मर्कुस 13:27 - बान्‍तावा राई

²⁷ खोन्‍कि खोक्‍कोसाआ निनाम्‍हाङ काफाचि म़छुत्‍तुचिकि झारा हेन्‍खामादाओ खोन्‍कि नाम्‍छ़ऱदु अ़क्‍च़क्‌दाङ्‌का नि च़क्‌तारिओचि झारादात्‍निओ निनाम्‍हाङ्‌आ म़छेन्‍तुचिओचि म़कोउचि।

मर्कुस 13:27 ပူးပေါင်းရင်းမြစ်များ

मत्‍ति 12:42

ह्‍युहोन्‌युओ तोक्‍पो हाङ्‌मा छ़ङ्‌छेन्‍माओ लेन्‌दा ओ दुङ्‌दाओ म़नाचिएनान पुक्‍लोन खोन्‍कि ओचि लाहि पाक्‍तुचि, देकिनालो मो हेन्‍खामाओ ह्‍याक्‍को चोम्‌याङ्‌का सोलोमन हाङ्‌ओ अ़खारु एन्‍सि ता। मेन खानुम, सोलोमन्‌दाङ्‌का तोक्‍पो ओदा अ़क्‍छा युङ्‌याङ।

मत्‍ति 13:41

मो लेन म़नाओ अ़छाआ अ़चुकाफाचि म़छुत्‍तुचि, खोन्‍कि मोचिआ खोक्‍कोसोओ अ़चुहाङ्‌होन्‌दाङ्‌का झारा हेवा मुकामेत खोन्‍कि अ़त्‍लो काच़चि झारा म़कोउचि।

मत्‍ति 13:49

हेन्‍खामाओ अ़लुक्‍मा ग़रिदा ओवात्‍निङा लि। निनाम्‍हाङ काफाचि म़ताकि अ़अ़त्‍पाचि साम्‌योक्‍मिचिओ अ़चुरादाङ्‌का म़फेउचि,

मत्‍ति 24:22

मो लेन्‌चि मान्‍दुन्‍म़दोचिओ खाङ्‌दे साङ्‌छाङ ह़ङ्‌मा मान्‍ऱचिओ, मेन निनाम्‍हाङ्‌आ म़छेन्‍तुचिओ म़नाचिओ निम्‍पाङ मो लेन्‌चि म़दुइसुचि।

मत्‍ति 24:24

देकिनालो सोज्‍जेओ ख्रिस्‍तचि, खोन्‍कि सोज्‍जेओ निनाम्‍हाङ्‌य़ङ खाकालुचि म़लोन, खोन्‍कि लिमा ऱनालो छेन्‍माय़ङ्‌चिछाङ थेम्‍माखात्‍माचि निम्‍पाङ अ़धिवो बुन्‌चि खोन्‍कि म़दोम्‍दाओ काचिचिछाङ म़मुचि।

मत्‍ति 24:31

खोक्‍कोसाआ निनाम्‍हाङ काफाचि थुथुरिओ अ़धिवो अ़साङ्‌माएनान म़छुत्‍तुचि, खोन्‍कि मोचिआ हेन्‍खामादाओ अ़क च़क्‌दाङ्‌का नि च़क्‌तारिओचि झारादात्‍निओ निनाम्‍हाङ्‌आ म़छेन्‍तुचिओचि म़कोउचि।

मर्कुस 13:20

हाङ्‌पा निनाम्‍हाङ्‌आ मो लेन्‌चि मान्‍दुन्‍म़दोचिओ खाङ्‌दे साङ्‌छाङ ह़ङ्‌मा मान्‍ऱचिओ। मेन म़छेन्‍तुचिओ म़नाचिओ निम्‍पाङ निनाम्‍हाङ्‌आ मो लेन्‌चि म़दुइसुचि।

मर्कुस 13:22

देकिनालो सोज्‍जेओ ख्रिस्‍तचि, खोन्‍कि सोज्‍जेओ निनाम्‍हाङ्‌य़ङ खाकालुचि म़लोन, खोन्‍कि लिमा ऱनालो छेन्‍माय़ङ्‌चिछाङ थेम्‍माखात्‍माचि निम्‍पाङ बुन्‌चि खोन्‍कि म़दोम्‍दाओ काचिचिछाङ म़मुचि।

मर्कुस 13:28

हान वासिताङ्‌दाङ्‌का दोय़ङ्‌ला चिन्‍तानिन्‍चिन। ओसोओ अ़खेक्‌चि नोत्‍चिचिवा म़लिकि अ़ऩङ्‌वा अ़बाक्‌वाचि पाक्‍तुचिहिदा उप्‍लाक्‌वा लोन्‍मा मुयाङ निकिना खानानिन्‌आ त़सिन्‍तुम।

लुका 16:22

अ़क लेन मो मान्‍तोक्‍कादा म़ना सुवादा, खोन्‍कि निनाम्‍हाङ काफाचिआ मो अ़खुयाखात्‍ताकि अब्राहाम्‌ओ अ़च़क्‌दा अ़युङ्‌सा। मो कातोक म़नाछाङ सुवादाकि म़नाचिआ अ़खुम्‍ता।

लुका 18:7

निनाम्‍हाङ्‌आ म़छेन्‍तुचिओचिआ अ़खाखुत-अ़खोलेन छुक म़फाङ्‍ओ य़ङ्‌दा दि खोक्‍कोसाआ छ़ङ ऩछेन्‍तुन्‍प़न्‍चिन कि? खोन्‍कि दि मोचिओ निकि खोक्‍को स़लेनि म़च़ कि?

युहन्‍ना 10:16

अ़ङ्‌को नि अ़ङ्‌भेराचि म़युङ्‌याङ। मोचि ओ रुहुप्‌दाओचि माआङ। मोचिछाङ अ़ङ्‌का तात्‍माचिदोत। मोचिआ अ़ङ्‌य़ङ अ़एन, खोन्‍कि मोचि अ़क रुहुप्‌ओ म़लि, खोन्‍कि मोचिओ निम्‍पाङ अ़क्‍छाङा अ़चुकाखाङ्‌पा लि।

युहन्‍ना 11:52

येसु यहुदिचिओ निम्‍पाङ ओन्‍ङा स़मादोत्‌ओ माआङ मेन फात्‍ताफेला म़लिसाओ निनाम्‍हाङ्‌ओ अ़चुछाचि अ़क्‍नि मुमाचिओ निम्‍पाङ्‌छाङ स़मादोत्‌ओ।

रोमि 8:33

निनाम्‍हाङ्‌आ म़छेन्‍तुचिओ म़नाचिओ अ़चुदेङ्‌सालाप्‍पादा साङ्‌आ लाहि पाक्‍तुचि? साङ्‌आछाङ माआङ, देकिनालो निनाम्‍हाङ्‌आङा साम्‌योक्‍मि म़मुयुङ्‌सुचि।

कलस्‍सि 3:12

ओवात्‍नि निनाम्‍हाङ्‌आ ऩछेन्‍तिन्‌ओ सेङ्‌याङ्‌ओकि सोमा ऩतुक्‍तिन्‌ओ म़नाचि त़लिसिन्‌ओसा खानानिन नोत्‍चिचिवाओ, सोमाकातुक, अ़नुवाक, कासिम्‍नान्‍चिन खोन्‍कि काहुङ लिसानिन।

२ थेसलोनिकि 2:1

हान ब़ब़, नाना खोन्‍कि निछाचि ओ, आन्‍हाङ्‌पा येसु ख्रिस्‍त म़य़ओ खोन्‍कि अ़क्‍नि म़कोप्‌कि खोक्‍को तुप्‍माओ अ़तुक्‌वादा आन्‍कान्‍का खानानिन लोनिङ्‌नि।

२ तिमोथि 2:10

खोन्‌ओसा निनाम्‍हाङ्‌आ म़छेन्‍तुचिओचिओ निम्‍पाङ झारा य़ङ अ़ङ्‌का आङ्‌तुङ, मोवात्‍नि मोचिआछाङ अ़धुन साम्‌एनान येसु ख्रिस्‍तएदा याक्‌याङ्‌ओ लेन्‍मा अ़तोक्‍ने।

१ पत्रुस 1:2

निनाम्‍हाङ पापाआ बुयादाङ्‌का खानानिन ऩसिन्‍तिन्‌कि ऩछेन्‍तिन, खोन्‍कि अ़चुलावालाम्‍पा खानानिन सेङानिन। खोन्‌ओसा निनाम्‍हाङ्‌ओ अ़चुलोमाय़ङ्‌वा खानानिन चुवानिन, खोन्‍कि येसु ख्रिस्‍तओ अ़चुह़आ रेप्‍तानिन्‍चिन। खानानिन्‌एदा सोम्‍तुक्‍मा खोन्‍कि सेवाङ्‌नि च़लोक पोन्‌याङ्‌सा खात्‍ने।