मर्कुस 15:21 - बान्‍तावा राई

²¹ लाम्‌दा म़खाराङाहिदा मोचिआ अ़क्‍छा कुरेनिदाओ सिमोन अ़ऩङ मुवाङाओ तेन्‌दाङ्‌का बानाङाओ अ़धिरा। खो अलेक्‍जेन्‍दर खोन्‍कि रुफस्‌ओ अ़चुपा ओ। रात्‍खामिचिआ खो राकाङ्‌थेत्‍नि येसुओ अ़चुक्रुस खुन्‌अ़मेत्‍ता।

मर्कुस 15:21 ပူးပေါင်းရင်းမြစ်များ

मत्‍ति 27:32

मोचि म़खाराङाहिदा मोचिआ सिमोन अ़ऩङ मुवाङाओ कुरेनि सहरादाओ अ़क्‍छा म़ना अ़धिरा, खोन्‍कि मोचिआ मो राकाङ्‌थेत्‍नि येसुओ अ़चुक्रुस खुन्‌अ़मेत्‍ता।

मत्‍ति 5:41

साङ्‌आ खाना पाङ खुन्‍त़मेत्‌कि अ़क किलोमितरा खात्‍मा राकाङ्‌थेत्‍नि त़मुनालो खोसोओ निम्‍पाङ पाङ खुयाकि ह्‍वा किलोमितरा खाना खारा।

मर्कुस 15:20

खोक्‍को अ़सुङ्‌ताचिआकि मोचिआ हालापाक्‍पाक्‌ओ बोप्‍खु अ़हुत्‍ता, खोन्‍कि खोक्‍कोसोओ अ़चुतित्‌ङा अ़हुप्‍ता। खोन्‍किना खोक्‍को क्रुस्‌दा क़ङ्‌मासेत्‍मा निकिना अ़खात्‍ता।

लुका 14:27

खोन्‍कि साङ्‌आ अ़क्रुस खुयु खोन्‍कि अ़ङ्‌का अ़त़ङ्‌ऩङ, मो अ़ङ्‌काखेङ लिमा अ़ऱनिन।

लुका 23:26

मोचिआ येसु मोदाङ्‌का अ़खात्‍ताङाहिदा तेन्‌दाङ्‌का बानाङाओ कुरेनिदाओ सिमोन अ़ऩङ मुवाङाओ म़ना अ़लावा खोन्‍कि येसुओ अ़चुक्रुस खुन्‌अ़मेत्‍ता खोन्‍कि येसुओ अ़चुदेङ-देङ कोन्‌अ़मेत्‍ता।

युहन्‍ना 19:17

खोक्‍कोसाआ अ़चुक्रुस आप्‍पि अ़खुयाकि ताङ्‌खोयोक्‌वानि लोवाङाओदा म़खारा। मो हिब्रु य़ङ्‌दा गलगथानि लो।

छाम्‍माय़ङ 11:20

मेन मोचिएदा खा-खाक्‍को साइप्रस खोन्‍कि कुरेनिदाओ साकोङ्‌छ़ङ कामुचि एन्‍तिओखियादा म़खाराकि ग्रिक्‌चिछाङ हाङ्‌पा येसुओ अ़चुनुय़ङ्‌खान खाम़एत्‍तुचि।

छाम्‍माय़ङ 13:1

एन्‍तिओखिया सहरादाओ साम्‍भुङ्‌दा निनाम्‍हाङ्‌य़ङ खाकालुचि खोन्‍कि काचिन्‍पाचि म़याआङा। मोचि बारनाबास, माक़च़क्‍पानि लोवाङाओ सिमियोन, कुरेनिदाओ लुकियस, हेरोद हाङ एन्‍तिपास्‌ओ अ़छायुङ्‌काओ अ़यावा मनेन खोन्‍कि सावल म़याआङा।

छाम्‍माय़ङ 2:10

फ्रिगिया, पाम्‍फिलिया, मिस्र खोन्‍कि कुरेनिओ अ़च़क्‌दा छुक्‌ओ लिबिया धिखाहुप्‌चि खोन्‍कि रोम्‌दाङ्‌का हुसि बानिन्‌ओ यहुदि

छाम्‍माय़ङ 6:9

मेन अ़क लेन कुरेनि, अलेक्‍जेन्‍द्रिया, किलिकिया खोन्‍कि एसियादाओ यहुदिचिओ अ़चुयावायोक्‍खिम्‌दाओ खा-खाक्‍को लेत्‍माय़ङ यहुदि रुहुप्‌नि म़लोङुचिओचि म़ताकि स्‍तिफनस्‌एनान दुम्‍तुमा अ़पुङ्‌सा।

रोमि 16:13

हाङ्‌पाआ अ़छेन्‍ताओ रुफस खोन्‍कि मोसोओ अ़मा, मो अ़ङ्‌कोछाङ अ़ङ्‌मा म़लिसाओ, मोचि सेवानि लोत्‍निप़नि।