मर्कुस 1:24 - बान्‍तावा राई

²⁴ “नासरत्‌ओ येसु, खानानिन्‌आ आन्‍कान्‍का दे मुमा त़लाप्‍निङ्‌निओ? दि खानानिन आन्‍कान्‍का लुक्‍सि त़तान्‌ओ? खानानिन साङ ओ, अ़ङ्‌का सिन्‍नाङ्‌नानिन, खानानिन निनाम्‍हाङ्‌आ ऩछुत्‍तिन्‌ओ अ़चुसेङ्‌ताङ्‌पा ओ।”

मर्कुस 1:24 ပူးပေါင်းရင်းမြစ်များ

मत्‍ति 2:23

खो खाराकि नासरत्‌निओ सहरादा युङा। ओवात्‍नि निनाम्‍हाङ्‌य़ङ खाकालुचि म़चेवाओ य़ङ ताला: “खोक्‍को नासरिनि लो।”

मत्‍ति 8:29

मोचि ओवात्‍नि पाराचि, “निनाम्‍हाङ्‌ओ अ़चुछा, खानानिन्‌आ आन्‍काच्‍याएदा दि त़लामुम्‌योम? आन्‍चुवाओ ग़रि मान्‍तालामाङ खानानिन्‌आ आन्‍काच्‍या ओदा दुखा प़सि त़तान ओ?”

मर्कुस 1:23

मोन्‍ग़रिङा मोचिओ अ़चुयावायोक्‍खिम्‌दा अ़क्‍छा पोप्‍ताओ लावाआ लाउओ म़ना पारालोन्‍ता,

मर्कुस 1:25

मेन येसुआ मो चाकावालावा रेन्‌याङ्‌सा अ़लोवा, “वाइवेत युङा, खोन्‍कि ओ म़नादाङ्‌का लोन्‍ताखारा!”

मर्कुस 10:47

खोसाआ नासरत्‌ओ येसु म़ताङाओ एनुकिना पात्‌याङ्‌सा लो, “दाउद्‌ओ अ़चुछा येसु, अ़ङ्‌का सोमातुक्‍नि!”

मर्कुस 14:67

खोन्‍कि मोसाआ पत्रुस मि च़क्‌दा काङ्‌तान्‌यान्‍चिन्‌ओ खाकि खोएह्‍यात्‍नि नुलोक चोप्‌याङ्‌सा लो, “खानाछाङ नासरत्‌ओ येसुएनान त़युङाङा।”

मर्कुस 16:6

मेन खोसाआ मोचि लोचि, “मान्‍दोम्‍दादानिन, खानानिन क्रुस्‌दा अ़ख़न्‍तासेराओ नासरत्‌ओ येसु त़लामुम्‌योम। खोक्‍को म़सुवादाओदाङ्‌का म़खोन्‍तालोन्‍तायुङ्‌सा! खोक्‍को ओदा मात्‍द़ङ्‌चि। मोचिआ खोक्‍को अ़युङ्‌साओदा खानुम!

मर्कुस 5:7

खोन्‍कि अ़धिवाङ य़ङ्‌आ पात्‌याङ्‌सा खोक्‍को लो, “झारादाङ्‌का तोक्‍पो निनाम्‍हाङ्‌ओ अ़चुछा येसु, खानानिन्‌आ अ़ङ्‌का दे मुमा त़लाप्‍ङाङाऩङ ओ? निनाम्‍हाङ्‌ओ अ़चुऩङ्‌दा अ़ङ्‌का खानानिन लोनाङ्‌नानिन, अ़ङ्‌का दुखा मान्‍प़दानि!”

लुका 1:35

निनाम्‍हाङ काफाआ लो, “सेङ्‌लावा खानाएदा म़ता। झारादाङ्‌का तोक्‍पो निनाम्‍हाङ्‌ओ अ़चुसावा खानाएदा छुक। खोन्‌ओसा पुक्‍नान्‍चिन्‌ओ नुनु सेङ्‌लो लि, खोन्‍कि खोक्‍को निनाम्‍हाङ्‌ओ अ़चुछानि अ़लो।

लुका 24:19

येसुआ मोचि म़सेनुचि, “खाक्‍को य़ङ?” मोचिआ अ़लासालोवाचु, “नासरत्‌ओ येसुओ अ़तुक्‌वादा। खोक्‍को अ़क्‍छा निनाम्‍हाङ्‌य़ङ खाकालु म़युङाङा, खोन्‍कि निनाम्‍हाङ्‌ओ खोन्‍कि झारा म़नाचिओ निम्‍पाङ काचि म़मुवाङाहिदा खोन्‍कि म़चिन्‍तुङुचिहिदा सावापोरि म़मुवाङा।

लुका 4:34

“नासरत्‌ओ येसु, खानानिन्‌आ आन्‍कान्‍का दे मुमा त़लाप्‍निङ्‌निओ? दि खानानिन आन्‍कान्‍का लुक्‍सि त़तान्‌ओ? खानानिन साङ ओ, अ़ङ्‌का सिन्‍नाङ्‌नानिन, खानानिन निनाम्‍हाङ्‌आ ऩछुत्‍तिन्‌ओ अ़चुसेङ्‌ताङ्‌पा ओ!”

लुका 8:28

मो म़नाआ येसु खाकि चिलिलिवा पारा, खोन्‍कि खोक्‍कोसोओ अ़चुबुदा बोम्‍सान्‍चिन खोन्‍कि अ़धिवाङ य़ङ्‌आ पात्‌याङ्‌सा, “झारादाङ्‌का तोक्‍पो निनाम्‍हाङ्‌ओ अ़चुछा येसु, खानानिन्‌आ अ़ङ्‌का दे मुमा त़लाप्‍ङाङाऩङ ओ? अ़ङ्‌का खानानिन्‌एदा अ़ङ्‌छुक फाङ्‌तुङ्‌योङ, दुखा मान्‍प़दानि।”

लुका 8:37

खोन्‍कि मो गेरासेनस धिखाहुप खोन्‍कि ऱङ्‌कोप्‍नि धिखाहुप्‌चिदाओ झारा म़नाचि “आन्‍कान्‍काएदाङ्‌का लोन्‍ताखारानिन”नि खोक्‍को अ़लोवा। देकिनालो मोचिओ अ़न्‍नुनु अ़चुक़माकारा। खोन्‌ओसा येसु नावादा म़वाङाकि म़खारालावा।

युहन्‍ना 6:69

खोन्‍कि आन्‍कान्‍का साकोङ्‌छ़ङ मुनियुङ्‌नि खोन्‍कि सिन्‍नियुङ्‌नि, खानानिन निनाम्‍हाङ्‌ओ त़सेङिन्‌येन्‌ओ अ़चुम़ना ओ।”

छाम्‍माय़ङ 2:27

देकिनालो खानानिन्‌आ अ़ङ्‌लावा सित्‍म़ङ्‌चि युङ्‌खादा त़छिरिन्‍दान्‍मिन, खोन्‍कि खानानिन सेङ्‌याङ्‌ओ म़नाओ अ़चुपोक क़माखात्‍मा त़प़न्‍मिन।

छाम्‍माय़ङ 24:5

ओ म़ना चाअ़त्‍लो अ़त्‍सालो काच़पा खोन्‍कि झारा हेन्‍खामादाओ यहुदिचिओ अ़चुरादा काचोङ्‌किना काचेङ्‌वा कामु आन्‍कान्‍का धिरुम्‌युङ्‌सुम्‍का। खोन्‍कि खो अ़क्‍छा नासरिनि लोयाङ्‌ओ फेआओ साम्‌योक्‌ओ बुसुवा ओ।

छाम्‍माय़ङ 3:14

मेन खानानिन सेङ्‌याङ्‌ओ खोन्‍कि साम्‌योक्‍मि येसु ऩङात़छिरुम्‌कि आम्‍नुओ निकि पिलातस्‌एदा अ़क्‍छा म़नाकासेत लेत्‍प़त़लुन।

छाम्‍माय़ङ 4:27

अ़नुछ्‍याङा खानानिन्‌आ त़छेन्‍तुम्‌ओ म़सेङ्‌याङ्‌ओ आम्‍नुओ हारुक येसुओ अ़चुदेङ्‌सालाप्‍पादा थालि बाङ्‌सि हाङ हेरोद खोन्‍कि पन्‍तियस पिलातस इस्राएलि म़नाचि खोन्‍कि निरावाचिएनान म़तोङाकि ओ सहरादा म़कोवान्‍चिन।

याकुब 2:19

खानानिन अ़क्‌तात निनाम्‍हाङ म़युङ्‌याङ निकिना साकोङ्‌छ़ङ त़मुन। मो अ़नुवाक ओ! चाकावालावाचिछाङ साकोङ्‌छ़ङ म़मु, खोन्‍कि अ़चुक़माआ सिन्‍लुक्‍लुक्‌वा धुन्‍तुचि।

१ युहन्‍ना 2:20

मेन खानानिन सेङ्‌याङ्‌ओ निनाम्‍हाङ्‌लाम्‍पा ऩछेन्‍तिन्‌युङ्‌सिन, खोन्‍कि खानानिन झारासा अ़छ़ङ त़सिन्‍तुम्‌योम।

खाङ्‌मुमा 3:7

फिलादेल्‍फियादाओ साम्‍भुङ्‌ओ निनाम्‍हाङ काफा खाना ओ य़ङ छाप्‍तु। साङ सेङ्‌याङ, साङ अ़छ़ङ मुयाङ, साङ्‍एदा दाउद्‌ओ अ़हाङ्‌होन्‌ओ अ़होत्‍खा युङ्‌याङ, ओ य़ङ्‌चि खोक्‍कोएदाङ्‌का ओ। देम्‍खा खोक्‍कोसाआ लाप्‍तिखोप अ़होत, साङ्‌आछाङ मो छेक्‍मा अ़ऱन। खोन्‍कि खोक्‍कोसाआ अ़छेक्‌ओ साङ्‌आछाङ होत्‍मा अ़ऱन।