मर्कुस 10:39 - बान्‍तावा राई

³⁹ खोन्‍कि खोचिआ खोक्‍को अ़लासालोवाचु, “आन्‍काच्‍या ऱचुवा।” खोन्‍किना येसुआ खोचि म़लोचि, “अ़ङ्‌का आङ्‌तुङ्‌ओ दुखाओ खुङ्‌दाङ्‌का खानाचिआ त़दुङ्‌चु, खोन्‍कि अ़ङ्‌का मुङ्‌ओ स़माओ बप्‍तिस्‍मा खानाचिआ त़लोक्‍चु।

मर्कुस 10:39 ပူးပေါင်းရင်းမြစ်များ

मत्‍ति 10:25

काखेङ अ़काचिन्‍पावात्‍नि खोन्‍कि हारुक अ़हाङ्‌पावात्‍नि लिमादा अ़सोम्‍स़ने। मेन मोचिआ अ़ङ्‌का खिम्‍हाङ्‌पाङा चाकावालावाचिओ अ़चुहाङ बालजिबुलनि ऩलोङाङानालो अ़ङ्‌खिम्‍लुम्‍पाचि देम च़लोक अ़त्‍लो म़लोचि!

मत्‍ति 3:6

खोन्‍कि “आन्‍कान्‍का हेवा मुन्‌युङ्‌सिन्‍का”नि य़ङ्‌सा खोलाम्‍पा यर्दन याङ्‌वामादा मोचि बप्‍तिस्‍मा म़लोआ।

मर्कुस 14:31

मेन पत्रुस्‌आ च़लोक क़रान्‍चिन्‌कि लो, “अ़ङ्‌का खानानिन्‌एनान स़मादोत्‌नुछाङ अ़ङ्‌का देम्‍खाछाङ खानानिन ऩङाअ़छित्‍नानिमिन।” खोन्‍कि नि झारा अ़चुकाखेङ्‌पाचिआछाङ मोवात्‍निङा अ़लोवा।

मर्कुस 14:36

खोक्‍को म़य़ङा, “अब्‍बा, अ़ङ्‌पापा, खानानिन्‌आ झारा य़ङ्‌चि मुमा त़ऱम्‍च़म। ओ दुखाओ लाङ्‌चोक्‍खुङ अ़ङ्‌काएदाङ्‌का माङ्‌निप़नि। खोन्‍नुछाङ अ़ङ्‌मिन्‍मावा माआङ, मेन आम्‍नुओ मिन्‍मावा लिने।”

युहन्‍ना 13:37

पत्रुस्‌आ येसु लासुलो, “हाङ्‌पो, अ़ङ्‌का देकिना ओन्‍ग़रि खानानिन त़ङ्‌मा अ़ऱनान्‍निमिन ओ? आम्‍नुओ निम्‍पाङ अ़ङ्‌का स़मा ऱङा।”

युहन्‍ना 15:20

अ़ङ्‌का खानानिन लोनानिन्‌ओ य़ङ मित्‍तानुम, ‘हारुक अ़हाङ्‌पाएदाङ्‌का तोक्‍पो अ़लिनिन।’ मोचिआ अ़ङ्‌का दुखा ऩपुवाङ्‌नालो खानानिन्‌छाङ दुखा ऩप़न। मोचि अ़ङ्‌चिन्‍माय़ङ म़काङ्‌साओ दे आम्‍नुओ य़ङ्‌छाङ म़काङ।

युहन्‍ना 17:14

अ़ङ्‌का मोचि आम्‍नुओ य़ङ प़ङ्‌च़ङ, खोन्‍कि हेन्‍खामाआ मोचि ऩङाछिरुचि, देकिनालो मोचि हेन्‍खामादाओचि माआङ, देत्‍नि अ़ङ्‌काछाङ हेन्‍खामादाओ माआङ।

छाम्‍माय़ङ 12:2

खोसाआ युहन्‍नाओ अ़बुवा याकुब बान्‍छोन्‌आ सेत्‍मेत्‍तुचि।

कलस्‍सि 1:24

हान आम्‍नुओ निम्‍पाङ अ़ङ्‌का दुखा आङ्‌मादा अ़ङ्‌ऩङानुङान्‍च़ङ। खोन्‍कि ख्रिस्‍तओ अ़चुलिप्‍पादा म़युङ्‌याङ्‌ओ चाअ़त्‍माचि खोक्‍कोसोओ अ़चुपोक माङ्‌लो साम्‍भुङ्‌ओ निम्‍पाङ अ़ङ्‌का अ़ङ्‌पोक्‌दा तासुङ्‌लाङ।

खाङ्‌मुमा 1:9

अ़ङ्‌का युहन्‍ना, आम्‍नुओ बुवा, येसुएदा साकोङ्‌छ़ङ मुवाङ्‌ओसा खानानिन्‌एनान अ़क्‍नि हुङ्‌याङ्‌सा अ़चाअ़त्‍मा आङ्‌तुङ्‌योङ। मो दुखा खोक्‍कोसोओ अ़चुहाङ्‌होन्‌दा कावाङ्‌चिएदा ता। निनाम्‍हाङ्‌ओ अ़चुय़ङ खालुसुङ खोन्‍कि येसु ख्रिस्‍तओ अ़चुसालुम्‍स़ङ प़ङ्‌ओसा अ़ङ्‌का पत्‍मोस्‌निओ खाम्‍दाक्‌दा ऩखाइसाङ।