मर्कुस 11:18 - बान्‍तावा राई

¹⁸ ओ य़ङ मुलो काब़क्‍पाचि खोन्‍कि मोसाओ अ़य़ङ्‌हुप काचिन्‍पाचिआ अ़एना, खोन्‍कि मोचिआ येसु देत्‍नि सेत्‍मा निकिना अ़लाम लाम्‍मा अ़पुक्‍ता। मेन मोचि खोक्‍कोएदा म़क़सा, देकिनालो खोक्‍कोसोओ अ़चुचिन्‍मादा झारा म़ना मुक्‍लाचि दोम्‍तुदोचि।

मर्कुस 11:18 ပူးပေါင်းရင်းမြစ်များ

मत्‍ति 21:15

मेन मोन्‍ग़रि मुलो काब़क्‍पाचि खोन्‍कि य़ङ्‌हुप काचिन्‍पाचिआ खोक्‍कोसाआ अ़मुवाओ म़दोम्‍दाओ काचिचि अ़खा, खोन्‍कि छाचिआ ब़क्‍खाखिम्‌दा “दाउद्‌ओ अ़छा होसन्‍ना!”नि य़ङ्‌सा म़पाराङाओ अ़एना, खोन्‍किना मोचिओ अ़चुमाइसुङ कारा।

मत्‍ति 7:28

येसुओ ओ अ़चुय़ङ्‌चि म़य़ङाचिआ खोन्‍कि मो म़ना मुक्‍लाचि अ़चुओ चिन्‍माय़ङ अ़एनाकि दोम्‍तुदोचि।

मर्कुस 1:22

खोन्‍कि खोक्‍कोसोओ अ़चुचिन्‍माय़ङ अ़एनाकि म़नाचि दोम्‍तुदोचि। देकिनालो खोक्‍कोसाआ मोचि य़ङ्‌हुप काचिन्‍पाचिआ म़चिन्‍तुचिवा माआङ, मेन पाङ्‌एनान म़चिन्‍तुङुचि।

मर्कुस 11:32

मेन ‘म़नादाङ्‌का’नि आन्‍कान य़ङिन म़ल़क?” मोचि मोवात्‍नि य़ङ्‌मा म़ना मुक्‍लाचिदाङ्‌का म़क़सा। देकिनालो झाराकापाङ्‌आ युहन्‍ना अ़नुछ्‍याओ निनाम्‍हाङ्‌य़ङ खाकालुनि अ़मित्‌याङ।

मर्कुस 12:12

खोन्‍किना यहुदिचिओ अ़चुबुसुवाचिआ येसु लाप्‍मा अ़लाप्‍ता, देकिनालो मो दोय़ङ्‌ला खोचिओ अ़चुदेङ्‌सालाप्‍पादा खोक्‍को म़य़ङाओ निकिना अ़सिन्‍तालावा। मेन मोचि म़ना मुक्‍लाचिदाङ्‌का म़क़सा, खोन्‌ओसा मोचिआ खोक्‍को अ़छिरादाकि म़खारालोन्‍ता।

मर्कुस 3:6

खोन्‍कि फरिसिचि बुङ्‌खाया म़लोन्‍ता खोन्‍कि येसु देत्‍नि सेत्‍मा निम्‍पाङ हेरोद कात़ङ्‌चिएनान खोक्‍कोसोओ अ़चुदेङ्‌सालाप्‍पादा च़क्‍नि थालि म़बाङ्‌ता।

मर्कुस 6:20

देकिनालो युहन्‍ना साम्‌योक्‍मि खोन्‍कि सेङ्‌ताङ्‌पा म़नानि हेरोद्‌आ सिन्‍तुकिना युहन्‍ना सायामेत्‍तुङु, खोन्‍कि खोसाआ खो रात्‍तुयुङ्‌सुङु। हेरोद्‌आ युहन्‍नाओ अ़य़ङ एनुङुहिदा हेरोद्‌ओ अ़मिन्‍मा चाअ़त्‍साङा, खोन्‍नुछाङ खोसोओ अ़य़ङ अ़ऩङानुयाङ्‌सा एनुङु।

लुका 19:47

येसुआ लेन-लेन निनाम्‍हाङ ब़क्‍खाखिम्‌दा म़चिन्‍तुङुचि। मेन मुलो काब़क्‍पाचि, य़ङ्‌हुप काचिन्‍पाचिकिना म़नाचिओ अ़चुअ़धुवाचिआ खोक्‍को सेत्‍मा अ़लाप्‍ताङा।

लुका 2:47

खोक्‍कोसोओ अ़ताया ब़द्‍धे याआङाओ खोन्‍कि खोक्‍कोसाआ य़ङ नुलोक अ़लासाङाओ अ़एनाकि झाराकापाङ दोम्‍तुदोङुचि।

लुका 20:19

य़ङ्‌हुप काचिन्‍पाचि खोन्‍कि मुलो काब़क्‍पाचिआ मो दोय़ङ्‌ला येसुआ खोचिओ अ़चुदेङ्‌सालाप्‍पादा म़य़ङाओ निकिना अ़सिन्‍तालावा। खोन्‌ओसा येसु मोन्‍ग़रिङा लाप्‍मा अ़लाप्‍ता, मेन मोचि म़नाचिदाङ्‌का अ़चुक़माकाराकि लाप्‍मा मान्‍ऱअ़दा।

लुका 4:22

खोक्‍कोसोओ अ़चुय़ङ काएन्‌चि झारासाआ खोक्‍कोसोओ अ़चुतुक्‌वादा “अ़नुवाक”नि अ़लोवा। मेन खोक्‍को एन्‍नुलो म़चेवाओ अ़एनाकि मोचि दोम्‍तुदोचि खोन्‍कि “दि ओक्‍को योसेफ्‌ओङा अ़छा माआङ कि?”नि मोचि म़य़ङा।

युहन्‍ना 7:1

खोन्‍किना येसु गालिल्‌दाङा म़कोला, मेन खोक्‍को यहुदियादा खात्‍मा मान्‍स़चि, देकिनालो यहुदि बुसुवाचिआ खोक्‍को सेत्‍मा निकिना अ़वाखाम अ़लाप्‍ताङा।

युहन्‍ना 7:19

दि निनाम्‍हाङ्‌य़ङ खाकालु मोसाआ खानानिन य़ङ्‌हुप त़प़न्‌ओ माआङ? मेन खानानिन साङ्‌छाङ मो य़ङ्‌हुप्‌वा त़च़न्‍मिन। खानानिन देकि अ़ङ्‌का सेत्‍मा त़लाप्‍ङाङाऩङ?”

युहन्‍ना 7:46

निनाम्‍हाङ ब़क्‍खाखिम काहुङ्‌चिआ म़लासुलोचि, “ओ म़नाआवात्‍नि ना खाक्‍कोछाङ म़ना देम्‍खाछाङ मान्‍चेप!”

छाम्‍माय़ङ 24:25

मेन पावल्‌आ साम्‌योक्‍मिओ अ़तुक्‌वादा, क़म्‍मान्‍चिन्‌ओ अ़तुक्‌वादा खोन्‍कि तायाङ्‍ओ निनाम्‍हाङ्‌ओ अ़चुछ़ङ्‌छेन्‍मा लेन्‌ओ अ़तुक्‌वादा खाएत्‍तुहिदा फेलिक्‍स्‌ओ अ़क़माकारा। खोन्‍कि खोसाआ लो, “ओन्‍ग़रि खात्‍मा त़ऱ, अ़ङ्‌का काङाओ ग़रि खाना बुत्‍नाने।”