मर्कुस 10:30 - बान्‍तावा राई

³⁰ खोसाआ दुखाएनान सयेकास़रो ब़द्‍धे खिम्‌चि, अ़द़क्‍छा-बुवाचि, अ़ना-निछाचि, अ़मा, अ़छाचि खोन्‍कि अ़व़क्‍स़ङ्‌चि ओन्‍ग़रिङा खोन्‍किना तायाङ्‌ओ लेन्‌दा अ़लुक्‍निन्‌ओ ह़ङ्‌म़ङ तोक्‍तु।

मर्कुस 10:30 ပူးပေါင်းရင်းမြစ်များ

मत्‍ति 12:32

साङ म़नाओ अ़छाओ अ़देङ्‌सालाप्‍पादा चेप, मो अ़लेत। मेन साङ सेङ्‌लावाओ अ़देङ्‌सालाप्‍पादा चेप, मो ओ जुगादा खोन्‍कि तायाङ्‌ओ जुगादाछाङ अ़लेत्‍निन।

मत्‍ति 13:8

मेन अ़क्‍चित बिउचि अ़नुवाक बाखादा म़छुक्‍ता, खोन्‍कि खा-खाक्‍कोसाआ सयेकास़रो, साथिकास़रो, खोन्‍कि तिस्‌कास़रो च़लोक अ़चुसिवा अ़सिसा।

मत्‍ति 6:33

खोन्‌ओसा बुया निनाम्‍हाङ्‌ओ अ़चुहाङ्‌होन खोन्‍कि खोक्‍कोसोओ अ़चुसाम्‌योक्‍मि लामानुम, खोन्‍नालो ओ झारा सामाचि निनाम्‍हाङ्‌आ खानानिन ऩतेप्‍तिन्‍प़न।

लुका 18:30

खोसाआ छिरुदोचिओदाङ्‌का ब़द्‍धेकास़रो ओ हेन्‍खामादा तोक्‍तु, खोन्‍कि निनाम्‍हाङ्‌ओ अ़चुहाङ्‌होन्‌दाछाङ अ़लुक्‍निन्‌ओ ह़ङ्‌म़ङ तोक्‍तु।”

युहन्‍ना 10:23

ओ चुङ्‌हिप्‌ओ ग़रि मुवाङा। येसु निनाम्‍हाङ ब़क्‍खाखिम्‍हुत्‌दाओ सोलोमन सिकुवादा म़कोलाङा।

छाम्‍माय़ङ 14:22

खोचिआ येसु काखेङ्‌चि “लावामि ह़ङ्‌म़ङ्‌दा सावा खोन्‍कि साकोङ्‌छ़ङ मुवायुङ्‌सानिन” निकिना राक अ़पुवाचुचिन। “निनाम्‍हाङ्‌ओ अ़चुहाङ्‌होन्‌दा वाङ्‌मा आन्‍कान ब़द्‍धे दुखाचि आङ्‌माङादोत”नि खोचिआ अ़लोवाचुचिन।

छाम्‍माय़ङ 16:25

अ़दाक्‌वा खाखुत्‌दात्‍नि पावल खोन्‍कि सिलास यामात्‌याङ्‌सा निनाम्‍हाङ्‌ओ अ़चुसाम्‍ऱङ अ़लुवाङाचु। खोन्‍कि नि म़छेक्‍ताङाओ म़नाचिआ अ़एनाङा।

छाम्‍माय़ङ 5:41

खोन्‍किना छाम्‍माय़ङ्‌चि येसुओ अ़चुऩङ्‌दा साया ऩपेप्‍तिन्‍काओ आङ्‌मा अ़खान्‍तिन्‍काओ लिसिन्‌युङ्‌सिन्‍का निकिना अ़चुऩङानुयाङ्‌सा धियायोक्‍खादाङ्‌का बुङ्‌खाया म़लोन्‍ताखारा।

रोमि 5:3

मोन ओन्‍ङा माआङ, मेन आन्‍कान आन्‍दुखाचिदाछाङ ऩङानुसिन्‍चिन, देकिनालो आन्‍कान सिन्‍तुम्‌योम दुखाआ आङ्‌मा सावा तारु।

रोमि 6:23

देकिनालो हेवाओ अ़लुङ स़मा ओ, मेन निनाम्‍हाङ्‌आ मोहा प़माय़ङ्‌ओ अ़चुआसिखा ख्रिस्‍त येसु आन्‍हाङ्‌पाएदा अ़लुक्‍निन्‌ओ ह़ङ्‌म़ङ ओ।

२ कोरिन्‍थि 6:10

आन्‍काओ राक स़याङ, खोन्‍नुछाङ अ़धुन आन्‍काओ ऩङानुसिन्‍चिन्‍का। मान्‍तोक्‍कादानुछाङ, ब़द्‍धेकापाङ कातोक मुम्‍च़म्‍का, दित्‍छाङ मात्‍द़ङ्‌नुछाङ आन्‍कान्‍काएदा झारा सामाचि म़याक्‌याङ।

फिलिप्‍पि 3:8

अ़नुछ्‍या ख्रिस्‍त येसु अ़ङ्‌हाङ्‌पा निकिना सिन्‍मा तोक्‍पो अ़वाखाम तोक्‍तुङ्‌ओदा नि झारा य़ङ्‌चि अ़काचि मात्‍द़ङ्‌ओनि मित्‍तुङ्‌च़ङ। ख्रिस्‍त तोक्‍मा ऱङ्‌ने निकिना खोक्‍कोसोओ निम्‍पाङ अ़ङ्‌का झारा य़ङ्‌चि छिरुङ्‌युङ्‌सुङ्‌च़ङ, खोन्‍किना झारा मोचि सिप्‍भाङ्‌वा मित्‍तुङ्‌च़ङ,

२ थेसलोनिकि 2:16

हान आन्‍कान सोमाकातुक खोन्‍कि खोक्‍कोसोओ अ़चुसोम्‍तुक्‍मालाम्‍पा अ़लुक्‍निन्‌ओ राक खोन्‍कि झारादाङ्‌का अ़नुवाक सोम्‍कुवा काप़ आन्‍हाङ्‌पा येसु ख्रिस्‍त खोन्‍कि निनाम्‍हाङ,

१ तिमोथि 4:8

पोक्‌योक्‍मा थोरेत नुलोक लि, मेन लावामि योक्‍मादा झारादाङ्‌का अ़नुवाक मु, देकिनालो ओसाआ आइमित्‌ओ खोन्‍कि माय़ङ तोक्‍तुम्‌ओ ह़ङ्‌म़ङ ह्‍वातात्‍माङ्‌दा म़हिप।

१ तिमोथि 6:6

मेन सोम्‍स़माएनान्‌ओ साम्‌योक्‍मिङा आप्‍पिदा तोक्‍पो चासुम्‍छेन्‍बि ओ।

याकुब 1:12

चिन्‍माखाङ्‌मा काआङ म़नाआङा आसिखा तोक्‍तु। देकिनालो चिन्‍माखाङ्‌मा खोसाआ आङ्‌तुओसा खोसाआ ह़ङ्‌म़ङ्‌ओ मो ताङ्‌बोप्‍खा तोक्‍तु, निनाम्‍हाङ्‌आ खोक्‍को सोमाकातुक्‌चि मो प़माचि निम्‍पाङ म़हिप्‍तुयुङ्‌सुचि।

याकुब 5:11

खानानिन त़सिन्‍तुम्‌योम, काहुङ्‌चि आन्‍कान आलाङ्‌मिओनि लोम्‍च़म। खानानिन्‌आ अय्‍युब्‌ओ अ़हुङ्‌माय़ङ खोन्‍कि हाङ्‌पाओ अ़चुमित्‍चिऩङ त़एनुम्‌युङ्‌सुम। आदेङ हाङ्‌पाआ देत्‍नि नुलोक अ़मुवा मो त़सिन्‍तुम्‌योम। देकिनालो हाङ्‌पा अ़न्‍नुनु नुलोक कामित खोन्‍कि सोमाकातुक म़मुयाङ।

१ युहन्‍ना 2:25

खोन्‍कि येसुआ आन्‍कान दि म़हिप्‍ताओ, मो अ़लुक्‍निन्‌ओ ह़ङ्‌म़ङ ओ।

१ युहन्‍ना 3:1

खानुम, निनाम्‍हाङ पापाआ आन्‍कान देम ब़द्‍धे सोमाम़तुक्‍तायुङ्‌सा! खोन्‌ओसा आन्‍कान निनाम्‍हाङ्‌ओ अ़चुछाचिनि लोमादोत, खोन्‍कि अ़नुछ्‍याछाङ ओ। हेन्‍खामादाओ म़नाचिआ आन्‍कान मान्‍सिन्‍दामाङा मोचिआ निनाम्‍हाङ मान्‍सिन्‍दामा ओ।

खाङ्‌मुमा 2:9

अ़ङ्‌का आम्‍दुखाचि खोन्‍कि आम्‍मान्‍तोक्‍दामाचि सिन्‍तुङ्‌योङ्‌च़ङ। मेन खाना कातोक त़मुयाङ! साङ आप्‍पि यहुदिनि म़लोनानान्‍चिन, मोचिआ खानानिन ऩसुङ्‌तिन्‌येन्‌ओ अ़ङ्‌का सिन्‍तुङ्‌योङ। मोचि यहुदिचि माआङ, मेन सैतानाओ अ़रुहुप्‌चि ओ।

खाङ्‌मुमा 3:18

खोन्‌ओसा कातोक लिमा मिआ हेङ्‌माय़ङ हाराक्‌वा, खोन्‍कि आम्‍कालाङ्‌द़क्‌ओ लेजो दिप्‍मा निम्‍पाङ ओम्‌याङ्‌ओ तित खोन्‍कि खाना खाङ्‌मा त़ऱने निकिना आम्‍म़क्‌दा पाक्‍मा ओक्‍तो, अ़ङ्‌काएदाङ्‌का खित्‍माछाङ खाना यायोक प़ना।