मर्कुस 12:24 - बान्‍तावा राई

²⁴ येसुआ मोचि म़लासुलोचि, “खानानिन त़फेलिन्‌युङ्‌सिन, देकिनालो खानानिन्‌आ ना साम्‍कालिन ना निनाम्‍हाङ्‌ओ अ़चुसावा त़सिन्‍तुम।

मर्कुस 12:24 ပူးပေါင်းရင်းမြစ်များ

मत्‍ति 22:29

येसुआ मोचि म़लासुलोचि, “खानानिन त़फेलिन्‌युङ्‌सिन, देकिनालो खानानिन्‌आ ना साम्‍कालिन ना निनाम्‍हाङ्‌ओ अ़चुसावा त़सिन्‍तुम।

मर्कुस 10:27

येसुआ मोचि नुलोक म़चोउचि खोन्‍कि म़लोचि, “म़नाचिदाङ्‌का ओ लिमा अ़ऱनिन, मेन निनाम्‍हाङ्‌एदाङ्‌का ओ लिमा अ़ऱनिन्‌ओ अ़मुनिनिन। झारा य़ङ्‌चि निनाम्‍हाङ्‌एदा लिमा म़ऱ।”

मर्कुस 12:23

खोन्‍नालो मोचि म़लाखोन्‍लोन्‌हिदा मो मेत्‍छामा खाक्‍कोसोओ अ़खिम्‍हाङ्‌मा लि? देकिनालो झारा सात्‌कापाङ्‌माङ्‌आङा मो मेत्‍छामा साया अ़काम्‍सा।”

मर्कुस 12:25

देकिनालो म़सुवादाओ म़नाचि म़लाखोन्‍लोन्‌कि ना मोचि सायाम़काम ना सायाङा म़काम्‍सुप़चि। मेन मोचि निनाम्‍मादुओ निनाम्‍हाङ काफावात्‍नि म़लि।

लुका 1:37

खाखो, निनाम्‍हाङ्‌आ मुमा ऩऱन्‌ओ काचि दित्‍छाङ मात्‍द़ङ।”

युहन्‍ना 20:9

मोचिआ खोक्‍को खोन्‍मालोन्‍मादोत्‌निओ साम्‍कालिन्‌दाओ य़ङ मोन्‍ग़रितारि मान्‍सिन्‌अ़युक्‍ताचु।

युहन्‍ना 5:39

खानानिन साम्‍कालिन्‌दा त़लामुम्‌योम, देकिनालो मोदा अ़लुक्‍निन्‌ओ ह़ङ्‌म़ङ तोक्‍तुम्‌नि खानानिन त़मिनिन। अ़ङ्‌तुक्‌वादा सालुम्‍स़ङ काप़ मो साम्‍कालिन्‌ङा ओ!

छाम्‍माय़ङ 17:11

मोदाओ यहुदिचि थेसलोनिकेदाओ म़नाचिदाङ्‌का ब़द्‍धे कासिम्‍नान्‍चिन म़मुवाङा। खोन्‍कि पावल्‌आ खालुसुओ निनाम्‍हाङ्‌य़ङ मोचिआ मिन्‍मा पाक्‍सा अ़एना। पावल्‌आ चिन्‍तुङुचिओ य़ङ अ़नुछ्‍या हे माआङ निकिना मोचिआ अ़लेन्‍खिन्‍तुम साम्‍कालिन अ़खिप्‍ताकि नुलोक अ़तोङ्‌साखाङा।

रोमि 15:4

बुया म़छाप्‍ताओ झारा य़ङ्‌चि आन्‍कान चिन्‍माओ निम्‍पाङ म़छाप्‍ता ओ, खोन्‍कि साम्‍कालिन्‌आ आन्‍कान तामामित्‍मा म़प़, खोन्‌ओसा नुलोक आन्‍कान निनाम्‍हाङ्‌आ म़हिप्‍ताओ य़ङ्‌चि हुङुम्‍च़म।

एफिसि 1:19

खोन्‍कि आन्‍कान साकोङ्‌छ़ङ कामुचिओ निम्‍पाङ खोक्‍कोसोओ तोङ्‌माखाङ्‌मा अ़ऱन्‍मिन्‌ओ तोक्‍पो अ़चुसावा दि ओ, खानानिन सिन्‍मा रुवानुम। मो सावाङा आन्‍कान्‌एदा तोक्‍पो सावापोरिओवात्‍नि काचि म़मुयाङ,

फिलिप्‍पि 3:21

खाक्‍को सावालाम्‍पा झारा खोक्‍कोसोओ अ़चुक़म्‍मादा तात्‍मा म़ऱचि, आन्‍को अ़ऱनिन्‌ओ स़दाओ पोक खोक्‍कोसो आप्‍पिओ अ़चुसाम्‍स़रिओ पोक्‌वात्‍नि लिसि अ़फान।