मर्कुस 1:5 - बान्‍तावा राई

⁵ झारा यहुदिया धिखाहुप्‌दाओचि खोन्‍कि झारा यरुसलेम्‌दाओ म़नाचि बप्‍तिस्‍मा काप़ युहन्‍नाओ अ़य़ङ एन्‍सि म़खाराङा। खोन्‍कि “आन्‍कान्‍का हेवा मुन्‌युङ्‌सिन्‍का”नि य़ङ्‌सा खोलाम्‍पा यर्दन याङ्‌वामादा मोचि बप्‍तिस्‍मा म़लोआ।

मर्कुस 1:5 ပူးပေါင်းရင်းမြစ်များ

मत्‍ति 4:25

खोन्‍किना गालिल, देकापोलिस, यरुसलेम, यहुदिया खोन्‍कि यर्दन याङ्‌वामाओ ह्‍याउधेत्‌याङ्‌का अ़धिवाङ म़ना मुक्‍लाचिआ खोक्‍को अ़त़ङ्‌ता।

मर्कुस 1:4

खोन्‍किना बप्‍तिस्‍मा काप़ युहन्‍नाआ “आम्‍नुओ हेवाचि छिरानुम्‍च़म्‌कि बप्‍तिस्‍मा लोआनिन। खोन्‍कि निनाम्‍हाङ्‌आ आम्‍नुओ हेवाचि ऩलेत्‍तिन्‍प़न!”नि य़ङ्‌याङ्‌सा लेक्‍लेक्‍लेक्‌वाओदा ता।

मर्कुस 1:6

युहन्‍ना उताओ अ़मुवाआ बामाय़ङ्‌ओ तित हुम्‍साङा, खोन्‍कि अ़छुमाय़क्‌दा साहोक्‌वाओ छिप्‍माय़ङ छिआङा, खोन्‍कि रुइचि खोन्‍कि खोक्‍लि खुदो चाङा।

युहन्‍ना 1:28

ओ य़ङ यर्दन याङ्‌वामाओ अ़ह्‍याउधेत बेथानियादा लिसाओ, मोदा युहन्‍नाआ बप्‍तिस्‍मा प़ङुचि।

युहन्‍ना 3:23

युहन्‍नाआछाङ सालिम्‌ओ अ़च़क एनोन्‌दा बप्‍तिस्‍मा प़ङुचि, देकिनालो मोदा ब़द्‍धे चाक्‌वा याआङा। मोदा म़नाचि तायाङ्‌सा बप्‍तिस्‍मा म़लोआङा।

छाम्‍माय़ङ 19:18

येसुएदा साकोङ्‌छ़ङ म़मुवाओ ब़द्‍धे म़नाचि म़ताकि मोचिआ अ़मुवाओ अ़अ़त्‍पा अ़चुकाचिचि म़नाचिओ अ़चुबुदा खाअ़लुसा।

छाम्‍माय़ङ 2:38

खोन्‍कि पत्रुस्‌आ मोचि लासुलोचि, “खानानिन झारा आम्‍नुओ हेवाचिदाङ्‌का लासानिन्‌कि येसु ख्रिस्‍तओ अ़चुऩङ्‌दा बप्‍तिस्‍मा लोआनिन, खोन्‍कि आम्‍नुओ हेवाचि लेत्‍लुवानिन। खोन्‍नालो सेङ्‌लावा मोहाङा त़तोक्‍तुम।

याकुब 5:16

खोन्‌ओसा अ़क्‍छा निएदा आम्‍नुओ हेवा खालुसानुम, खोन्‍कि अ़क्‍छा निओ निम्‍पाङ यामारानिन, खोवात्‍निनालो खानानिन त़नुन। साम्‌योक्‍मि म़नाओ अ़यामात्‍मा सावापोरि खोन्‍कि नुलोक काचि मु।