मुमा ऩऱनिन्‌कि ऩलेत्‍निन।

युहन्‍ना 20:31

मेन ओ य़ङ्‌चि म़छाप्‍तायुङ्‌सा खोन्‌ओसा खानानिन्‌आ येसु निनाम्‍हाङ्‌ओ अ़चुछा ख्रिस्‍तओ निकिना साकोङ्‌छ़ङ मुवानिन, खोन्‍कि साकोङ्‌छ़ङ्‌लाम्‍पा खोक्‍कोसोओ अ़चुपाङ्‌दा खानानिन ह़ङ्‌म़ङ तोक्‍तानुम।

युहन्‍ना 3:36

साङ निनाम्‍हाङ्‌ओ अ़चुछाएदा साकोङ्‌छ़ङ मु, मोएदा अ़लुक्‍निन्‌ओ ह़ङ्‌म़ङ याक। साङ्‌आ निनाम्‍हाङ्‌ओ अ़चुछा ऩङाछिरु, मोसाआ ह़ङ्‌म़ङ अ़खान, मेन निनाम्‍हाङ्‌ओ अ़चुमाइसुङ मोएदा युङ्‌युङ।

युहन्‍ना 3:5

येसुआ अ़लासालोवा, “अ़नुछ्‍याङा अ़ङ्‌का खाना लोना, म़ना चाक्‌वा खोन्‍कि लावाआ अ़लानिन्‍लिनिन्‌नालो निनाम्‍हाङ्‌ओ अ़चुहाङ्‌होन्‌दा वाङ्‌मा अ़ऱनिन।

युहन्‍ना 5:24

अ़नुछ्‍याङा अ़ङ्‌का खानानिन लोनानिन, साङ्‌आ अ़ङ्‌य़ङ एनु खोन्‍कि अ़ङ्‌का काछुत साकोङ्‌छ़ङ मु, मोएदा अ़लुक्‍निन्‌ओ ह़ङ्‌म़ङ याक्‌याङ। मो लाहि अ़पाक्‍निन, मेन मो स़मादामादाङ्‌का ह़ङ्‌म़ङ्‌दा वाङायुङ्‌सा।

युहन्‍ना 6:29

येसुआ मोचि म़लासुलोचि, “निनाम्‍हाङ्‌ओ अ़चुकाचि ओङा ओ, साङ निनाम्‍हाङ्‌आ अ़छुत्‍ता खोक्‍कोएदा साकोङ्‌छ़ङ मुमादोत।”

युहन्‍ना 6:35

येसुआ मोचि म़लोचि, “ह़ङ्‌म़ङ काप़ पेम्‍पाक अ़ङ्‌काङा ओ। अ़ङ्‌काएदा काता देम्‍खाछाङ साअ़स़निन, खोन्‍कि अ़ङ्‌काएदा साकोङ्‌छ़ङ कामु देम्‍खाछाङ वामित्‍मा अ़स़निन।

युहन्‍ना 6:40

अ़ङ्‌पापाओ अ़चुमित्‍चिऩङ ओङा ओ, झारा साङ-साङ्‌चिआ अ़चुओ छा अ़खाङ, खोन्‍कि खोक्‍कोएदा साकोङ्‌छ़ङ म़मु अ़धुन्‌ओ ह़ङ्‌म़ङ अ़तोक्‍ने। अ़ङ्‌का मो आदेङ्‌ओ लेन्‌दा अ़ह़ङ मुङ।”

युहन्‍ना 8:24

अ़ङ्‌का खानानिन लोनानिन, ‘खानानिन आम्‍नुओ हेवाचिदा त़स़न।’ देकिनालो ‘अ़ङ्‌का खोक्‍कोङा ओ।’ निकिना खानानिन साकोङ्‌छ़ङ त़मुन्‍मिन्‌नालो आम्‍नुओ हेवादा त़स़न।”

छाम्‍माय़ङ 10:43

झारा निनाम्‍हाङ्‌य़ङ खाकालुचिआ ओक्‍को येसुओ अ़तुक्‌वादा सालुम्‍स़ङ अ़पुवायुङ्‌सा, ‘खोक्‍कोसोओ अ़चुऩङ्‌दा साकोङ्‌छ़ङ कामुचि साङ्‌नुछाङ निनाम्‍हाङ्‌आ अ़चुहेवाचि म़लेत्‍तुप़चि।’”

छाम्‍माय़ङ 13:39

येसुएदा झारा साकोङ्‌छ़ङ कामुचि अ़चुहेवादाङ्‌का म़फोङ्‌सुचिकि निनाम्‍हाङ्‌आ साम्‌योक्‍मि म़काइसुचि। मेन मोसाओ अ़य़ङ्‌हुप्‌आ खानानिन मो हेवादाङ्‌का फोङ्‌मा मान्‍ऱत़दान्‌येन।

छाम्‍माय़ङ 13:46

मेन पावल खोन्‍कि बारनाबास्‌आ राक्‌एनान अ़लासालोवाचुचिन, “निनाम्‍हाङ्‌ओ अ़चुय़ङ झारादाङ्‌का बुया खानानिन्‌ङा खाएत्‍मा दोराङाओ। मेन खानानिन्‌आ ओ ऩङात़छिरुम, खोन्‍कि खानानिन आप्‍पिङा अ़लुक्‍निन्‌ओ ह़ङ्‌म़ङ्‌आ त़खान्‍तिमिन्‌ओ त़काइसिन्‍चिन, खोन्‌ओसा हान आन्‍काच्‍या निरावाचिएदा लाच्‍या।

छाम्‍माय़ङ 2:38

खोन्‍कि पत्रुस्‌आ मोचि लासुलोचि, “खानानिन झारा आम्‍नुओ हेवाचिदाङ्‌का लासानिन्‌कि येसु ख्रिस्‍तओ अ़चुऩङ्‌दा बप्‍तिस्‍मा लोआनिन, खोन्‍कि आम्‍नुओ हेवाचि लेत्‍लुवानिन। खोन्‍नालो सेङ्‌लावा मोहाङा त़तोक्‍तुम।

छाम्‍माय़ङ 2:41

खोन्‍किना खा-खाक्‍कोचि पत्रुस्‌आ लोचिओ य़ङ्‌दा साकोङ्‌छ़ङ म़मुवा, मोचि छाम्‍माय़ङ्‌चिआ बप्‍तिस्‍मा म़प़चि। खोन्‍कि मो लेन अ़चुरुहुप्‌दा आप्‍फात सुम्‌काहजारालेका म़नाचि म़तेप्‍ता।

छाम्‍माय़ङ 22:16

खोन्‍कि हान दि त़हुङुम? पुवालोन्‍तानिन्‌कि हाङ्‌पा येसुएदा साकोङ्‌छ़ङ मुवानिन्‌कि बप्‍तिस्‍मा लोआनिन। खोन्‍कि आम्‍नुओ हेवाचि सेङ्‌प़लुवानिन।’

रोमि 3:6

देम्‍खाछाङ माआङ! खोन्‍नालो निनाम्‍हाङ्‌आ हेन्‍खामा दन्‍दा प़मा देत्‍नि अ़रुवाओ कि?

रोमि 4:24

मेन आन्‍को निम्‍पाङ्‌छाङ ओ। आन्‍कान येसु आन्‍हाङ्‌पा म़सुदाओदाङ्‌का काखोन्‍लोन्‌एदा साकोङ्‌छ़ङ मुन्‍लो निनाम्‍हाङ्‌आ आन्‍कान्‌छाङ साम्‌योक्‍मि म़कान।

२ थेसलोनिकि 1:8

निनाम्‍हाङ मान्‍सिन्‍कादाचि खोन्‍कि आन्‍हाङ्‌पा येसु ख्रिस्‍तओ अ़चुनुय़ङ्‌खान मान्‍लोक्‍कादाचि खोक्‍कोसाआ दन्‍दा म़प़चि।

२ थेसलोनिकि 2:12

खोन्‌ओसा अ़छ़ङ य़ङ्‌दा साकोङ्‌छ़ङ मान्‍मुमाङ मान्‍साम्‌योक्‍मिदा सेवाङ्‌नि कालि झाराकापाङ ह़त्‍मादा म़छुक।

१ पत्रुस 1:21

येसुलाम्‍पा खानानिन निनाम्‍हाङ साकोङ्‌छ़ङ त़मुम। निनाम्‍हाङ्‌आ येसु ख्रिस्‍त म़सुवादाओदाङ्‌का अ़खोन्‍तालोइसा खोन्‍कि खोक्‍को साया अ़मेत्‍ता। खोन्‌ओसा आम्‍नुओ साकोङ्‌छ़ङ खोन्‍कि सोम्‍कुवा निनाम्‍हाङ्‌एदा याक्‌याङ।

१ पत्रुस 3:21

ओसाआ चाक्‌वाओ बप्‍तिस्‍मा खाङ्‌मुसु, खोन्‍कि ओसाआ खानानिन ऩलेइसिन्‌छाङ। ओ पोक्‌दाओ सिप्‍भाङ वालेक्‍तिन्‍खाइसिन्‌वात्‍नि माआङ, मेन ओसोओ अ़तुप्‍माय़ङ अ़च़क़ल़क छेन्‍खातायाएनान निनाम्‍हाङ्‌एदा लामा ओ। येसु ख्रिस्‍तओ अ़चुलामाखोन्‍मालोन्‍मालाम्‍पा ओसाआ खानानिन ऩलेइसिन।

खाङ्‌मुमा 20:15

साङ्‌कोओ अ़ऩङ ह़ङ्‌म़ङ्‌ओ छाप्‍लाखादा मान्‍छाप्‌याङ, मो लेराङाओ मिराक्‌दा वेइसादिसा।

खाङ्‌मुमा 21:8

मेन अ़चुक़मा काकात्‌चि, साकोङ्‌छ़ङ मान्‍मुकादाचि, चिप्‍माकात्‍तुओचि, म़ना कासेत्‌चि, पोप्‍कामुचि, म़क्‍फेङ कामुचि, सेम्‍पोक काब़क्‌चि खोन्‍कि म़ना काम़प्‌चि झारा मो म़नाचिओ अ़चुपाङ्‌यि लेत्‌याङ्‌ओ गन्‍दक्‌ओ मिराक्‌दा लि। ओ ह्‍वादुओदु स़मा ओ।”