मर्कुस 10:43 - बान्‍तावा राई

⁴³ आम्‍नुओ रादा ओवात्‍नि लिमा अ़नुनिन। मेन आम्‍नुओ रादा साङ तोक्‍पो लिमा लाम, खो आम्‍नुओ हारुक लिमादोत।

मर्कुस 10:43 ပူးပေါင်းရင်းမြစ်များ

मर्कुस 10:42

खोन्‍कि येसुआ मोचि अ़क्‍नि खोक्‍कोएदा म़बुत्‍तुचिकि मोचि म़लोचि, “खानानिन त़सिन्‍तुम्‌योम्‌ङा, हाङ्‌काचि कामुचिआ निरावाचि चाअ़त्‍लो म़तिमुचि, खोन्‍कि मो अ़धुवा म़नाचि मोचिएदा पाङ म़मु।

मर्कुस 10:44

आम्‍नुओ रादा साङ बुदाओ लिमा लाम, खो झारासो अ़चुहारुक लिमादोत।

मर्कुस 9:35

येसु म़युङाकिना बारकापाङ अ़चुकाखेङ्‌पाचि म़बुत्‍तुचि, खोन्‍कि खोचि म़लोचि, “साङ बुदाओ लिमा लाम, खो झारादाङ्‌का देङ्‌दाओ खोन्‍कि हारुक लिमादोत।”

लुका 14:11

देकिनालो साङ आप्‍पि झोन्‍नान्‍चिन, मो सिम, खोन्‍कि साङ आप्‍पि सिम्‍नान्‍चिन, मो झोन।”

लुका 18:14

अ़ङ्‌का खानानिन लोनानिन, ओ दाम्‍दु कालात मो फरिसिदाङ्‌का निनाम्‍हाङ्‌ओ अ़चुमिन्‍मावा काच़नि काइसाकि अ़खिम्‌ह्‍यात्‍नि खारा। देकिनालो साङ आप्‍पि झोन्‍नान्‍चिन, मो सिम, खोन्‍कि साङ आप्‍पि सिम्‍नान्‍चिन, मो झोन।”

लुका 22:26

मेन खानानिन आम्‍नुओ रादा ओवात्‍नि लिमा अ़नुनिन। खानानिन्‌दाङ्‌का साङ झारादाङ्‌का अ़धिवाङ मुयाङ, मो अ़चुप्‍पो म़नावात्‍नि लिने, खोन्‍कि साङ बुसुवा काचि मु, मो काब़त्‍पावाको लिने।

लुका 9:48

खोन्‍कि मोचि म़लोचि, “साङ्‌आ अ़ङ्‌ऩङ्‌दा ओवाको छा लोउ, मोसाआ अ़ङ्‌का अ़लोक्‍ङा। खोन्‍कि साङ्‌आ अ़ङ्‌का अ़लोक्‍ङा, मोसाआ अ़ङ्‌का काछुत्‍पा लोउ। खानानिन्‌एदा झारादाङ्‌का अ़चुप्‍पो झारादाङ्‌का अ़धुवा ओ।”

युहन्‍ना 18:36

येसुआ लासुलो, “अ़ङ्‌हेन्‍कोप ओ हेन्‍खामादाओ माआङ। अ़ङ्‌हेन्‍कोप ओ हेन्‍खामादाओदे अ़ङ्‌का कात़ङ्‌चि अ़ङ्‌को निम्‍पाङ म़म्‍हुवाओ, खोन्‍कि अ़ङ्‌का यहुदिचिओ अ़चुछुक्‌दा मान्‍छुक्‍ङाओ। अ़ङ्‌हेन्‍कोप ओ हेन्‍खामादाओ माआङ।”

रोमि 12:2

ओ हेन्‍खामादाओ अ़च़माथाङ्‌माचिवा मान्‍च़दानिन, मेन आम्‍नुओ मिन्‍मादा अ़ऩङ्‌वा लिसानिन्‌कि झारा फान्‍तानिन्‍चिन। खोन्‍किना निनाम्‍हाङ्‌ओ अ़नुवाक, अ़चुऩङानुओ खोन्‍कि अ़छ़ङ अ़चुमिन्‍मा दि ओ, मो खानानिन्‌आ सिन्‍मा त़ऱम।

गलाति 5:13

ब़ब़, नाना खोन्‍कि निछाचि ओ, खानानिन ना य़ङ्‌हुप्‌दाङ्‌का फोङ्‌माओ निम्‍पाङ ऩबुत्‍तिन्‌ओ। मेन ओ फोङ्‌माय़ङ पोक्‌ओ हेवामि च़माथाङ्‌मादा मान्‌याङ्‌दानुम। मेन सोम्‍तुक्‍मादा अ़क्‍छा निएदा खानानिन ब़त्‍काब़त मुवानिन।