मर्कुस 11:32 - बान्‍तावा राई

³² मेन ‘म़नादाङ्‌का’नि आन्‍कान य़ङिन म़ल़क?” मोचि मोवात्‍नि य़ङ्‌मा म़ना मुक्‍लाचिदाङ्‌का म़क़सा। देकिनालो झाराकापाङ्‌आ युहन्‍ना अ़नुछ्‍याओ निनाम्‍हाङ्‌य़ङ खाकालुनि अ़मित्‌याङ।

मर्कुस 11:32 ပူးပေါင်းရင်းမြစ်များ

मत्‍ति 11:9

खानानिन देकि त़लोन्‍तिन म़ल़क? दि निनाम्‍हाङ्‌य़ङ खाकालु खाङ्‌सि? उवा, अ़ङ्‌का अ़नुछ्‍या खानानिन लोनानिन, निनाम्‍हाङ्‌य़ङ खाकालुचिदाङ्‌काछाङ अ़क्‍छा तोक्‍पो म़ना त़खाम्‌युङ्‌सुम।

मत्‍ति 14:5

खोन्‌ओसा हेरोद्‌आ युहन्‍ना सेत्‍मा लाप्‍तुङु, मेन अ़म़नाचिएदाङ्‌का क़साङा। देकिनालो मोचिआ खो निनाम्‍हाङ्‌य़ङ खाकालुनि अ़मित्‍ताङा।

मत्‍ति 21:46

मोचिआ खोक्‍को लाप्‍मा अ़लाप्‍ता, मेन मोचि म़ना मुक्‍लाचिदाङ्‌का म़क़सा, देकिनालो म़नाचिआ खोक्‍को अ़क्‍छा निनाम्‍हाङ्‌य़ङ खाकालुनि अ़मित्‍ताङा।

मर्कुस 11:31

मोचि अ़क्‍छा निएदा दुम म़छ़रा, “आन्‍कान निनाम्‍मादुङ्‌कानि य़ङिन्‌नालो ‘देकि खानानिन्‌आ खो साकोङ्‌छ़ङ मान्‍मुत़दोम?’नि खोक्‍कोसाआ म़सेन।

मर्कुस 11:33

खोन्‌ओसा मोचिआ येसु अ़लासालोवा, “आन्‍कान्‍का अ़सिन्‍तिमिन्‍का।” खोन्‍कि येसुआ मोचि म़लोचि, “अ़ङ्‌काछाङ खाक्‍को पाङ्‌आ ओ काचिचि मुङ्‌योङ्‌च़ङ, मो खानानिन अ़लोनान्‍निमिन।”

मर्कुस 12:12

खोन्‍किना यहुदिचिओ अ़चुबुसुवाचिआ येसु लाप्‍मा अ़लाप्‍ता, देकिनालो मो दोय़ङ्‌ला खोचिओ अ़चुदेङ्‌सालाप्‍पादा खोक्‍को म़य़ङाओ निकिना अ़सिन्‍तालावा। मेन मोचि म़ना मुक्‍लाचिदाङ्‌का म़क़सा, खोन्‌ओसा मोचिआ खोक्‍को अ़छिरादाकि म़खारालोन्‍ता।

मर्कुस 6:20

देकिनालो युहन्‍ना साम्‌योक्‍मि खोन्‍कि सेङ्‌ताङ्‌पा म़नानि हेरोद्‌आ सिन्‍तुकिना युहन्‍ना सायामेत्‍तुङु, खोन्‍कि खोसाआ खो रात्‍तुयुङ्‌सुङु। हेरोद्‌आ युहन्‍नाओ अ़य़ङ एनुङुहिदा हेरोद्‌ओ अ़मिन्‍मा चाअ़त्‍साङा, खोन्‍नुछाङ खोसोओ अ़य़ङ अ़ऩङानुयाङ्‌सा एनुङु।

लुका 20:19

य़ङ्‌हुप काचिन्‍पाचि खोन्‍कि मुलो काब़क्‍पाचिआ मो दोय़ङ्‌ला येसुआ खोचिओ अ़चुदेङ्‌सालाप्‍पादा म़य़ङाओ निकिना अ़सिन्‍तालावा। खोन्‌ओसा येसु मोन्‍ग़रिङा लाप्‍मा अ़लाप्‍ता, मेन मोचि म़नाचिदाङ्‌का अ़चुक़माकाराकि लाप्‍मा मान्‍ऱअ़दा।

लुका 22:2

मुलो काब़क्‍पाचि खोन्‍कि मोसाओ अ़य़ङ्‌हुप काचिन्‍पाचिआ खोक्‍को म़नाचिआ मान्‍सिन्‍माङ सेत्‍मा अ़वाखाम अ़लाप्‍ताङा। मेन म़नाचिदाङ्‌का मोचि म़क़साङा।

युहन्‍ना 10:41

ब़द्‍धे म़नाचि खोक्‍कोएदा म़ता खोन्‍कि मोचि म़य़ङा, “युहन्‍नाआ दियाकोछाङ बुन्‌चि मान्‍मुदोचि, मेन युहन्‍नाआ खोक्‍कोसोओ अ़चुतुक्‌वादा झारा य़ङाओ मो अ़नुछ्‍या ओ।”

छाम्‍माय़ङ 5:26

खोन्‍किना रात्‍खामिचिओ अ़चुकप्‍ताना अ़रात्‍खामिचिएनान अ़क्‍नि खाराकि छाम्‍माय़ङ्‌चि बात्‍तुचि। खोन्‍नुछाङ राकाङ्‌थेत्‍नि मुमा मान्‍ऱम़दोचि, देकिनालो म़नाचिआ लुङ्‍आ ऩवेरिन्‍का निकिना मोचिओ अ़चुक़माकारा।