मर्कुस 13:32 - बान्‍तावा राई

³² मेन मो लेन माङ्‌लो ग़रिओ अ़तुक्‌वादा साङ्‌आछाङ अ़सिन्‍तुन्‌योन, ना निनाम्‍मादुओ निनाम्‍हाङ काफाचिआ ना निनाम्‍हाङ्‌ओ अ़छाआङा, मेन निनाम्‍हाङ पापाआ ओन्‍ङा अ़सिन्‌याङ।

मर्कुस 13:32 ပူးပေါင်းရင်းမြစ်များ

मत्‍ति 25:13

खोन्‌ओसा येसुआ म़लोचि, “चाप्‍चाप्‍चाप्‌वा युङानिन, देकिनालो मो लेन खोन्‍कि मोग़रि खानानिन त़सिन्‍तिमिन्‌येन।”

मत्‍ति 25:19

ब़द्‍धेकालेन्‌कि मो हारुक्‌चिओ अ़चुहाङ्‌पा लासाता खोन्‍कि खोसाआ मोचिएनान अ़खिप दोरु।

मत्‍ति 25:6

मेन अ़दाक्‌वा खाखुत ‘खानुम, सायाकाकाम्‍पा म़तायाङ! खोक्‍को तुप्‍सि तानिन!’निओ य़ङ ता।

मर्कुस 13:31

निनाम्‍मा खोन्‍कि हेन्‍खामा लुक्‍खात, मेन अ़ङ्‌य़ङ देम्‍खाछाङ अ़लुक्‍निन्‍खात्‍निन।

छाम्‍माय़ङ 1:7

येसुआ खोचि म़लासुलोचि, “अ़ङ्‌पापा निनाम्‍हाङ्‌आ अ़ङ्‌का इस्राएलि म़नाचिओ अ़चुहाङ ऩमुङाओ अ़छ़ङ अ़मुवाओ ग़रि खोन्‍कि लेन्‌चि खानानिन सिन्‍मा अ़दोत्‍निन।

२ पत्रुस 3:10

मेन हाङ्‌पाओ अ़चुलेन ना काख़पा अ़सिन्‍तिमिन्‌ओ ग़रि तान्‌वा ता। खोन्‍किना मो लेन नाम्‍छ़ऱ अ़धिवो य़ङ्‌आ माखात। नाम्‍छ़ऱदुओ झारा सामाचि नाम, लादिप्‍मा खोन्‍कि साङ्‌केन्‍माचि मिआ म़योङ्‌खात खोन्‍कि हेन्‍खामाकिना मो दुङ्‌दाओ काचिचि म़ह़त्‍खात।

खाङ्‌मुमा 1:1

ओ निनाम्‍हाङ्‌आ येसु ख्रिस्‍त खाङ्‍अ़मेत्‍ताओ य़ङ ओ, खोन्‌ओसा खोक्‍कोसाआ अ़चुकाब़त्‍पाचि च़क्‍नि लिसि तामा म़मुयाङ्‌ओ य़ङ्‌चि खाङ्‌मेत्‍मा म़ऱचि। ख्रिस्‍तआ अ़चुकाफा अ़छुत्‍ताकि ओ य़ङ अ़चुकाब़त्‍पा युहन्‍ना खाङ्‌अ़मेत्‍ता।

खाङ्‌मुमा 3:3

खोन्‌ओसा खानानिन दियाको चिन्‍माय़ङ त़तोक्‍तुम खोन्‍कि त़एनुम, मो मान्‍लेत्‌दानुम खोन्‍कि हेवाचिदाङ्‌का लासानिन। खानानिन त़थिन्‍तिमिन्‌नालो अ़ङ्‌का काख़पावा ताङा, खोन्‍कि खाउग़रि ताङा ओ, मोछाङ खानानिन त़सिन्‍तिमिन।