मर्कुस 11:25 - बान्‍तावा राई

²⁵ खोन्‍कि खानानिन यामात्‍सि त़पुइन्‍लोन्‍तिन्‌हिदा खाक्‍कोसोओ अ़देङ्‌सालाप्‍पादा आम्‍नुओ दिदिचि म़युङ्‌याङ्‌नालो लेत्‍तापुवानुम्‍च़म, खोन्‍किना निनाम्‍मादुओ आम्‍नुओ पापाआछाङ आम्‍नुओ हेवाचि ऩलेत्‍तिन्‍प़न।

मर्कुस 11:25 ပူးပေါင်းရင်းမြစ်များ

मत्‍ति 5:23

खोन्‌ओसा खाना ब़क्‍खादा आम्‍छुक्‍दाम त़पाउङुहिदा आम्‍द़क्‍छाओ अ़देङ्‌सालाप्‍पादा दि-दि युङ्‌याङ्‌नि खाना त़मित्‍तुतोक्‍तुनालो

मत्‍ति 6:12

खोन्‍कि आन्‍काओ हेवाचि लेत्‍निप़नि, देत्‍नि आन्‍कान्‍काछाङ आन्‍काओ देङ्‌सालाप्‍पादा हेवा कामुचि लेत्‍तुम्‍च़म्‍का।

मत्‍ति 6:5

खानानिन यात़मारिन्‌येन्‌हिदा कोङ्‌क़त्‌वाचिवा यामान्‍मात्‌दानिन, देकिनालो मोचि यावायोक्‍खिम्‌चिदा खोन्‍कि लाम्‌चिदात्‍निओ खुचुरोङ्‌चिदा म़नाचिआ अ़खाङ्‌ने निकिना एप्‌याङ्‌सा यामात्‍मा अ़चुऩङानु। अ़नुछ्‍या, अ़ङ्‌का खानानिन लोनानिन, मोचिआ अ़चुसिरिफा अ़तोक्‍ताचिआयुङ्‌सा।

लुका 18:11

फरिसि पुवालोन्‍ताकि अ़कोङ्‌या यामारा, ‘निनाम्‍हाङ्‌पो, अ़ङ्‌का खानानिन आलाङ प़नानिन। देकिनालो अ़ङ्‌का नि म़नाचिवाको काच़न, अ़त्‍लोकाच़, ताङ्‌लान कामु माङ्‌लो ओ दाम्‍दुकालात्‌वाकोछाङ अ़ङ्‌का अ़मुऩङ्‌ऩङ।

लुका 18:13

मेन दाम्‍दु कालात अ़थाया एवाकि नाम्‍चोक्‌दुत्‍नि खाङ्‌माछाङ राक मान्‍मुमाङ अ़कोङ्‌कोम धात्‌याङ्‌सा ओवात्‍नि य़ङा, ‘निनाम्‍हाङ, अ़ङ्‌का हेवामिएदा सोमातुक्‍ताङ्‌ऩङ।’

लुका 6:37

नि म़नाचि छ़ङ्‌मान्‍छेन्‍दानुम्‍च़म, खोन्‍कि खानानिन्‌छाङ निनाम्‍हाङ्‌आ छ़ङ्‌ऩछेन्‍तिमिन। निचि मान्‍ह़त्‍दानुम्‍च़म, खोन्‍कि निनाम्‍हाङ्‌आछाङ खानानिन ऩह़त्‍नानिमिन। निचिआ अ़फिसाओ लेत्‍तापुवानुम्‍च़म खोन्‍कि निनाम्‍हाङ्‌आछाङ खानानिन्‌आ त़फिसुम्‌ओ ऩलेत्‍तिन्‍प़न।

एफिसि 4:32

निनाम्‍हाङ्‌आ ख्रिस्‍तदा खानानिन ऩलेत्‍तिन्‌वात्‍निङा अ़क्‍छा निएदा लेत्‍मुवानिन, खोन्‍कि खानानिन अ़क्‍छा निएदा अ़नुवाक साकोङ्‌वा खोन्‍कि सोमाकातुक लिसानिन।

कलस्‍सि 3:13

अ़क्‍छा निएदा आङ्‌मुवानिन, म़नाचिओ अ़चुदेङ्‌सालाप्‍पादा दिदि दुम पाक्‍माय़ङ याक्‌याङ्‌नालो अ़क्‍छा निएदा लेत्‍कालेत मुवानिन। देत्‍नि हाङ्‌पाआ खानानिन ऩलेत्‍तिन्‌युङ्‌सिन, मोवात्‍नि खानानिन्‌आछाङ लेत्‍माचिदोत।

याकुब 2:13

देकिनालो साङ्‌आ सोमातुक्‍मा खाङ्‌मान्‍मुयुक्‍तु, निनाम्‍हाङ्‌आ खो छ़ङ्‌अ़छेन्‌हिदा सोमा ऩतुक्‍तुन। मेन सोमातुक्‍मा छ़ङ्‌छेन्‍माएदा छो।

खाङ्‌मुमा 11:4

मो ह़वाङ निनाम्‍हाङ्‌य़ङ खाकालुचिआ ह्‍वातात जैतुनाताङ्‌चि खोन्‍कि हेन्‍खामादा हाङ्‌पाओ अ़चुबुदा काएप ह्‍वातात कुपियुङ्‌खाचि खाङ्‌मुसुचि।